ايهم افضل فى الثبات بتاع الاتستر 2004 و فيكترا 2000

انهى افضل يا جماعة فى الثبات الاسترا 2004 ولا الفيكترا 2000
وعيز اعرف استهلاك البنزين فى الاستر بيعمل اد اية
وقطع غيرها اية نظمها موجودة برة التوكيل ولا لا
واسعار قطع الغيار بتاعتها اية يعنى زى التيل و السيور و الفلاتر والحاجات التانية

وفى راجل صاحب معرض قليى فى واحدة قدامى استرا موديل 2004 كاملة مانيوال هو الاول كان طلب فيها 65 وبعد كدة الراجل نزل فى السعر لما الاسعار نزلت خلها حاجة وخمسين المهم الراجل قلى ممكن اخليهالك على 55 الى 57 وبيقلى هى كانت بتاعت الراجل دى بس يعنى هو المالك الاول انتوا اية رائيكم اول فى العربية عموما واية رائيكم فى السعر دة
اه واية اخبار التكيف بتاعها علشان انا سمعت انة زبالة
وخلى بلكم دول تحويشة العمر:36_7_4[1]:

وياريت مكان اكشف فية على العربية وهل التوكيل بيكشف على العربية بضمير ولا لا

arod 3alek fe 7etat el sabat de, Akeed wa bedon monaze3 el Vectra, bas msh m3na keda en el Astra wa7sha.
bas ka motor fa akeed el astra 3alshan el motor el ecotec.

لا طبعا لان حتى الفيكترا ال2000 موتور ايكوتك
لكن دى وضع والفيكترا وضع تانى خالص
الفيكترا تغلب فى اى مقارنة فعلا وبكل المقايس

يعنى انتم اية رائيكم اجيب الاستر اللى معروضة عليا ب 55 الف دى ولا اية هى عاملة 70 الف كم انتم اية رائيكم واسعار قطع غيارها اية نظامها

اية هى امكانيات العربية الاول

اقتباس:

---

المشاركة الأصلية كتبت بواسطة EGMIDO

لا طبعا لان حتى الفيكترا ال2000 موتور ايكوتك
لكن دى وضع والفيكترا وضع تانى خالص
الفيكترا تغلب فى اى مقارنة فعلا وبكل المقايس

---

enta asdak model 2000 1.6 ?? wala model 2000,2000CC ?? 3alshan el 1.6 msh Ecotec wa da motor zebala 75HP :36_7_4[1]:

اقتباس:

---

المشاركة الأصلية كتبت بواسطة zizo50001

انهى افضل يا جماعة فى الثبات الاسترا 2004 ولا الفيكترا 2000
وعيز اعرف استهلاك البنزين فى الاستر بيعمل اد اية
وقطع غيرها اية نظمها موجودة برة التوكيل ولا لا
واسعار قطع الغيار بتاعتها اية يعنى زى التيل و السيور و الفلاتر والحاجات التانية

وفى راجل صاحب معرض قليى فى واحدة قدامى استرا موديل 2004 كاملة مانيوال هو الاول كان طلب فيها 65 وبعد كدة الراجل نزل فى السعر لما الاسعار نزلت خلها حاجة وخمسين المهم الراجل قلى ممكن اخليهالك على 55 الى 57 وبيقلى هى كانت بتاعت الراجل دى بس يعنى هو المالك الاول انتوا اية رائيكم اول فى العربية عموما واية رائيكم فى السعر دة
اه واية اخبار التكيف بتاعها علشان انا سمعت انة زبالة
وخلى بلكم دول تحويشة العمر:36_7_4[1]:

وياريت مكان اكشف فية على العربية وهل التوكيل بيكشف على العربية بضمير ولا لا

---

السلام عليكم..
انا هاقولك رأيي المتواضع ف الموضوع ده..
بالنسبة لللثبات: الفيكترا اكيد و من غير كلام ثبات اعلي.. بس حضرتك بتقول علي السرعات العالية.. هل الطبيعي بتاعك انك بتجيب سرعات عالية جدا فوق ال160 مثلا؟؟ عشان يفرق معاك الثبات بين العربيتين..؟؟
علي حسب احتياجاتك.. و اسلوب استعمالك للعربية..و التعامل معاها..

