بتركن ركنات غبية و اللا محترمة ؟؟؟

**Abdo_Eldesokey** · 29-12-2008 09:24 PM

أنا مرة طالع من الكلية لقيت واحد راكن قدامي وسايب بتاع 5 سم بيني وبينه - كتر خيره الصراحة - وواحد تاني بلانسر لازق في عربيتي من ورا - بيدفيها باين مش عارف ، والحمد لله ربنا وفقني في الطلوع بعد أكثر من 10 نقلات للأمام والخلف

ومن ساعتها اتعلمت أسيب لنفسي مسافة قدامي كافية إن أنا أطلع بسهولة ، لأني دايما ً أرجع ألاقي واحد لازق في عربيتي من ورا

بس الحمد لله الـ 128 اكصدامها حديد ، يعني ولا بيهمنا

**ZAKI32** · 30-12-2008 02:53 AM

بجد ياجماعة اغبى حاجة فى اللى يركن عربية.انه مايدكش فرصة تركن خلفه او امامة يعنى بياخد مساحة سيارتين. وتبقى انت ماشى فى الشارع وتلاقة حتة فاضية تفرح انك هتركن لاكن تتصدم وتلاقى المكان مش هيساعدك.
على الرغم من انى الحمد لله كييييييييييف ركن العربية . وبركن فى مساحات ضيقة للغاية . لاكن فى ناس مؤزية متخلكش تفكر وتحاول تركن حتى لو هتتعب فى الركن. يسيب 2.5 متر مثلا مع العلم انه لو عنده دم وساب كمان متر ولا حاجة هيجى غيرة ويركن.

**mahmoudzaied** · 30-12-2008 02:58 AM

والله
المرور والقانون الجديد ده مأثرش فى حد
بس اعتقد انها لو عربية غالية كان ركن عدل
الشعب المصرى كلو بيحب يكبر دماغو
اهى ركنة والسلام

**mr.president** · 30-12-2008 01:36 PM

المشاركة الأصلية كتبت بواسطة smsmsmsm1983

الغباء ليه ناسه تعمل اية لو واحد قفل السكة على عربيتك لمدة يوم كامل

ساعات بقول اسيبله ذكرى فى عربيته يفتكر بيها انه قفل عليا وساعات اقول انه ممكن يكون عنده ظرف طارئ خلاه يعمل كدة ففى الآخر بستحرم حكاية الذكرى دي لأني دايما قبل ما بعمل الحاجة بحب احط نفسى مكان الطرف الاخر وطبعا مش حرضى حد يعمل فى عربيتى كده!

**mr.president** · 30-12-2008 01:52 PM

المشاركة الأصلية كتبت بواسطة thunder_eagle

الغباء ده موجود في كل حتي
احمد ربنا انو مخبطش

ويخبطنى ليه اصلا؟ مالرصيف كله فاضى! ويكفى اتوبيس يركن قدامى وااحد تانى ورايا وبراحة تامة واكتر من اتوبيسين كمان!

المشاركة الأصلية كتبت بواسطة thunder_eagle

ده جاري الي ساكن في نفس العمارة عنده عربية X5 بدل ميتعب نفسه ويطلع من الركنة علي كذا مرة رجع بضهره وخد عربيتي رجعها نص متر للوراء رغم اني شادد فرملة اليد وكل ده عشان سعادته مكسل يوسع لنفسه

يا نهار ابيض! فعلا اللى يشوف بلاوى الناس تهون عليه بلوته وعلى رأى عادل امام ولاد الحرام مخلوش لولاد الحلال حاجة!

**tata12001** · 30-12-2008 01:52 PM

ana ba fadll ALLAH barken mo7taram , bas et3alem dayman aseeb lenafsy 7eta mn wara wa 7eta mn 2odam 3alshan ana msh 3aref ely 7ayegy yerkan 2odamy awo waraia '3aby wala la2, fa baseb wara wa 2odam 3ala asas en momken el etnain yeb2o a'3beia, bas fe nafs el wa2t mabasebsh kateer bardo 3alshan mab2ash wa5ed makaneen, wa da ely et3alemto 3alshan el wa7ed fe3lan lazem mayda7een benafso wa yerkam mo7taram 100% la2 ,kefaia 85% fe3lan 3ala el sha3b da la2en aked 7atla2y wa7ed '3aby geh wa afal 3alek

**mr.president** · 30-12-2008 01:58 PM

المشاركة الأصلية كتبت بواسطة zeyad1810

ياخى والله فى ناس كتير كدة مستفزة اومال بقى تعمل اية لما واحد يقف قدامك بالعرض وانتا ماتعرفش تخرج بالعربية بسببة والشارع كلة فاضى بالذمة مش حاجة تحرق الدم

فعلا هى حاجة تحرق الدم بس للاسف بطبق نفس الرد اللى رديته على أستاذ smsmsmsm1983

**mr.president** · 30-12-2008 02:06 PM

المشاركة الأصلية كتبت بواسطة شاهين - بنز

أه وإللي بيغظني تلاقي واحد راكن عليك صف تاني وسايب الهاند بريك وكل حاجة بس كاسر الدريكسون بحيث إنت لو زقتها ورا شوية من غير مترجعها مكانها تاني بعد أما تطلع عربيتك حتلاقي العربية طلعت لنص الشارع وساعتها فعلا بسيبها مش برجعها عشان يبقى يتعلم يعدل الدركسوين أما يركنها صف تاني

عقاب مؤلم

لانسان يستحق!

**mr.president** · 30-12-2008 02:12 PM

المشاركة الأصلية كتبت بواسطة Busquets

انا استحاله اركن صف تانى الا لو بجيب حاجة من كشك مثلا و العربية اودامى

لان فى ناس مؤذية ممكن تكسر الازاز مثلا وينزل الهاند ولا يفضى الكاوتش طبعا ساعتها هو معاه حق

لانى انا الغلطان فبوفر المشاكل على نفسى و اركن لو حتى هتمشى شارع بحاله المهم ان العربية تكون فى السليم و بعيد عن اى لبش

طب ايه الغلط اللى انا عملته انا ركنت صف أول والرصيف كله كان فاضى؟

**mr.president** · 30-12-2008 02:20 PM

المشاركة الأصلية كتبت بواسطة zazw

ممكن استفسر من حضرتك عنة حاجه فى العربيه انا معايا عربيه اخت عربيتك حتى نفس اللون انا محتاج ليها مساعدين اماميه متعرفش مكان اجيبه منها ويكونو حاجه نضيفه واسف للازعاج

أولا مفيش ازعاج ولا حاجة احنا كلنا هنا اخوات و انا تحت امر اعضاء المنتدى المحترمين فى اى حاجة وانا رديت على سؤال حضرتك عن طريق الرسائل الخاصة لأنى شفت رسالة حضرتك قبل ما اشوف مشاركة حضرتك فى الموضوع ولو الرسالة مظهرتش عند حضرتك قولى وانا اكتب الرد فى الموضوع هنا

الموضوع: بتركن ركنات غبية و اللا محترمة ؟؟؟

LinkBack

أدوات الموضوع

عرض

-

-

-

-

-

-

المواضيع المتشابهه

حركة غبية قوي

شحاتة ... غبية جداااااااا

مشكلة غبية قوي .. الفوارق من الجناب

ربنا نجانى من حادثة غبية :( خدو بالكم يا جماعة

عملت حاجة غبية

الكلمات الدلالية لهذا الموضوع

المفضلات

المفضلات

ضوابط المشاركة