رأي جيريمي كلاركسون مقدم برنامج Top Gear في السيارات الكورية
كلنا نعرف برنامج توب جير. و كلنا بنحب جيرييمني كلاركسون و بنتأثر بتعليقاته الساخرة على السيارات اللي هو بيقدمها. أنا لقيت حلقة له على يوتيوب حول السيارات الكورية و الماليزية...
نشوف رأيه ايه فيها...
بس نصيحة متكملش لو انت عندك عربية غير الهيونداي جيتز او البروتون جين 2.
ملحوظة: انا مش بقول رأيي. أنا بترجم بس الكلام اللي هم بيقولوه.
http://www.youtube.com/watch?v=hQ_FJ...eature=related
http://www.youtube.com/watch?v=QfhX1...eature=related
الاول هم قالوا ان العربيات الكورية اللي بتجيلهم كانت بشكل عام سيئة, و بشكل عام كانوا بيتجنبوها. و لكن لأن بقى فيه سيل من العربيات دي في السوق عندهم مؤخرا فهم قرروا يختبروها و يشوفوا لو فيها حاجة عدلة.
KIA Rio
بحجم الجولف بسعر أرخص (ب8000 جنيه استرليني) و لكن:
المحرك ضعيف جدا.
كل شوية العربية تسحب معاه فجأة.
أقصى سرعة 100 ميل في الساعة فقط.
من 0 ل100 كم في الساعة في 14 ثانية.
العربية بتعوم.
ركوب عصاية Pogo اريح من ركوب العربية.
العربية مزعجة جدا. مش هتحس انها هديت الا على السرعة الخامسة, اللي متقدرش تطلع بيها منحدر.
و بعدها قال تعليق ساخر على كيا و هو انها كانت بتشجع ان الآباء و الأبناء يمشوا مع بعض للمدارس, و ان بعد ركوب العربية هو فهم ليه. لو كان عنده عنده العربية دي كان هو كمان قرر انه يمشي.
Hyundai Accent (أو الفيرنا عندنا)
العربية من جوه كلها رمادي.
المحرك ضعيف جدا لأنه 3 سيلندر.
من 0 ل100 كم في 19 ثانية.
بيرجو عدم شراء العربية و انك تشتري فورد فييستا أو فولكس جولف مستعملة أحسن.
و سماها في الآخر Hyundai Accident.
لازم نعذره لأنه بيتكلم على النسخة ال1.5 لتر الديزل.
و بعدها كلاركسون وجيمز ماي قعدوا يناقشوا أنهي أسوأ من التانية.
الاتنين بالخلاصة حسب كلام جيريمي كلاركسون absolute rubbish, أو زبالة بالعربي.
و بعدها علق على ان دايو هتغير اسمها لشيفروليه. قال انه برضه ممكن يغير اسمه لجورج كلوني عشان البنات تجري عليه.
و بعدها استبعد العربيات اللي شكلها سيء لدرجة انك مش هتفكر حتى تشتريها:
Daewoo matiz
Daewoo nubira
Daewoo Tacuma
Proton Impian
Perodua Kenari
Chevrolet Kalos
KIA Cerato
Chevrolet Lacetti
Kia Carens
Hyundai Tucson
Hyundai Santa Fe
و عربيات تانية هو مقالش اسمها...
و متبقاش غير:
Hyundai Getz
Perodua Kelisa
Kia picanto
Kia magentis
Proton Gen 2
KIA Magentis
العربية لا بتعرف تسحب و لا بتعرف توفر بنزين.
مزعجة.
شكلها سيء جدا.
جيريمي بيقول ان سعرها رخيص لأنها ****.
Proton Gen 2
شكلها حلو
سعر ممتاز
بمساعدة لوتس هي قدرت توصل لمستوى تحكم رياضي.
و لكن...في رينج السعر ده هو يفضل انه يبدل سهولة التحكم مقابل انه يحصل على صالون داخلي بجودة تويوتا.
Perodua Kelisa
جرب يختبر التحكم في العربية, لقى نفسه مرمي على الجنب التاني من العربية.
و في الفيديو ده هو...شوفوا بنفسكم أحسن...
http://www.youtube.com/watch?v=eE_JIRx9sik
unimaginative junk, with no soul, no flair and no passion
Kia Picanto
الضرايب...
المعرض...
المورد...
شركة النقل...
كلهم بياخدوا حصة من السعر النهائي (6995 جنيه استرليني), مما يعني ان تكلفة العربية في الواقع 2000 أو 2500 جنيه استرليني.
دلوقتي هيخطر على بالك ان سبب انخفاض سعر العربية هو انخفاض تكلفة العمالة, و لكن الواقع ان العاملين في كوريا بياخدوا نفس المرتبات اللي بياخدها الناس في أوروبا و أمريكا.
يبقى مفيش تفسير غير ان المكونات اللي بيستعملوها رخيصة جدا (100 جنيه استرليني أو 1100 جنيه مصري حسب كلامه).
و في نفس الوقت, فقطع الغيار مش أرخص من الأوروبية...و سعر اعادة البيع هيبقى أقل بكتير.
يعني على المدى البعيد, انت الخسران.
و لكن الكلام ده مينطبقش على مصر لأن الكوري منتشر و سعر اعادة بيعه كويس, و كمان قطع غياره متوافرة بينما الأوروبي قطع غياره غير منتشرة و بالتالي تعتبر غالية.
Hyundai Getz
تحسسك انك قاعد في الVW Polo, و امكاناتها كويسة جدا...و لكن عيبها الوحيد هو السعر...9600 جنيه استرليني. يعني نفس سعر الVW Polo و هي كوري...
و لكن الكلام ده مينطبقش عندنا, لأن الGetz أرخص من البولو ب20 ألف جنيه مصري.
