انا الحمد لله استملت بروتون بيرسونا امبارح 27 ديسمبر 2008 باركولى

**magedomran** · 31-12-2008 05:03 PM

المشاركة الأصلية كتبت بواسطة m_marmoush

لو تحب ممكن تجيلى تاخد كاتالوج عربيتى وتبقى ترجعه لما تستلم كاتالوج عربيتك أن شاء الله
أنا عربيتى جين تو 2008 بس العربيتين تقريبا زى بعض وأعتقد الفرق بينهم مش كبير

الله يبارك فيكم كلكم يا رب والله الواحد سعيد جدا بكل التهانى دى وفعلا مبسوط بوجودى معاكم والله
والف شكر يا مرموش باشا جزاك الله خيرا يا حبى
ويارب نتعاون على الخير دايما
وبالنسبه للعربيه انا اشتريتها قسط زى ما قولت من توكيل دايهاتسو بتاع عبد اللطيف جميل مكنتش حاجز مع عز العرب هو اتصرف وجبها مش عارف منين

**mrzo** · 31-12-2008 08:56 PM

ازاى ما اخذتش الكاتلوج لن شاريها يوم 25 / 12 ومعاها الكاتلوج بس من معرض وهاى لاين

**magedomran** · 03-01-2009 11:13 AM

المشاركة الأصلية كتبت بواسطة mrzo

ازاى ما اخذتش الكاتلوج لن شاريها يوم 25 / 12 ومعاها الكاتلوج بس من معرض وهاى لاين

هو دة اللى حصل

**ahm2000** · 03-01-2009 11:37 AM

ألف ألف مبروك ربنا يبارك لك فيها و يكفيك شرها و يجعلهالك معين على عمل الخير .. بس ممكن تبقى تعمل لنا تقييم للعربية بعد الإستخدام يعني المزايا و العيوب و تقييمك للتوكيل بتاعها و كمان يا ريت تكتبلنا أي معلومات للإتصال بالمكان اللي اشتريتها منه .. و إدعيلنا ربنا يكرمنا و نجيبها من عنده قريب ... و شكراً

ألف ألف مبروك

**meramor81** · 03-01-2009 12:18 PM

الف الف الف مبروك ربنا يباركلك فيها ويديك خيرها يارب ويكفيك شرها احنا كمان جبنا نفس لونك والحمد لله والدى مستمتع بيهاا جدا

**rorogogo** · 03-01-2009 03:52 PM

مبروك مبروك
بس عايز اسأل
1)كيف تم الاخيتار مع الشائعات عن سعر اعاده البيع؟
2) تفاصيل السعر ( المقدم -القسط ) عشان عايز اشترى من غير بنك؟

**fidodido220** · 04-01-2009 05:53 AM

المشاركة الأصلية كتبت بواسطة magedomran

السلام عليكم ورحمه الله وبركاته
الحمد لله انا استلمت امبارح وبقيت عضو بروتوناوى بيرسوناوى

اولا انا بوجه الشكر لجميع اعضاء ومالكين بروتون فى هذا المنتدى الرائع الجميل نسأل الله جل وعلى ان يجعل كل هذا فى ميزان حسناتكم لمساعدة الغير وابداء رأى محايد عن تجربه فعلا
ثانيا بقا الحمد لله انا استملت بيرسونا ميتل جراى فول اوبشن اتوماتيك العربيه دى اول عربيه زيرو اركبها بعد ال 128 اللى بعتها علشان اشترى دى الحمد لله
اشتريتها تقسيط من توكيل دايهاتسو بتاع عبد اللطيف جميل هما بيقسطو اى نوع عربيه تقسيط مباشر دون تدخل اى بنوك فى المعامله ولو مش عايز تأمن براحتك
انا اخدت اخويا وواحد صاحبى والحمد لله فصصنا العربيه كويس واستلمتها الساعه 3 بعد العصر فى النور وكانت فى الشارع وجربت بفضل الله كل الازرار وكمان كنت عامل اسطوانه ام بى ثرى وجربت بيها الكاست ما شاء الله عليه وجربت الحمد زراير المالتى فانكشن وكمان جربت التكييف سخن وبارد كله بفضل الله تمام
وبعدين توكلت على الله ومشيت بس حسيت اول ما اتحركت بخبطه كدة بسيطه تقريبا من تحت وخبطه غير محسوسه اخرى عند الضغط على الفرامل ودة تقريبا علشان التطبيع بتاع التيل مع الطانبورة على ما اعتقد وحاسس ان العربيه متكتفه شويه ودة ممكن يكون علشان التليين
العربيه ما شاء الله عليها جميله جدا شكلا من برة ومن جوه والموضوع دة اذواق وكمان حسيت ان الصالون من جوه شيك قوىىىىىىىىى بالنسبالى
العربيه كانت عامله 56 كيلو
بس فى شويه حاجات عايز اسأل عليها تقريبا الساعه عملوها فوق عداد الكيلوهات بس هى مش مظبوطه مش عارف اظبطها ازاى وكمان الزرار اللى بضغط عليه جنب العداد اللى بيجيب استهلاك البنزين وكدة مش فاهم على الحاجات دى لأن المانوال لسه ما اخدتوش وعايز اعرف حساس الكن عبارة عن ايه بيبقا صوت وانا برجع لورا زى ما بسمع ولا ايه
وعقبال كل اللى ما استلموش يستلموا
ويارب يباركلى فيها ويقدرنى فى استخدمها فى الخير فقط يارب ويبعد عننا عيون الحاسدين

اولا مبروك يا باشا و عقبال 100000 كم
ثانيا كنت عايز اسالك عن الاجراءات اللى اشتريت بيها بالقسط سعنى مقدم كام و قسط قام و الورق المطلوب وعلى كام سنه و كده عشان انا عايز اشترى قريب بس اما نشوف اخرت الاسعار هتوصل فين و شكرا

**magedomran** · 10-01-2009 12:06 PM

الف شكر ليكم كلكم يارب
وان شاء الله ابقا اعمل تقييم بس شويه كدة
وفعلا هى عربيه الحمد لله كانت اختيار صائب
ويكفينى انها انتاج دوله اسلاميه بغض النظر عن سعر اعادة البيع
بالنسبه للمقدم 21 الف وقسط 1850 على 5 سنين
انا عارف انه غالى قوى بس دة ان شاء تقسيط اسلامى