تصدقوطلعت الرخصة من غير كوسة

**dr_timo** · 30-12-2008 05:24 PM

الله يبارك فيكم جميعا ويارب الكوسة تنتهي والقرع وكل الحجات دي عشان نستريح بقي

**fadynabil** · 30-12-2008 06:38 PM

مبروك بجد .. فعلا حاجة جامده جدا أنا مش مصدق

تقريباً ٣/٤ مصر مطلعين الرخص بالكوسه أو الرشوه وأنا واحد منهم

لأن ده سنو بلدنا الحبيبة

**smsmbakr** · 30-12-2008 09:26 PM

مبروك عليك الرخصة ومبروك عليك العربية ..
ويارب تخلي بالك في السواقة

**م/مصطفى محمود** · 30-12-2008 09:47 PM

السلام عليكم ورحمة الله وبركاته

فى البدايه ألف مبروك على الرخصه

وأحب أضيف أن انا كمان الحمد لله نجحت النهده وأستلمت الرخصه من غير ولا رشاوى ولا وسايط

بجد أنا حتى مفكرتش أدور على واسطه ، لأن ببساطه أحنا كل شويه نفضل نقول الكوسه الكوسه ولما نتحط فى موقف بنلجأ للكوسه ، فسبحان الله والله أنا أعتمدت على ربنا ومرضتشى أجيب أى واسطه ودخلت الأمتحان النهرده ونجحت الحمد لله

وحصل موقف أن الورق بتاعى ضاع ( أتحط فى الراسبين غلط ) فكنت بدعى ربنا أنه يسهلها معايا وأنى ملجأشى للواسطه وفعلا لقيت الورق وأتسهلت

بجد والله أنا كنت بدعى ربنا أنى محتجشى للواسطه أكثر من أنى بدعى أنى أنجح ، لأن بجد لو كنت طلعتها بواسطه كنت هعيش مخنوق من نفسى ، لكن كده أنا كُلى فخر بنفسى ( بجد والله )

مرور السلام ( كان الأمتحان أكثر من سهل )

وبجد الف شكر لكل أعضاء المنتدى لأنهم بجد قدموا حاجات كتير ليا

**ahit** · 30-12-2008 10:01 PM

السلام عليكم و رحمة الله

مبروك العربية و مبروك الرخصة
طبعاً تحس بفرح جامد لما تطلعاها من غير واسطة أو كوسة

**dr_timo** · 31-12-2008 12:58 AM

اه فرق كبير اوي انا كنت راجع اساسا مبسوط وطاير ان الواحد مستخدمش الكوسة واني قدرت اطلع الرخصة لوحدي ودة اداني ثقة فنفسي برده في السواقة اكتر يعني لما خرجت بيها امبارح عالطرق السريع وواحد بيحضن عليا تحضينة غلط كدة كت عايز ابصله من الشباك واقوله اه طبعا مانت تلاقيك مطلعها بواسطة ومبتعرفش تسوق لكن انا مطلعها بمجهودي واطلعله لساني

**mokhtar** · 31-12-2008 12:19 PM

نفس اللى حصل معايا فى مرور دمياط طلعتها فى اسبوع من غير فلوس ولا واسطه هما بس 20 جنيه اديتهم للامين عشان يبتسم فى وشى يعنى سجايره اظاهر بيشرب سجاير اجنبى انما الحمد لله ماديتش لحد الفرصه انه يتلككلى دخلت الكمبيوتر ونجحت والسواقه نجحت مع ان الناس كلها كانت بتقولى مش هتعرف تطلعها من غير واسطه او فلوس وعلى فكره انا لسه معنديش عربيه ومش بسوق كويس

..mokhtar..