ايه هي مصر

**الطنطاوي** · 29-12-2008 04:59 PM

سؤال شاغلني جداً خاصة بعد ما سيرة مصر أصبحت في الحضيض

ايه هي مصر

هل هي التراب والنيل والمناخ

ولا الشعب

ولا الحكومة

بمعنى أدق لو قلت مصر كويسة أو وحشة بيكون ايه المقصود منهم ؟؟؟؟

أنا حالياً خارج مصر وكل ما أقابل أي جنسية أخرى يقول لي مصر دي كيت وكيت ويسب فيها بسبب موضوع غزة علشان كده عايز أعرف نتيجة السؤال ده

**D . a .\ AYMAN** · 29-12-2008 05:44 PM

مصر أم الدنيا رغم أنف الجميع
يا ريت يا اخوانى لما نسمع حد بيتكلم عن مصر أو نتفرج على قنوات فضائية بتقول أى حاجة عن مصر بلاش نسمع ونقول أميين

كلنا متابعين أخبار غزة عن طريق الجرائد والفضائيات ولكن ماوجدته وما سمعته مخزى ففى الوقت الذى يخرجون جثث الضحايا من تحت الأنقاض تفرغت الفضائيات فى سب ولعن مصر على أعتبار ان مصر تبارك هذه الضربات وكل واحد يطلع يقول كلام غير مسئول وخلاص وأتسائل ماذا يفعل هذا المتحذلق لغزه بكلامه هذا غير اثارة الفتن بين العرب

كفاكم طعناً فى مصر فشعب مصر ينزف دماً على غزه

**هشام.النجار** · 29-12-2008 06:43 PM

مصر للأسف وحدها أمام حلف سوريا - إيران - حزب الله - حماس اللي خرب العراق وناوي يخرب باقي المنطقة
كل متاجر بالقضية الفلسطينية الآن بقى يكلم وهو غارق في الخيانة للصبح
أمير الهبابة قطر اللي عنده مركز قيادة القوات الأمريكية في المنطقة واللي يتضرب منه العراق وأفغانستان واللي عنده مكتب التمثيل التجاري لإسرائيل بيتاجر ويزايد على مصر عبر قناته الجزيرة
المجنون واللي لا يستحق أكثر من هذا الوصف القذافي واللي سلم مفاعله النووي لأمريكا بعد غزو العراق ومعاهم كام مليار تعويضات عن شيء معملوش في قضية لوكيربي إلا لشراء رضا الغرب
بينتقد الحكام العرب آل يعني هو مش منهم
حسن نصر الله عميل إيران بيدعو المصريين للإنقلاب في حين هو أكثر ما يفعله الكلام وإلا فليه مشفناش صواريخه على إسرائيل بعد ضرب غزة
إيران أصدرت فتوى بمساعدة الفلسطينيين وهما أول ناس بتقتل المسلمين في العراق بعد الغزو وأكبر داعم للحرب الأهلية بين السنة والشيعة في العراق
سوريا أهدى جبهة مع إسرائيل منذ سبعة وستين واللي بتتفاوض مع إسرائيل الآن بتنتقد مصر
حماس منعت الجرحى من عبور معبر رفح ووزير الخارجية أبوالغيط فضحهم وإضطروا بعدها للإعتراف بمنع الجرحى على لسان قيادي في حماس وبعدها سمحوا بعبور الجرحى وقتلوا ظابط مصري على الحدود
مشكلتنا الكبيرة إننا بنصدق الإعلام بدون تفكير ومشكلتنا الأكبر إننا بنغلب العاطفة على التفكير

**PRO-DRIVE** · 29-12-2008 06:56 PM

المصريين استحلو سب اي جنسيه اخري طول الفتره اللي فاتت

و دلوقتي ربنا بيرد لينا اللي عملناه :)

افعل ما شئت كما تدين تدان :) انا مؤمن قوي بالمقوله دي

**نور القمر** · 29-12-2008 07:22 PM

مصر = شعب + حكومة
لوواحد منهم وحش يبقه مصر كلها وحشة
يعني باختصار عشان مصر تبقه كويسه لازم الشعب والحكومة يبقم كويسين
ومصر ما ينفعش تقف لوحدها مع غزة ضد اسرائيل لازم الكل يقف ايد واحدة
لكن العرب عايزين هم يقعدوا مرتاحين البال ويقعدوا يتفرجوا على غزة وهي بتضرب وينتقدوا مصر والحكومة المصرية والشعب المصري