استهلاك البنزين بتاع الاسترا اكيد هيبقي افضل من الفيكترا بكل المقاييس..
ليه؟؟ عشان الفيكترا لو 1600 موتور كامة واحدة.. single point injection و الاسترا موتور multi point injection ايكوتك..
و ال2000 سي سي.. استهلاكه عالي سواء الموتور الكامة واحدة او ال2.. كامه..
في نقطة البنزين.. الاسترا تكسب..

في قطع الغيار.. كله موجود برة الوكيل عادي جدا..الاسترا وا لفيكترا.. و اسعارهم متقاربة.ز في حاجات الاسترا اغلي.ز و حاجات الفيكترا اغلي.. بس السيور و الفلاتر و الكلام ده.. تقريبا زي بعض..

بالنسبة لكلام المعرض و كده.. نصيحة لوجه الله.. متصدقش ولا كلمة من كلام اصحاب المعارض.. انا مش باعيب فيه لا سمح الله.. بس تجارب الناس اللي اعرفهم.. و ناس كتير مع معارض.. الكلام اللي بيتقال بيبقي بعيد كل البعد عن الصحة.. و بيقول اي كلام عشان يبيع.. و خلاص..
لو هتاخد العربية دي.. متتكلمش في سعر غير لما تاخدها التوكيل.. و تكشف عليها كشف شامل هناك,, و تاخد ريبورت فيه كل حاجة ف العربية دي.. و السعر اللي هو بيقوله ده كويس.. عشان الاوتوماتيك دلوقتي بتعمل حوالي 65 الف. او اقل علي حسب حالتها.. و المانيوال منها قليل شوية..

بالنسبة للتكييف.. متسمعش كلام حد مش معاه الماني ف حوار التكييف ده..
العربيات دي عموما.ز لو راحت لصنايعي مش بيفهم فيها.. انسي و العربية خلاص.. مش بتتظبط تاني بعد كده.. عشان دي عربيات مش بتاعت عك.... في كل حاجة. كهربا- ميكانيكا - عفشة - تكييف..
في اماكن معينه بتشتغل في تكييف الالماني.. و بيتظبط و يبقي زي الفل.. هو ممكن يكون مش بيبرد بسرعة زي العربيات الياباني.. بس مش لدرجة انه زبالة يعني....

بس ده اللي اعرفه.. و زي ما قولتلك.. استخارة و التوكيل. و ربنا يقدم اللي فيه الخير..

اقتباس:

---

المشاركة الأصلية كتبت بواسطة tata12001

enta asdak model 2000 1.6 ?? wala model 2000,2000CC ?? 3alshan el 1.6 msh Ecotec wa da motor zebala 75HP :36_7_4[1]:

---

ايه يا عم ( تاتا ) انت بتغلط ليه .. أنا معايا فيكترا موديل 2000 1600 سي سي والموتور 10 على 10 .. (الله أكبر)

اقتباس:

---

المشاركة الأصلية كتبت بواسطة superkenwood

ايه يا عم ( تاتا ) انت بتغلط ليه .. أنا معايا فيكترا موديل 2000 1600 سي سي والموتور 10 على 10 .. (الله أكبر)

---

لا يا باشا.ز
اكيد هو كلامه ان الموضوع نسبي..
يعني موتور 75 حصان علي بودي ما شاء الله تقيل جدا زي الفيكترا.. يعتبر ضعيف.. و هو بيجري و بيشد كويس طبعا بس علي مهله شوية..
يعني احمد (نو نيم) جاب بعربيته تقريبا 190 وهي 1600 مانيوال كامة واحدة.. العادي القديم..شغال يعني.. بس لو قارنت بالايكوتك.. و ال2000 سي سي. الفرق كبير طبعا..

من ناحية الثبات أعتقد الفيكترا أعلى بس ده مش معناه ان الأسترا ثباتها وحش لا العربية ثابتة و كويسية جدا و خصوصا لو عشفتك محافظ عليها

المهم فى الثبات تصميم العربية و العفشة - الأتنين تصميمهم ممتاذ - يبقى فاضل العفشة

بس رأى شخصى 1600 للاسترا و 2000 للفكترا
أستهلاك البنزين ده بقى حاجة نسبية تماما بس بوجه عام الألمانى أستهلاك البنزين بتاعه أعلى من اليابانى

التكييف زى ما أحمد قال مش سريع بس حسب ماسمعت مشاكل التكييف فى الفكترا أكثر بس موديل معين مش فاكر اى موديل

