كااااااااااااان واحد صاحبي عاملها علي عربية بيتلز بس كنا بناخد تريقة وحنا ماشيين عجب
عرض للطباعة
كااااااااااااان واحد صاحبي عاملها علي عربية بيتلز بس كنا بناخد تريقة وحنا ماشيين عجب
بس انا صاحبي لسة متمسكشي وماشي بيها والشيوخ بتجري ورانا
يا جماعة ادوها تعليقات زي ما انتوا عاوزين لكن لفظ "الكفار" ده مش سهل خالص. و مش ها فكركم الرسول قال على اللى يقولها لحد " فقد باء بها احدهما" يعني يا إما اللى اتقالت له فعلا كافر بالله يا اما اللى قالها وقع في مشكلة.
ما حدش يقوللي ده هزار " مايلفظ من قول إلا لديه رقيب عتيد"
(ليس هجوما و لكن تذكرة )(كلنا بنغلط)
هى فعلا لانسر فضى مش الاكسنت , كدة الكفار ناقصهم واحد
الكوبلية الى تحتة خط دة اخر مسخرة بصراحة قال يعنى صاحب الورشة ملقاش ورقة وقلم قام جاب لوح و رشها وكتب عليها تليفوناتهم :44:اقتباس:
كتب أحمد شلبى....المصرى اليوم ٢٩/ ١٢/ ٢٠٠٨
وسط فوضى اللوحات المرورية المختلفة، بين القديمة والجديدة والمؤقتة، ظهرت فى الإسكندرية، آخر صيحة، حيث ضبطت الإدارة العامة للمرور أمس، سيارة تحمل لوحات «ملاكى قريش»، وبدلاً من الأرقام المعتادة ظهر فى اللوحة رقم تليفون محمول، وآخر فى لوحة المؤخرة.
كانت الإدارة العامة للمرور تنفذ دوريات على طريق الساحل الشمالى بالإسكندرية، ولاحظ أفرادها سيارة ملاكى طراز «ميتسوبيشى لانسر»، تسير عكس الاتجاه دون لوحات فتم إيقافها، لتكتشف الدورية أن اللوحات استبدلت بـ«ملاكى قريش» مطبوعة على لوحة سوداء وبالخط الكوفى وأسفلها رقم تليفون محمول وآخر فى الخلف، فحرر ضابط الدورية مخالفة لقائد السيارة أحمد مصطفى أحمد، لارتكابه ٣ مخالفات دفعة واحدة: السير عكس الاتجاه.. ووضع لوحات معدنية مقلدة، وملصقات وشعارات على جسم السيارة، وأحيل السائق إلى النيابة للتحقيق.
اتصلت «المصرى اليوم» برقمى التليفون الموجودين على اللوحتين الأمامية والخلفية، وتبين أنهما لمالكى السيارة، وقال إن صاحب ورشة لدهان السيارات هو الذى وضع تلك اللوحات أثناء دهانه السيارة وكتب عليها الرقمين للوصول إليهما عندما ينتهى من إصلاحها. وأثناء قيام أحدهما بتجريب السيارة ضبطه رجال المرور، وقال أحد المالكين إنهما دفعا ٣٠٠٠ جنيه مخالفات مرورية.. وتحتجز إدارة المرور السيارة حتى الآن لاتخاذ الإجراءات.
شعب عجيب
حقيقى
شر البلية ما يضحك
:K_crying[1]:
انا شفت النهاردة حاجة غريبة عربية تاكسى شاهين تاكسى تاكسى يعنى والنمرة ملاكى اسكندرية
دول جايبين الصورة النهاردة في الأهرام ، والعربية لانسر ، واضح إنها بقت موضة أو محافظة جديدة
واضح من كلامكم انه اكتر من واحد
واحد معاه لانسر فضي والتانية اكسنت نبيتي
يعني ممكن يكون في ناس اكتر من كدة بس ده حظه انه بيقلد وخلاص من غير ما يكون مسنود
مهزلة بجد و شئ مستفز و محزن و مخزي و بجد وصلنا لمرحلة متناهية من الإستهتار و التسيب و بجد ده و اللي زيه لازم يتحبسوا و ياخدوا أقصي عقوبة, يا نهار ابيض امبارح كنت مع واحد قريبي مسافر برة و عايش في اوروبا و قابلت قبله بكام يوم واحد كان بيحكي لي عن رحلته في امريكا بجد حاجة تعقد نظام صارم جدا و جاد جدا و مع ذلك بينفذ بمنتهي الادب و الذوق من رجال المرور و بدون اي محسوبية او وساطة لحد, لكن هنا في مصر منتهي العشوائية و التخلف و التسيب.