مشكلة في الغيار التاني وعايز ميكانيكي جير بوكس كويس

السلام عليكم

شباب عندي مشكلة وأرجو نصائحكم لحلها

عندي مشكلة في الغيار التاني ...

الغيار مش بيعشق كويس ولازم احاول 5 او ست مرات عشان يعشق ...
واحيانا العصاية بتنطر وانا بعشق التاني ...

زمان كانت حصلت نفس المشكلة في كل الغيارات السفلية (التاني والرابع والخلفي) وكان الميكانيكي لعب في وضعية عصاية الفتيس وبقى التعشيق كويس ...

ولما رجعت المشكلة في الغيار التاني رحت للميكانيكي كذا مرة وكل مرة يربط العصاية تاني ومفيش فايدة ...

فهل في اعتقادكم المشكلة في الفتيس من جوه ومحتاج اصلاح ...

ولا المشكلة في العصاية ....


وياريت ال يعرف ميكانيكي كويس في الفتيس يدلني علييييه في اسرع وقت ...

نوع السيارة : نيسان بوليسار موديل 1983 ... وانا اشتريتها من فترة ومعرفش اذا الفتيس اتلعب فيه ولا لاء ...

جزاكم الله خيرا ...

هسأل وارد على حضرتك وان شاء الله بسيطة ومش مكلفة

انا عندي مشكلة ظهرت في الفتيس وانا نازل الصبح لقيت الفتيس مش بيعشق الاول و حركته صعبة جدا..و يدوب اول ما افك رجلي من على الدبرياج الاقي العربية بتتحرك مع اني ممورها...المهم رحت للميكانيكي و شافها قال دي (غويشة) تتعمل على طولززالمهم وافقت انو يعملها مع اني مش بتعامل معاه كتير و لكن لظروف ان العربية مش بتتحرك اطريت اديهالوه..المهم بعد كده قالي دا الجير بوكس نفسه عايز يتغير و جبته ب 400 جنيه و قلتله ركب يا سيدي...جيت اجربها بعد كدا لقيت كل الغيارات تمام ماعدا الخلفي كل ما اعشقه لالقي العربية طلعت قدام..المهم الراجل ضحك عليا و قالي حطلها زيت فتيس بس و هي تبقى تمام و ادتلوه الفلوس و مشيت...حطيت الزيت لكن المشكلة هي هي...لو تكرمتوا حد يقولي لو يعرف المشكلة فين و يقولي على الحل

اقتباس:

---

المشاركة الأصلية كتبت بواسطة ritmoman

انا عندي مشكلة ظهرت في الفتيس وانا نازل الصبح لقيت الفتيس مش بيعشق الاول و حركته صعبة جدا..و يدوب اول ما افك رجلي من على الدبرياج الاقي العربية بتتحرك مع اني ممورها...المهم رحت للميكانيكي و شافها قال دي (غويشة) تتعمل على طولززالمهم وافقت انو يعملها مع اني مش بتعامل معاه كتير و لكن لظروف ان العربية مش بتتحرك اطريت اديهالوه..المهم بعد كده قالي دا الجير بوكس نفسه عايز يتغير و جبته ب 400 جنيه و قلتله ركب يا سيدي...جيت اجربها بعد كدا لقيت كل الغيارات تمام ماعدا الخلفي كل ما اعشقه لالقي العربية طلعت قدام..المهم الراجل ضحك عليا و قالي حطلها زيت فتيس بس و هي تبقى تمام و ادتلوه الفلوس و مشيت...حطيت الزيت لكن المشكلة هي هي...لو تكرمتوا حد يقولي لو يعرف المشكلة فين و يقولي على الحل

---

ده تقريبا استخدم نفس فتيسك البايظ وصلحه أو اشترى لك واحد غيره بس معيوب يا اما ركب حاجة غلط فى الفتيس

انا كمان عندي مشكلة في الفتيس ومش عارف ايه حلها وهي ان الفتيس لما بتكون العربية باردة بيكون كويس لكن لما امشي كتير في الزحمة وانقل غيارات وافصل و اوصل كتير بلاقي الغيار التاني وأحيانا الاول بيمسك ومش عايز يفصل حتي وأنا دايس دبرياج ولما اجي ادي التاني برضه مابترضاش تاخده غير لما اهدي قوي ؟؟؟؟؟؟؟؟ مش عارف ده من ايه لو حد عنده فكرة يقلي يا جماعه

نفس المشكلة عندي في الغيار الأول
لما بطلع بالعربية الصبح الأول بيتحط زي المرهم
أما بعد كده و انا سايق لو عاوز أرجع أجيب الأول سواء واقف في أشارة أو هديت في مطب لازم يعزب أهلي عشان يجي
و أقعد أجيب عصاية الفتيس تاني تالت رابع ع الفاضي عشان يرضي يرجع و يعشق مكانه
ويا سلام لو واقف في ملف ولا أشارة و فتحت بسرعة ... يا سيدي علي سنفونية الكلاكسات اللي بسمعها بسببه .. لدرجة أني أحيانا بحط الأول من قبل ما أقف في الأشارة و تني دايس ع الدبرياج طول ما الأشارة قافلة عشان أطلع علي طول

بالزمة يا جماعة اللي عنده أي فكرة أو يعرف صنايعي كويس يدلنا عليه

تحياتي

في الغالب يا جماعة المشكلة دي مشكلة غوايش .. ومحتاجة ميكانيكي يكون فاهم .. بيغير الغويشة اللي الغيار بيعمل فيها المشكلة .

وبعدين فيه حاجة تانية مستبعده شوية .. بس ممكن حضراتكم تبصوا عليها .. الا وهي .. ممكن تكون الكوتشه (الكوتشة اللي عاملة زي كاوتشه الكوبلن "كاوتشه سوسته") اللي بتبقى في عصاية الفتيس تكون زانقة في حاجة فبتعاكس في اخد الغيارات .. ودي بتكون ملهاش علاقة بالعربية باردة ولا سخنه .