الموضوع: تصدقوطلعت الرخصة من غير كوسة

اولا باركولي اني طلعت الرخصة ثانيا بقي هحكيلكم اللي حصل اني من تلت اسابيع ولا حاجة جبت العربية وكنت تقريبا مبعرفش اي حاجة في السواقة غير مبادء بسيطة بس الحمد لله خرجت ومشيت بيها كتير والحمد لله بقيت معقول وقلت لازم اطلعها بقي وكله قاللي لازم كوسة وواسايط وبتاع انا كنت معترض في البداية وقلت لا مانا انجح بمجهودي كنت عامل فيها مثالي وبعدين من كتر التيئيس اللي شوفته قولت خلاص كوسة كوسة اهي احسن من الارنبيط وبعدين بسئل علي واحد من بتوع الكوسة قامو قالولي بياخد تمنومية جنية قلت لا بقي دي لو رسيت علي كوشري هدخل لواحدي تمنومية اية دي العربية كلها بالف وربعومية وخمسين ههههههه حاجة قريبة من كدة اصلها بلونيز المهم فالحمد لله كنت مزاكر كتاب المورور كويس اوي ومن علي موقع فيوتشار دريفار كمان كويس اوي ومعقول في السواقة ودخلت الحمد ونجحت في الاتنين ومن غير ولا مليم وكان يوم حلو اا اه كنت متوتر حبة بس انا من النوع اللي بيضحك علي طول وريلاكس حتي صورة الرخصة ابتسمت فيها هههههه الراجل حتي اللي صورني بيقولي اول مرة اطلع صورة رخصة حد مبتسم كله مكشر ولو كان مبتسم بعد لاللي شافه في المورور بيكشر ههههههه وفي موظف تاني اللي خد الملف مني كان المفروض اجيب شهادة من المستشفي بئثبات قيد ولا حاجة فقولتله ياعم مانا فكلية طب اهوة وكارنية الكلية والبطاقة مكتوب عليها كمان قام قالي خلاص همشيهالك بس متقولش لحد عشان متطلعش سمعة علينا اننا متعاونين مع المواطنين احنا بنينا حضارة سبع تلاف سنة اننا بزهق الناس فمتغيرهاش انت قولتله ياعم خلصلي الورق بس وانا اخرج اقول دي حكومة زبالة ومخلصوليش الورق وازودلكم الحضارة بتاعتكم هههههه