انا معايا استرا 2006 زى تفرق عن ال 2004 ان بتاعى نازل فيها سى دى .المهم :
الثبات الفيكترا تكسب و لكن الاسترا ثباتها ممتاز و كويس جدا انا جايب بيها 185 و زى الفل .
العفشه ناشفه شويه و لكن ده مفي فى الثبات و التحمل .
التكيف فعلا ضعيف من ناحيه سرعه التبريد انما لو خد فرصته بيبقى كويس .
السحب مقارنة بالفيكترا 1600 فالاسترا تكسب و على فكره المانيوال فى الاسترا على 1600 جباااااااااااااااااااار .
استهلاك البنزين الاسترا عندى مش بتاكل بنزين كتير الفيكترا كانت معانا بس بصراحه مش فاكر استهلاك البنزين بتاعها .
قطع الغيار تعتبر زى الفيكترا بس فى ملاحظه ان الفيكترا قطع غيار المانى تقفيل مصرى الاسترا لأ دى قطع غيار برازيلى تقفيل مصرى عشان كده انا شايف ان الفيكترا انضف فى التقفيل و عيوب التقفيل فى الاسترا هتلاقيها موجوده خصوصا فى بعض اجزاء التابلوه بس مش باينه اوى .
مشاكل العربيه بالنسبالى و معرفش ده عيب منتشر ولا عندى بس :ال abs جابلى هبل فى دماغى كل شويه الاقى اللمبه نورت اروح التوكيل اغير صره و التانيه يقولى مفيش حاجه دى الكنترول كان مهنج و التالته يقولى اصل الحساس ملمس (بس معرفش عندى بس ولا كله كده).
العيب الى منتشر و متاكد منه هو البرومه فى الدواير بتاع العربيه (الرفارف).
الزراير بتاع الاكلاكس بتتقطع و التوكيل بيبيع الايرباج على بعضه ب 7000 جنيه برازيلى و بيتجاب من برا استعمال خارج المانى ب 500 جنيه اخره(انا عملت كده).
فعلا اكشف على العربيه فى التوكيل بس اوعى تروح فرع طنطا بلاااااااااااااااش طناط ارجوك روح اسكندريه الى على الصحراوى او اى فرع تانى و لو ربنا كرمك و اشتريت شيل فرع طنطا من خريطه منصور فى مصر و مترحلوش خالص .
سؤال بقى هوفعلا الفيكترا ال 1600 75 حصان ؟؟؟؟؟؟؟؟؟؟؟؟؟؟؟؟؟؟؟؟؟
انا اسف انى طولت عليكو

اقتباس:

---

المشاركة الأصلية كتبت بواسطة venus-doom

انا معايا استرا 2006 زى تفرق عن ال 2004 ان بتاعى نازل فيها سى دى .المهم :
الثبات الفيكترا تكسب و لكن الاسترا ثباتها ممتاز و كويس جدا انا جايب بيها 185 و زى الفل .
العفشه ناشفه شويه و لكن ده مفي فى الثبات و التحمل .
التكيف فعلا ضعيف من ناحيه سرعه التبريد انما لو خد فرصته بيبقى كويس .
السحب مقارنة بالفيكترا 1600 فالاسترا تكسب و على فكره المانيوال فى الاسترا على 1600 جباااااااااااااااااااار .
استهلاك البنزين الاسترا عندى مش بتاكل بنزين كتير الفيكترا كانت معانا بس بصراحه مش فاكر استهلاك البنزين بتاعها .
قطع الغيار تعتبر زى الفيكترا بس فى ملاحظه ان الفيكترا قطع غيار المانى تقفيل مصرى الاسترا لأ دى قطع غيار برازيلى تقفيل مصرى عشان كده انا شايف ان الفيكترا انضف فى التقفيل و عيوب التقفيل فى الاسترا هتلاقيها موجوده خصوصا فى بعض اجزاء التابلوه بس مش باينه اوى .
مشاكل العربيه بالنسبالى و معرفش ده عيب منتشر ولا عندى بس :ال abs جابلى هبل فى دماغى كل شويه الاقى اللمبه نورت اروح التوكيل اغير صره و التانيه يقولى مفيش حاجه دى الكنترول كان مهنج و التالته يقولى اصل الحساس ملمس (بس معرفش عندى بس ولا كله كده).
العيب الى منتشر و متاكد منه هو البرومه فى الدواير بتاع العربيه (الرفارف).
الزراير بتاع الاكلاكس بتتقطع و التوكيل بيبيع الايرباج على بعضه ب 7000 جنيه برازيلى و بيتجاب من برا استعمال خارج المانى ب 500 جنيه اخره(انا عملت كده).
فعلا اكشف على العربيه فى التوكيل بس اوعى تروح فرع طنطا بلاااااااااااااااش طناط ارجوك روح اسكندريه الى على الصحراوى او اى فرع تانى و لو ربنا كرمك و اشتريت شيل فرع طنطا من خريطه منصور فى مصر و مترحلوش خالص .
سؤال بقى هوفعلا الفيكترا ال 1600 75 حصان ؟؟؟؟؟؟؟؟؟؟؟؟؟؟؟؟؟؟؟؟؟
انا اسف انى طولت عليكو

