الموضوع: تعليمات هامة لمالكى السيارات اللادا

شكرا لك على ذوقك يا ابو حميد يا غالى وشكرا للاخ العزيز احمد
وكلنا بالفعل تعلمنا الكثير والكثير جدا من هذا المنتدى
وبالله التوفيق
اخوكم حسام

ماشاء الله اخوانى

حقيقه انا استفيد منكم الكثير وعرفت حاجات ماكنتش اعرفها واكيد هتساعدنى عند شراء سيارتى فى خلال كام شهر ان قدر لى الله ذلك

اخى العزيز حسام

بما انك لديك اللادا بالفعل

هل موديلات 2107 موديل 2007 به مشكله بيض اللادا التى تحدثت عنها ام لا ؟

وسمعت عن تركيب الباور بالتوكيل فلما لم يتم وضعه اصلا بالموديلات الجديده مثلا قبل شرائها وهل سيكون فى موديلات 2008 مثلا ام لا وهل تنصحنى بشراء موديل 2007 ام انتظر لصدور موديل 2008

الاخ ابراهيم / اهلا وسهلا بك فى روم اللادا
جميع موديلات اللادا 2107 الحديثه من بداية الالفينات لم تظهر بها عيوب البيض على الاطلاق وهو يظهر فقط فى الموديلات القديمة وتستطيع السوال عن ذلك التعديل الذى اجرى فى التوكيل والملص يظهر غالبا فى التاكسى لاجهاد البيض والتحميل الزائد دون عناية او تشحيم
اما بالنسبة للباور فهو اختيارى مثل التكييف لانهم لو نزلوا مع السيارة قد تتجة السيارة الى فئة سعرية اخرى وغالبا من يشترى اللادا لايفكر فى الرفاهيات الموجودة فى غالبية السيارات حاليا بنفس درجة احتياجة الى سيارة اقتصادية ومعمرة وقوية ( اى ان اللادا لها زبونها على هذا الحال )
وانا فى خدمتك وجاهز لاى استفسار
وشكرا

اشكرك اخى الفاضل ا /حسام
على هذه المعلومات القيمه وبالفعل كلامك معقول جدا

احنا بس نجيب العربيه وبعدين نركب فيها تكييف وباور براحتنا لان اكيد السعر هيفرق ويتنتقل الى فئه اخرى

مع خالص شكرى

ينفع لادا 2110 يتركبها بور ويتكلف كام لو ركب
سؤال من باب العلم بالشئ على فكرة هى دركسيونها خفيف بس مش باور

المشاركة الأصلية كتبت بواسطة ibrahimsaad

احنا بس نجيب العربيه وبعدين نركب فيها تكييف وباور براحتنا

اللادا ال 2107 التوكيل بيركبلها تكييف بزيادة 3000 جنيه عن اللي من غير تكييف
ولو ناوي تركب تكييف يبقى يفضل من الأول تاخدها مكيفة من التوكيل وتدفع ال 3000 جنيه الزيادة

ولو ناوي تشتري لادا 2107 أنصحك تجيب الروسي وبلاش المصري وإليك هذه التجربة:
http://www.nilemotors.net/Forum/viewtopic.php?t=9443

طيب ياباشمهندس احمد

انا عرفت ان اللادا الدريكسيون فيها ثقيل

وانا لسه بتعلم سواقه يعنى لسه حديث عهد وعمرى ماركبت اللادا لانى لسه متعلم فى المرور وكان على سياره نصف نقل ميتسوبيشى

صحيح انها كانت سهله فى السواقه لكن مش عارف ان كانت اللادا هتكون مناسبه لى ولا ايه رأى حضرتك

المشاركة الأصلية كتبت بواسطة ibrahimsaad

مش عارف ان كانت اللادا هتكون مناسبه لى ولا ايه رأى حضرتك

اللادا2107 دريكسيونها تقيل لكن مقدور عليه بالنسبة للرجالة وإن كان لا ينصح به للسيدات
http://www.nilemotors.net/Forum/viewtopic.php?t=2608

وأنا سمعت إن اللادا 2107 الروسي دريكسيونها أخف من المصري لكن أنا جربت المصري موديل 2006 وكان تقيل زي كل اللادا 2107 السابقة

وفي جميع الحالات الباور نزل في التوكيل لو حد عايز يركبه بحوالي 2500 جنيه
يعني مشكلة الدركسيون تم حلها بنسبة معقولة

لكن اللادا بالنسبة لسعرها تعتبر سيارة مناسبة لثمنها جداً وملائمة للطرق المصرية المكسرة
وبالنسبة لعيوب البيض يتم التغلب عليها بالصيانة الدورية كل ثلاث شهور مثلاً
وبالنسبة للكرونة يتم ملاحظتها دائما وفي حالة ظهور زيت من جوان الكرونة أو من أويلسيل العجل الخلفي يتم صيانتهم فوراً لأن تطنيشهم يعني 1000 جنيه كرونة

بإختصار هذه مقارنة بينها وبين ال 128 في الموضوع التالي :
http://www.nilemotors.net/Forum/viewtopic.php?t=6400