يا باشا الجيتز فئة اعلي من البيكانتو وال i10
عرض للطباعة
شكرا يا باشا ...... والله انا الكلام اللي سمعته لحد دلوقتي بيقوللي اشتري الجيتززز بس انا العيوب اللي سمعتها و قريتها عنها هي:
*العفشة الناشفة عند المطبات
*الشنطة الصغيرة الى حد ما (ولو ان ده مش مهم اوي بالنسبة لي لان هي هتبقى عربية لاتنين لسه متجوزين و كمان انا مصر على الهاتشباك)
*الموتور اللي اقوى من حجمها ودي البعض شايفها مشكلة لكن انا ما اعتقدش ان دي مشكلة اصلا
كمان انا صراحة اول مرة اسوق و اول مرة اشتري عربية ....فانا عاوز عربية تكفنيي انا والمدام و عكروتين كمان ... تكون عملية تكفيني في شغلي وتفسحنا
بس حابب اسال ايه الزيادة في الفل اوبشنز وهل الفل موجودة في مصر
وشكرا لكل اللي رد يا جماعة
بص يا سيدى هيا العفشه ماتعتبرش ناشفه "لان مقياس النعوميه مختلف من شخص لاخر "
انا شخصيا مش مدايقانى ولاحظ انها هاتشباك مش سيدان يعنى ممكن احساس اللى راكب فى الخلف حايحس انها ناشفه شويه
بالنسبه للفول اوبشنز
هيا اربع موديلات 2 مانيوال و 2 اوتوماتيك الفرق فى فتحه السقف
والنواكل اللى على التابلوه ومقابض الابواب الداخليه ولون المرايه بيبقى بلون الهيكل
واى استفسار انا تحت امرك
الجيتز وبس الجيتز وبس الجيتز وبس:colsmil::colsmil::colsmil: