هي الجين 2 بتعمل كام كيلو متر في الصفيحة؟؟؟
و ياريت تقولولي مانيوال ولا اوتو و علي السريع ولا وسط البلد؟؟
عرض للطباعة
هي الجين 2 بتعمل كام كيلو متر في الصفيحة؟؟؟
و ياريت تقولولي مانيوال ولا اوتو و علي السريع ولا وسط البلد؟؟
الاخ العزيز
الجين 2 بدون قرص وشد وحرق وتكييف بتعمل في الصفيحه فوق ال220 كلم
ولكن قرص وشد وحرق وتكييف وسرعات عاليه يبقى 160 كلم
ده كلااااااااام اكيد عن تجربه
وعلى فكره اي سياره 1600 عموما واوتوماتيك خصوصا بتاكل بنزين في السرعات العاليه
وعلى فكره
كمان الجين 2 مش زي غيرها من ال 1600
بالعكس اقل في الاستهلاك مهما كان عالي
وربنا يكرمك
واخيرااااااا
الرفاهيه مش ببلاش
تويتي باشا جاب من الآخر
انا استلمت العربيه امبارح واستهلاك البنزين مكتوب سبعه ونص لتر لكل ميت كيلو ولما فولت اتكتب فاضل 460 كيلو واحط بنزين
بس هى مانيوال
الإستهلاك زي ما تويتي باشا قال
و عايز أضيف أنه حسب طريقة السواقة
أفضل نقاط لتوفير البنزين في الجين 2 المانوال
سرعة 75 كم على الغيار الرابع
سرعة 90 على الغيار الخامس
وبدون الطلوع بسرعة المحرك عن 3000 لفة - دقيقة و يُفضل إبقاء سرعة المحرك عند 2800 لفة - دقيقية
الكلام بعد تجارب طويلة لحتى الآن .
هاتشد و تسرع الموتور و عايز سحب عالي = إستهلاك بنزين عالي
نسيت أضيف الأرقام
من 250 إلى 300 كم لكل 20 لتر عند سرعة 75 أو 90 حسب الغيار كما تم توضيحه مُسبقا
و أقل إستهلاك حتى سرعة 120
بيكون ما بين 200 إلى 240 كم لكل 20 لتر
-------------------------------------------------
علشان تحقق الأرقام دي :
تحط بنزين نظيف و يا سلام لو مخلوط بمنظف بنزين كل 1000 كم
بدون تسارع ......... يعني تطلع بالعربية واحدة واحدة
الأرقام كانت تقريبا بدون تكييف
بالتكييف ممكن تقل بتاع 20 كم
الف شكر ليكو جميعا
موضوع مهم لازم يبقى فى الأول ...
يا جماعة هو العرض دا سارى على الجين تو بردو وهايخلص امتى