كيا برايد تعود من جديد بإسم سايبا برايد بسعر الطراز الأول 46500 (الاخبار 27\12\2008 )

**mrghost** · 28-12-2008 08:15 PM

ايه ياجماعه انتوا دخلتوا فى موضوع تانى خالص
ياجماعه دى امكانيات واذواق انا مثلا لو معايا 150 الف جنيه مش هشترى بيهم عربيه غاليه ولا حاجه بالعكس انا متمسك بعربيتى بعيوبها ومزاياها لان العربيات دى حاجه مش مضمونه اساسا وربنا يكفينا شرها يعنى ممكن فى لحظه تضيع منك
وبعدين انا العربيه (السايبا) دى عجبانى اوى من ساعه ماسقتها هى صحيح بتعوم شويه مع السرعه بس عربيه عمليه ويعتمد عليها بس سعرها غالى مش اكتر

**MoMohsen** · 28-12-2008 08:25 PM

ايه ياجماعه انتوا دخلتوا فى موضوع تانى خالص
ياجماعه دى امكانيات واذواق انا مثلا لو معايا 150 الف جنيه مش هشترى بيهم عربيه غاليه ولا حاجه بالعكس انا متمسك بعربيتى بعيوبها ومزاياها لان العربيات دى حاجه مش مضمونه اساسا وربنا يكفينا شرها يعنى ممكن فى لحظه تضيع منك
وبعدين انا العربيه (السايبا) دى عجبانى اوى من ساعه ماسقتها هى صحيح بتعوم شويه مع السرعه بس عربيه عمليه ويعتمد عليها بس سعرها غالى مش اكتر

والله انت كلامك زى الفل يا جوست و كل واحد وليه ذوقه وشخصيته يعنى انا محبش اجيب عربية تكون كلها تكنولوجيا عاليه ومحدش فاهم فيها حاجة فى بلدنا و لما يحصل ابسط مشكلة اقعد اعيط جنبها ....يعنى انا معايا كيا برايد سيدان 99 و كنت جايبها زيرو و الحمدلله لحد دلوقتى معايا و كنت بشتكى من العفشة بس غيرتها مونرو و بقت زى الفل الحمدلله.

**Terrible_DaRsH** · 29-12-2008 03:42 AM

المشاركة الأصلية كتبت بواسطة human12

المفروض ال 50 الف دول تركب بيها عربيه زى الفل

+1 ..
انا حاسس ان الحكومة بتاعتنا بتتعاون مع شعب الصين ..
اى نعم هما ازكى مننا 5000 مرة بس ده ميمنعش ان احنا عندنا استعداد نعمل حاجة لينا ولبلدنا ولولادنا كمان ...
الشعب الصينى بيشوف ايه اللى ناقصنا وايه اللى الحكومة مطلعا عنينا فيه وهوووووب بيقوم بتصنيعه برخص التراب وييجى يخيرونا بيه وبين المنتجات اللى مفروضة علينا هنا ..
واحنا غلابة والله ...فعلا 50 الف جنيه مبلغ مش قليل علشان تركب عربية مش ثابته على الارض بمعنى الكلمة وسرعتها القصوى متتعداش ال 180 ومحتاجة كماليات كتير ومظهرها مش كويس ولو حبيت تتطلع فيها عيوب هتطلع بالعبيـــط ...
حـــــــــــــــــرام حــــــــــــــرام اللى بيعملوه فى الناس ده ..

**mrghost** · 01-01-2009 09:34 PM

المشاركة الأصلية كتبت بواسطة MoMohsen

والله انت كلامك زى الفل يا جوست و كل واحد وليه ذوقه وشخصيته يعنى انا محبش اجيب عربية تكون كلها تكنولوجيا عاليه ومحدش فاهم فيها حاجة فى بلدنا و لما يحصل ابسط مشكلة اقعد اعيط جنبها ....يعنى انا معايا كيا برايد سيدان 99 و كنت جايبها زيرو و الحمدلله لحد دلوقتى معايا و كنت بشتكى من العفشة بس غيرتها مونرو و بقت زى الفل الحمدلله.

ياباشا انت بتحرجنى بذوقك والله