بصراحة الواحد بيسكت و بيمسك في الكرسي اللي قاعد عليه و خلاص لأنك لو كلمته ممكن تسمع ما لا يرضيك و أبسط كلمة ممكن يقولك:
خد يا عم فلوسك و انزل و متوجعش دماغنا و ممكن يبصلك و ميردش و هكذا فأنا شخصيا بسلم أمري لله ده من ناحية السواقة.
عندك بقي صوت الكاسيت العالي و اللي كمان مش حلو يعني انا في عربيتي ممكن اعلي الكاسيت بس الصوت مظبوط الي حد كبير لكن دول تركب معاهم تلاقي في العربية 7000 تويتر بيصرخوا في وقت و احد غير الإكوليزر.
ده غير السرعة الجنونية (أصل الموضوع) و البلطجة و قلة الذوق في المعاملة من غالبيتهم مش كلهم
و تبقي العربية ماشية و يقولك:
انزل يا استاذ خلصنا.
تقوله طيب يا سيدي هدي شوية.
بس في نظره انت شاب المفروض انك تنط و العربية ماشية علي 40 / 50 كيلو في الساعة مثلا طيب افرض انا تعبان او في عندي مشكلة و مش هقدر انط؟؟!!!!!!!!!!!
و لو راجل كبير او ست كبيرة او واحدة بعيالها بيشاوروا له يسيبهم و يمشي و يقولك ده علي ما يجوا يركبوا نكون وصلنا.
الواحد يقول أيه و لا أيه.
المفضلات