---

بالعكس تماما..
انت مطولتش ولا حاجة..
و كلامك مفيد جدا.. بحكم انك امتلكت العربية..
الفيكترا ال1600 الكامة الواحدة فعلا 75 حصان بس..
انت عندك تقريبا هيكون حوالي 90-95 حصان.. مع انه 1600 برضه.. بس انت ايكوتك.. 2 كامة انجيكشن..
و بالنسبة لموضوع الايه بي اس.ز غالبا بعض الفيكترا بيحصل فيها الحوار ده..
و ابو زهرة اتكلم ف الموضوع ده قبل كده..

موضوع ال Abs ده أول مرة أسمع عنه و انا عربيتى أسترا 2004 عمره ماعمل معايا مشكلة

و أنا برضه الabs دي عمرها معملتها و 2004 و هي علي فكرة 103 حصان مش 90.
الكلاكس بيتقطع و التكيف مش أوي بس لازم ياخد وقته عشان يسقع.
الثبات مجربتش الفيكترا بس كلهم بيقولوا الفيكترا يبقي خلاص بس الأسترا تقيلة و ثابتة يعني 175 و مفيش أي حاجة تبقي جامدة و ده معناه أن الفيكترا 210 و مفيش أي حاجة.
مكن الزجاج الخلفي بيتكسر لوحده(برازيلي) و العربية لو أوتو سعات تدوس و مفيش أي أستجابة خالص.
المانيوال مفوش كلام طبعاً. و شكراً

اقتباس:

---

المشاركة الأصلية كتبت بواسطة superkenwood

ايه يا عم ( تاتا ) انت بتغلط ليه .. أنا معايا فيكترا موديل 2000 1600 سي سي والموتور 10 على 10 .. (الله أكبر)

---

ana bakarenha ba el 3arabeiat el 1.6 el tania motor
tab a2olak 7aga, garab ay 3arabeia ageda 1.6 wa 2o7kom enta, el fekra msh shadd wa el kalam da, bardo e7sasak bel sa7ba bayeb2a fare2

انا عندى مكن الازاز ما شاء الله زى الفل (جايز عشان محدش بيركب ورا )بالنسبه للموتور فهو عندى مكتوب فى الكتالوج انه 102 او 103 مش فاكر.
الفتيس عندى مفيهوش مشاكل و استجابه الدواسه سريعه جدا و العربيه سحبها حلو و اكتر حاجه بتعجبنى فيها موتورها و سحبها و صوت موتورها بعد 4000 ار بى ام.
جايز بقى موضوع ال abs ده عندى بس عموما انا ان شاء الله لما اخلص امتحانات ليا زياره طويييييييييييله لمنصور فرع اسكندريه الصحراوى.
تشكر يا احمد باشا.

اقتباس:

---

المشاركة الأصلية كتبت بواسطة tata12001

enta asdak model 2000 1.6 ?? wala model 2000,2000CC ?? 3alshan el 1.6 msh Ecotec wa da motor zebala 75HP :36_7_4[1]:

---

اقتباس:

---

المشاركة الأصلية كتبت بواسطة tata12001

ana bakarenha ba el 3arabeiat el 1.6 el tania motor
tab a2olak 7aga, garab ay 3arabeia ageda 1.6 wa 2o7kom enta, el fekra msh shadd wa el kalam da, bardo e7sasak bel sa7ba bayeb2a fare2

---

الموتور ال 1.6 الكامه الوحده 75 حصان
الايكوتك حوالى 100 حصان

الاتنين مش هيدوك الشد الجبار خصوصا ان الايكوتك بينزل اوتوماتك
دهغير ان الفكترا اصلا تقيله جدا فماتقرنهاش بالعربيات التانيه اللى بتديك احساس بالسحب والشد بس مراجيح