**د./اليشع ثابت** · 29-12-2008 07:54 PM

المشاركة الأصلية كتبت بواسطة هشام.النجار

مصر للأسف وحدها أمام حلف سوريا - إيران - حزب الله - حماس اللي خرب العراق وناوي يخرب باقي المنطقة
كل متاجر بالقضية الفلسطينية الآن بقى يكلم وهو غارق في الخيانة للصبح
أمير الهبابة قطر اللي عنده مركز قيادة القوات الأمريكية في المنطقة واللي يتضرب منه العراق وأفغانستان واللي عنده مكتب التمثيل التجاري لإسرائيل بيتاجر ويزايد على مصر عبر قناته الجزيرة
المجنون واللي لا يستحق أكثر من هذا الوصف القذافي واللي سلم مفاعله النووي لأمريكا بعد غزو العراق ومعاهم كام مليار تعويضات عن شيء معملوش في قضية لوكيربي إلا لشراء رضا الغرب
بينتقد الحكام العرب آل يعني هو مش منهم
حسن نصر الله عميل إيران بيدعو المصريين للإنقلاب في حين هو أكثر ما يفعله الكلام وإلا فليه مشفناش صواريخه على إسرائيل بعد ضرب غزة
إيران أصدرت فتوى بمساعدة الفلسطينيين وهما أول ناس بتقتل المسلمين في العراق بعد الغزو وأكبر داعم للحرب الأهلية بين السنة والشيعة في العراق
سوريا أهدى جبهة مع إسرائيل منذ سبعة وستين واللي بتتفاوض مع إسرائيل الآن بتنتقد مصر
حماس منعت الجرحى من عبور معبر رفح ووزير الخارجية أبوالغيط فضحهم وإضطروا بعدها للإعتراف بمنع الجرحى على لسان قيادي في حماس وبعدها سمحوا بعبور الجرحى وقتلوا ظابط مصري على الحدود
مشكلتنا الكبيرة إننا بنصدق الإعلام بدون تفكير ومشكلتنا الأكبر إننا بنغلب العاطفة على التفكير

طبعا كلامك سليم 100% يا استاذ هشام
انا نفسى اسال سؤال واحد بس لكل الى بيسب فى مصر
هل المطلوب من مصر انها تخوض حرب ضد اسرائيل (مصر فقط) لصالح فلسطين؟؟؟؟؟؟؟؟
فلسطين واهل فلسطين الذين لن يكرهوا فى حياتهم اكثر من المصريين
الذين يحرقون علم مصر علنااااا على القنوات الفضائية
وهم اصلا اساس الخيانة و التعامل مع الاسرائليين
وهم الذين اصلا باعوا بيوتهم و ارضهم لليهود والى اليوم يبيعون
فلسطين الذين اليوم يتصارعون فيما بينهم على السلطة و يتقاتلون تاركيين عدوهم و محتلهم الاول اسرائيل
ثم انة كم حرب خاضتها مصر و كم شهيد استشهد فى الحروب بداااا من حرب 1948 م و حتى 1967 م اليس هذا بسبب فلسطين
كم مرة الرئيس الراحل السادات يدعيهم لطاولة المفاوضات وهم اتهموة بالخيانة فماذا فعلوا هم دون ذلك؟؟؟؟؟؟؟؟؟
يا اخوانى نتكلم بالعقل ودون تسرع او تعاطف يجرنا الى وابل و اهوال الحروب
هل اقتصاد مصر او حتى الدول العظمى بة من الفائض لخوض حروب
و شكراااااااااا للجميع

