السلام عليكم ورحمة الله وبركاته ،،،
انا حبيت اساهم مساهمه بسيطه فى الموضوع ..
اولآ علشان نقول شركة تأمين تكافلى لازم يكون فيها ثلاث اركان :
1- لازم يكون فيها هيئة رقابه شرعيه رئيسها رجل دين مش رجل تأمين .
2- فصل تام بين حسابات المؤمنين والمساهمين (( وده طبعآ علشان توزيع الفائض اخر السنه )) .
4- الوعاء المستثمر به رأس المال يجب ان يكون اسلامى (( وده طبعآ امر اخر )) .
3- توزيع نسبه من الفائض ينص عليها فى الوثيقه ومن الممكن ان تذيد الشركه من نسبة التوزيع (( وده فى الغالب ما بيحصلش )) .
دى الاركان الاساسيه لقيام اى شركة تأمين تكافلى ....
اما من حيث الحلال والحرام فالاساس فيها والمفاهيم حلال وهى التكافل المهم التطبيق (( على اساس مشاركات من المؤمنين وعند تحقق الضرر على اى منهم يتم مساندته من واقع هذه المشاركات ويتم توزيع الفائض على باقى المؤمنين الذى لم يطالبوا بشئ او ان مطالباتهم كانت نسبه من مشاركتهم )) .
لو تقدر تحدد ان الشركه بتعمل كل ده وما بتشتغلش فى تأمينات بها حرمنيه يكون تمام ولكن هيهات (( يعنى شركة امنت على فندق وبه مكان للخمور يأمنولوا على كل الفندق ما عدا المكان ده ويبقا يعنى ساقط من التغطيه ولا اييييه )) .
وفى الاخر اقولك استفتى قلبك ولو افتوك فالحلال بين والحرام بين .. قلقت ... كمل الحديث وابعد عن المتشابهات ...
انا اسف للاطاله ..
فى الاخر عايز تأمن روح قطاع خاص وخلى بالك واوصف الحادث بتاعك لاقدر الله كويس واعمل محضر شرطه واطلب حقق وماتزايدش عليه وما تقفش عند مستوى ادارى معين مسئول ما اداكش حقق اطلع على ال بعديه رئيسه يعنى ..لازم تلاقى ناس كويسه ودول على فكره كتيير والحمد لله ....
ولو فيه اى استفسار تحت امركم ..
واسأل الله لى ولكم المغفره ونفاذ البصيره والستر والصحه ...
سبحان الله وبحمده سبحان الله العظيم
المفضلات