ظيب هو سؤال للي جرب قبل كده
انا اخدت خبطه صغيره كده في الباب اليمين
هي مش جامده اوي
تترد عالبارد بس احسن تترش عشان تتعمل مضبوط
الموضوع ده ياخد كام يوم في التوكيل و فلوس اد ايه؟؟؟
عرض للطباعة
ظيب هو سؤال للي جرب قبل كده
انا اخدت خبطه صغيره كده في الباب اليمين
هي مش جامده اوي
تترد عالبارد بس احسن تترش عشان تتعمل مضبوط
الموضوع ده ياخد كام يوم في التوكيل و فلوس اد ايه؟؟؟
انا من رايى انك لو شايف الموضوع بصيط كده يبقى اعمله فى اى ورشه نظيفه عشان هتاخدها فى نفس اليوم لاكن التوكيل ممكن يخليها تبات عنده, و الراى فى الاول و الاخر ليك
أنا حصل معايا موقف زي كدة وزعلت اوي لان العربية مكملتش معايا شهرين وكانت حاجه بسيطه لكن انا قلت اروح التوكيل وزي ما تتكلف علشان هما عندهم نفس اللوان وامكانيات اكثر والعربية باتت عندهم يوم واحد ودفعت 320.00 بالضريبة هي كثير بس العربية رجعت زي الاول
http://www.postimage.org/gx1XKyCJ.jpg
ايه رايكم في التكلفه يا جماعه
هي ممكن تكون التكلفة غالية شوية, بس الخبطة شكلها رخمة وعايز صنايعي شاطر علشان يعملها, بس هل علموها ورجعت زي الاول ولا حاسس بفرق؟
الحمد الله رجعت زي الاول ولا كان حصل اي حاجه ونفس اللون ولا يوجد اي فرق
سؤال يطرح نفسه: ما هو دور التامين فى حاله زى دى؟
يعنى لو مأمن تأمين شامل المفروض ح يتحمل التكلفه ..طب والاجراءات تمشى ازاى؟
علي فكرة انا مأمن علي العربية مع الجمعية ولما حصل الموضوع ده كان يوم خميس وطبعا الجمعة والسبت اجارة بالنسبة للجمعية وكنت عايز اخلصها علطول وانا اعرف واحد في التوكيل كلمته وسالته عن طريقة التصليح لو انا مأمن علي العربية قالي لازم تروح الجمعية وتبلغ عن العربية وتقولهم انها في التوكيل وبالتالي كان لازم يوم عمل وانا ماعنديش اجازة غير يوم السبت لاحت وديت العربية يوم السبت وباتت عندهم ودفعت التكلفة ال هيه 320.00 جنية وحتي الان لم اذهب الي الجعية للحصول علي هذا المبلغ لاني بسمع حاجات كثيرة عن هذة الجمعية ومنه لله ال قال اروح اعمل التامين عندهم وإن شاء الله تعدي السنه ديه واغير هذة الشركة وإن شاء الله تكون مصر للتأمين وشكرا
ويا ترى إدولك الرفرف القديم المخبوط، و لا ناموا عليه؟!!
لأنك زي ما قلت العربية رجعت زي الأول، ومعنى كدة انهم غيروا الرفرف، لأن بيتهيألي معظم العربيات الجديدة الكوري و الماليزي و الصيني، صاجها بيبقى خفيف قوي و ما ينفعشي يتسمكر علشان يرجع زي الأول. هو ممكن يتسمكر آه، بس موش هيرجع زي الأول، و علشان نقرب الموضوع شوية، هات ورقة فويل رقيقة قوي، و حاول تفردها بعد ما تطبقها.