**ibrahimsaad** · 29-12-2008 08:02 PM

مصر هى ارض الرباط ليوم الدين زى ماوصفها لنا افضل المرسلين

اللى سطر حضاره على مر السنين

المسلمين والمسيحيين على مر السنين

اتحطم عظام الطغاه و المستعمرين

واصبح بيجرى فى دمنا طول السنين

من عهد عمر لعهد ابطالنا فى العبور

من اخوانها العرب الصغير قبل الكبير

احيانا بنجلد نفسنا نقضا لكى نفضل كبير

يطولوها فى لحظه ضعف بالنقض الاليم

فى نظر الكبير ممن حولنا قبل الصغير

اوقعوا بنا الصهاينه فى شرك الفخ المرير

تفضلى دايما الحضن القوى لكل الضعيف

طول مافيك نبض من شعب اصيل

ماهى مش غريبه على شعب اصيل

ووصى بيه اولى امره بجيش رشيد

وعدنا فيه بالنصر على المفسدين

الام والاب والحارس لكل اللاجئين

ولا اقول كمان لحضرتك كثير

اللى فيها بنشعر بالامان رغم الالام

واحيانا كثير بنعيش فيها مضطهدين

واذا حصل فعلى طول يغلبنا الحنين

ويارب تفضل على طول ام الجميع

**AboMaro** · 29-12-2008 08:06 PM

يا جماعه انا بس عايز اللي يمشي مع كلام اللي بيهاجموا مصر و يشتموها يقول ايه السبب غير انها لعبه دنيئه من ايران و حماس رايح ضحيضها شعب مغلوب على امره
و فشل زريع عايزين يوجهوا الانظار لمصر عشان يداروه
ممكن اللي بيقول مصر على علم وموافقه عشان ليفني زارت مبارك قبلها بيوم طب ليه ؟؟
لازم عشان تستأذنه قبل ماتضرب !!!!!!!
او يمكن اسباب تانيه لو الواحد قالها ولو على سبيل الهزار ممكن يجبوني ويودوني ورا الشمس
يا عالم هتخلوا الواحد يروح فداهيه عشان كلام اصلا ميدخلش العقل
عايزين اجابه واحده من قادة حماس
لما ليفني كانت هنا بتناقش سبل الهدنه وتقدم العمليه السلميه و تقديم المساعدات لحماس ايه السبب ان فنفس الوقت حماس تزود الضرب و تصمم على ان مفيش هدنه
ليه بيتاجروا بشعبهم ليه مش عايزين هدنه غير بدخول الفلسطنيين لسينا ليه هما دراع ايران و عايزين يعملوا فمصر ايه و ايران اللي بعد ما كانت علاقتنا اتصلحت معاها رجعت بقت زفت عشان فيلم عن الرئيس الراحل السادات ثم عمليات جاسوسيه هما عايزين مننا ايه
فيه لعبه بتتلعب و رايح تمنها شعب اعزل بتستخدمه حماس ورقه للضغط على مصر
يعني شعب غزه مش اكتر من ورقه فنظر حماس

**Terrible_DaRsH** · 29-12-2008 08:50 PM

مصر كلمة يصعب على المرء فهمها ...

قتلوها ومشيوا فى عزاها ..

قتلوها وبياكلوا فى لحمها ..

قتلوها وخلوا سمعتها فى الدنيا كلها زى الزقت ..

غلطتنا اننا مدافعناش عنها وسبنا شوية نصابين يديرونا ويبلطجوا علينا ويسرقونا ويحرمونا من اقل المتع فى الدنيا ..

الجيل ده خلاص مكتوف الايدى .. والمصيبة اللى جاى العن والعن ..
مصر محتاجة معجزة ....

ويلا سمعونا الجملة الشهيرة
( وهى جت عليا انا !! ) ..

**دموع الثلج** · 29-12-2008 09:50 PM

المشاركة الأصلية كتبت بواسطة PRO-DRIVE

المصريين استحلو سب اي جنسيه اخري طول الفتره اللي فاتت

و دلوقتي ربنا بيرد لينا اللي عملناه :)

افعل ما شئت كما تدين تدان :) انا مؤمن قوي بالمقوله دي

ممكن توضيح

مصر ولا المصريين استحلووووووووو سب مين وليه ياريت مثال

مصر مش مطالبه تبقى كبش فدااااااااااااااء لكل الدول العربيه

هو فتح المعبر ودخول الفلسطنين مصر وبينهم الجواسيس والعملاء لحساب اسرائيل هو مش ده تهديد لامن مصر وشعبها
مش هنقول واحنا مالنا بفلسطين لا نها دوله عربيه وفيها الكثير مما يربطنا بها

لكن قفل المعابر لحمايه البلد ومصر من حقها تحمى اراضيها
مساعدات اااااااااااااه غصب عنا لازم نساعد ونساند الشعب الفلسطينى المحتل بكل ما نستطيع
لكن ده مش معناه اننا نوقف فى حاله صراع بين حمايه اراضينا ومواجهه حماس والرد على اسرائيل

اللى شايف داعى لرد حماس وهجومها على اليهود
واللى شايف فايده من اللى حصل

واللى شايف موقف ايران وسوريا وحزب الله من الاعتداء الاخير
يقوووووووووووووولى هما عملووووا ايه بئه للفلسطنين ااااالان وايه اللى قدموووووه عشان نعرف مصر عملت ذيهم ولا مصر وحشه وكخه وهى السبب الرئيسى لاحتلال اسرائيل لفلسطين