تعليمات هامة لمالكى السيارات اللادا

**حسام كرم** · 02-05-2007 01:04 PM

من المتعارف علية أن اللادا سيارة قوية مصممة للخدمة الشاقة على الطرق المستوية والوعرة وللمحافظة على أدائها يجب مراعاة بعض الأشياء الهامة كالتالي : -

الكشف الدوري على بيض المقصات وتشحيمه باستمرار وهذه الخطوة تغنيك عن تغيير البيض لسنين ونصيحة حافظ قدر الإمكان على بيض الفابريقة لان الى هيركب مكانه مش هيبقى زيه فى جودة التصنيع مع العلم ان اهم علامات تلف البيض هى ثقل الدركسيون .
الالتزام بأخد الملفات على سرعات بطيئة حتى لاتنقر علبة الركسيون فمن المعروف نصف قطر الدوران الخاص بها صغير .
ضرورة ملاحظة امبير الحرارة باستمرار ويفضل استعمال سوائل التبريد الجيدة السمعة مثل ماء تبريد موبيل والابتعاد عن مياه الحنفية
الاهتمام بعملية تغيير الزيوت فى مواعيدها كاى سيارة (فتيس - كرونة - علبة دركسيون ) ممكن تكشف عليهم وأنت بتشحم البيض وصليبه الكردان
وبالنسبى لى انا افضل زيت موبيل xhb 5000 كيلو ويتم تغيرة على 4000 الاف
بالنسبة للسرعة اللادا سحبها جيد الا اننى افضل عدم زيادة السرعة عن 100 كيلو للاحكام السيطرة على السيارة وللحفاظ على اداء جيد للموتور يفض عدم زيادة ال rbm عن 3000
لو كانت عربيتك فابريقة فان كل قطعة فيها أصلية والأصلى باستعمالك الممتاز تقدر تطول عمره
العربية اللادا ممتازة بس اهم شيى الحفاظ عليها وستستمر معك بدون مشاكل لعشرات السنوات

تم التثبيت بمعرفة الإدارة

02-05-2007 01:38 PM

فعلا نصائح قيمة فعلا ووضح انك من الناس اللي فاهمين الادا لأن اللي يركب الادا وهو مش فاهمها هيتعب كتير ومش هيستفيد من مميزاتها اللي اهمها الاعتماديه العالية وسهولة الصيانة ،
بس انت مش شايف ان 100 كم في الساعة قليل علي ثبات العربية ( طبعا شوارع مصر 100 كفاية عليها بس انا بتكلم عن ثبات عربية دفع خلفي زي الادا انا شخصيا ركبت من صديق ليا معاه لادا 2107 روسي مو 2006 وكانت ثابتة علي الارض جدا (وده كان في طريق العالمين )

اخيرا الف شكر يا حسام علي مشاركاتك القيمة وعايزين اكتر

اخوك وائل مجدي

**حسام كرم** · 02-05-2007 02:16 PM

انا الذى اقدم لك شكرى على زوقك والسيارة اللادا بما انها لاتمتلك تكنولوجيا الباور ستيرنج فانها تتميز بالثبات والكلبشة على الارض فى السرعات العالية ولكنى اميل الى عدم زيادة السرعات ليس مع اللادا فقط ولكن مع باقى السيارات على الطرق الداخلية السريعة كالاوتستراد والدائرى وصلاح سالم لتجنب المواقف الحرجة التى قد تحدث من فواصل كبارى الدائرى او المشاة الذين يعبرون الطريق فجاة على الدائرى والاوتستراد ولتجنب شر الردار وما ادراك بمخالفات الردار وايضا لتجنب انفجار احد الاطارات لاقدر الله وحتى تكون السيارة تحت السيطرة ولا ننسى انة فى التانى السلامة وشكرا
اخوك حسام

03-05-2007 08:46 AM

MAN....I go with my 2105 (1500 cc) 1988 to 130km on slalah salem sometimes & it can go faster....bas heyya kanet marfoo3a men 88 till 2005 w 3amla 51000km...

thank u for that info

**bassam nagy** · 04-05-2007 06:16 PM

تمام جدا ونصائح حلوة ومفيدة انا كان معيا للادا 2106 موديل 1982 وكانت اهم حاجة عندى تغير البيض والجلب والمقصات والبارات كل اول سنة خوف من حركات طقم البيض :(

**ابوحميد** · 03-07-2007 01:36 PM

استاذ حسام
سوال بسيط (ممكن يبان غبى شوية)
هوا الكشف على البيض المقصات يكون كل اد ايه تقريبا؟ وفين؟ والتشحيم كل اد ايه؟
وجزاكم الله خيرا

**حسام كرم** · 03-07-2007 01:52 PM

الجميل يا ابو حميد انك بتكتب دائماً فى اللادا على الرغم انك بعتها
والجميل ايضا انك بتفتح مواضيع مكتوبة منذ شهور
ولكن اهلا وسهلا بك
والسؤال مش غبى ولا حاجة
انا عن نفسى بخليهم يكشفوا على بيض العفشة والعفشة بالكامل فى التوكيل مع الصيانة الدورية واثناء تربيط العفشة
اى كل حوالى 5 الاف كيلو
لكن التشحيم فى اى وقت فتسطيع شهريا تشحيمة
وقيل لى من احد الزملاء اننى فى حالة احتياج البيض الى تشحيم هاحس بثقل فى الدركسيون
ولكننى بصراحة لم الاحظ فرق ولم اشعر بهذا الشيى
وقد يكون ذلك لان الدركسيون ثقيل نوعاً ما مقارنة ببعض السيارات الاخرى
وشكرا لك يا ابو حميد

**ابوحميد** · 07-07-2007 01:44 PM

شكرا يا استاذ حسام انك دايما بتهتم بالرد على كل الناس وانا منهم
على فكرة انا لسه مبعتش اللادا
انا فعلا غلطت فى واحد من الكوميننتات كنت انى (كان معايا لادا)
بس دا خطا غير مقصود
المهم
انى بجد ممتن لانك مش بتطنش الرد عليا
جزاكم الله خيرا

**ابوحميد** · 07-07-2007 01:55 PM

انا عندى سوال حضرتك قلت
والجميل ايضا انك بتفتح مواضيع مكتوبة منذ شهور[/quote]
هوا دا مدح ولا ذم؟؟؟؟؟؟؟؟؟؟؟؟؟؟؟؟؟؟
:?: :?: :?: :?: :?: :?: :?: :?: :?: :?: :?:

**حسام كرم** · 08-07-2007 08:26 AM

دة طبعاً مدح يا ابو حميد لانك بتحرك المياة الراكدة
لان فتح المواضيع القديمة ودخول اعضاء نشيطين مثلك ومثل استاذ احمد واستاذ صلاح
بيعمل على انعاش روم اللادا وان ياتى كل منكم بمعلومات جديدة وقيمة وحوارات بنائة سواء بمميزات او عيوب السيارة تفيدنا وتفيد مالكى السيارة او من يفكر فى شراءها
وشكرا جزيلا لك يا ابو حميد
ونرجو منك المزيد
اخوك حسام