الحمد لله استلمت الجين 2 2009 امبارح بس قلقان من الصدأ!
السلام عليكم
مش قادر اوصف انا قد ايه فخور ان فيه ناس زيكم بالاحترام والاخلاق كأني بكلم اخواتي بالظبط ونصايحكم الغالية لاتقدر بثمن...
أنا الحمد لله اشتريت جين 2 2009 من التوكيل امبارح بس ارجوك ارجوكم حد يديني تفسير للحاجات دي:
1- لاحظت وجود صدأ على طرمبة العجلة اللي عليها الفرامل في مناطق متعددة. أكتر حاجه هتموتني من القلق.
2-الفوج اللي في الفانوس الخلفي بدوس على الزرار بتاعه مابيشتغلش! هل فيها فوج خلفي اساسا مع اعتبار ان الزرار بتاعها موجود بس مابيعملش حاجه.
3- الريموت مافيهوش زرار لفتح الشنطه زي ما قريت عنها.
4- أما ببقى على ال D ودايس فرامل وانا بسيب الفرامل بسمع صوت تكتكه بسيط , هل دا طبيعي ولا ايه.
*برضه واجب عليا اقول ان العربية ممتازه مافيهاش حاجه جوهرية غلط لكن انا بس مقلق من الكام حاجه دول.
وألف ألف ألف شكر علي اهتمامكم ويارب حد يقدر يساعدني في مشكلتي.
تحياتي لكل المهتمين بالموقع الرائع ده
شكراً جميعاً على ردودكم الغالية
ألف ألف شكر لكل الشباب المحترمين اللي بعتوا الردود , بكررها مرة تانيه أنا حسيت بجد اني بكلم اخواتي رغم اننا مانعرفش بعض. :satelite:
الله يبارك فيكم جميعا وألف شكر على المجاملات الرقيقة.
بالنسبة للأخ badry اللي بيسأل العربية عامله كام إليك الرد:
أساسا العربية ب 90900 تسعين ألف وتسعمائه جنيه مصري ولكن ممكن تفاصل معاهم مع اعتبار ان الوكيل مسؤل انه يديلك جواب التخليص الجمركي في خلال 3 أيام اللي بتروح بيه عشان ترخص العربية.
برضه واجب اوضح ان مندوب البيع بياخد بقشيش في حدود 250 واجب التخليص الجمركي - طبعا ممكن ماتدفعوش وتخلص انت أو تضغط عليه ماتدفعش حاجه وبرضه هو يخلصلك جواب التخليص الجمركي ...
إنت وشطارتك :3mla:
وطبعا ماتنساش تفحص العربية حته حته قبل ما تستلم-
أيضا اشتري من التوكيل أي كان مكانه , أنا اشتريت من الصحراوي خدمة البيع متوسطه لكن المهم أكتر انك تتبع تعليمات الشراء قبل الشراء زيها زي أي عربية بتشتريها لازم تتأكد بنفسك إن كل حاجه شغاله ومظبوطه وأنا عن نفسي عملت checklist بكل اللي لازم افحصه قبل ما اشتري والارشادات دي انا اقتبستها من المنتدى العظيم ده.
والله الموفق.