الموضوع: باركولي هبئى لانوساوي بعد كام يوم وعاوز مساعدتكم

المشاركة الأصلية كتبت بواسطة azamell

اولا ازيكم يا احسن منتدى في عالم السيارات انا بحمد ربنا اني عترت على المنتدى ده اثناء بحثى عن سارة مستعملة من النت المهم انا عمال ادور على لانوس مستعملة بقالي فترة لحد الحمد لله لاقيت لانوس 99 حالتها معقولة وحاجة ابدأ بيها حياتي وبجد من ضمن الحاجات اللي خلتني اقرر اني اشتري الانوس بعد توفيق ربنا هو المنتدى ده وخصوصا قسم الدايو لاني لاقيت فيه مساعدات لاي واحد عنده مشكلة او اي استفسار بجد محدش بيبخل على حد محتاج هنا انا بجد بحبكم

بس انا عاوز مساعدتكم في حاجات كتييييييييييييييييييييييي ييييير خصوصا ان انا كل معلوماتي عن العربيات انها بـ4 عجلات - ان ماكنوش غيروها دلوقتي - يعني من الاخر كده انا عاوزكم تقولوا لي اعمل ايه في العربية امتا ازود ميه وازودها فين وامتي احط زيت وامتى اغير السيور وايه هي السيور اللي بتتغير دي- يعني بسمع عن سير كاتينة وبوجيهات ومش عارف ايه حاجات غريبة كده
خصوصا ان العربية اللي إن شاء الله هشتريها بعد اسبوع حالتها كويسة وانا عاوز افضل محافظ على الحالة بتاعتها دي - بعد ماتعلم السواقة طبعا
واخيرا اسمحوا لي انضم ليكم واعلق ستيكر نايل موتورز لما اشتري العربية إن شاء الله واقبلوني اخ ليكم هنا
وربنا يجزاكم عني كل خير

أحب أن أوصيك بمجرد شراء السيارة......غير زيت وفلتر وسير كاتينة.....حتى لو البائع قالك لسة مغيرهم امبارح......وبردة ارفع العربية للكشف على العفشة والأساسات......وخلى ميكانيكى (ابن حلال)..يكشف على الماكينة...ويجرب العربية فى المنحنيات والمطبات لاختبار الكبالن والمساعدين(وربنا يوفق ومبروك مقدما........وماتنساش الاستخارة