تنزيل محرك

**pharonicking** · 30-12-2008 03:41 AM

الصوت دة ممكن تكون الماكينة قفشت بسبب عدم وجود الزيت ""

**ahmedsiyam** · 30-12-2008 12:00 PM

يا الفا

مافيش حاجة اسمها انك ماتقدرش تقف امام التوكيل لا طبعا تقدر تقف و تعمل اللى نفسك فيه مادمت على حق

اولا موضوع التقاضى و اجهزة حماية المستهلك فى سوريا الشقيقة نظامهم ايه موش هاقدر افيدك
بس عموما انا رايى تشوف منافس قوى للوكيل و تخليه يدعمك ماديا و هتلاقى صدقنى و تنزل اعلان فى الجرائد و تقول فيه على اللى حصل معاك ده لوحده كفيل بان الوكيل يعملك اللى انت عايزه
بس انا من رايى تبعت للشركة الام اولا بمشكلتك كلها بالكامل و تشرحها بوضوح وبعد كده تقولهم يعملوا اللى انت عايزه او ................................
تقول كل اللى هاتعمله بس تكون متاكد انك مظبط الدنيا و لو حبوا يتجاهولك تروح قارص ودنهم علشان يعرفوا انك مابتقولش اى كلام و ياريت يبقى الايميل مرتب و بخطوات واضحة و تبتدى تعمل اول خطوة لو ماحصلش استجابة بس صدقنى هايعملوك اللى انت عايزه ( مادمت صاحب حق و ماغلطتش )

**MuhammedSoliman** · 03-01-2009 11:27 PM

ربنا يستر انا فاضل لى 3000 كبلوا اخرج من الضمان بس العربية ما شاء الله غير العيوب المعرفه بتاعت الفنش 100 100 ربنا ما يحوجنا للتوكيل ده عندنا فى اسكندرية مش عايز اقولك وانا رايح التوكيل ده اكني رايح مؤبد

**alfa** · 04-01-2009 06:00 PM

المشاركة الأصلية كتبت بواسطة tutankhamoun

بُص يا أخي الكريم
أنا أقصد من كلامي بالتحدث أولا إلى الوكيل المحلي هو محاولة حل المشكلة إذا وجدت مع الوكيل المحلي أولا قبل اللجوء للشركة الأم .

و طبعا أنت الوحيد اللي تقدر تحدد إذا كان عندك المشكلة مازالت مستمرة أم لا ؟؟
يعني فيه فرق في السحب ؟؟ ....... فيه فرق في قوة الموتور ؟؟؟
الصوت اللي بيطلع من عندك ده ...... بصراحة انا مش فاهم من وصفك أيه هو بالظبط
بس حاسس أن فيه تخبيط مثلا ؟؟؟

طيب جرب تبص على مستوى الزيت كدا و شوف أيه الأخبار ؟؟؟
أكشف على الزيت كل يوم ............. بمعنى كل يوم
معلش أتعب شوية علشان نشوف أيه المشكلة بالظبط
و عايزك تجيب تقرير منهم بكل القطع اللي تم تغييرها
أو على الأقل نعرف أيه القطع الأساسية اللي أتغيرت
و لو حاسس ان العربية مش ماشية معاك زي الأول أو فيها مُشكلة
نكلم الشركة الأم لو التوكيل المحلي ماشفش حل للموضوع أو متجنب أنه يحل الموضوع أو مش بيتعامل معاك بشفافية

بس عايزك تخلي حد تاني معاه الجين 2 يجربهالك علشان أنت مش هاتقدر تحكم عليها كويس دلوقتي بسبب المشاكل اللي حصلت و هايكون عندك مُشكلة نفسية فهتأثر على رأيك في العربية
و يارب إن شاء الله تعالى يطلع مفيش حاجة بإذن الله

و السلام عليكم يا أخي الكريم

السلام عليكم ورحمة الله وبركاتو
ازيك يا اخ توت
انا النهارده رحت التوكيل وغيرت زيت ومصفاة الزيت لاني خلصت التلليين بتاع العربية 1000كم
وقولتلهم ان العربية فيها صوت مش طبيعي
طبعا انا قلتلك من فترة اسبوع حصل ايه ؟ وقت رحت التوكيل وقالولي انهم مش سامعين اي صوت
المهم النهاردة اصريت عليهم انهم يسمعو كويس
وفعلا سمعو واخيرا الصوت يالي انا بقول عليه
وطلع معاهم ان صوت الدويا ديه من الرومان بتاع العجلة !!
طبعا الرومان ده عادة يتغير لما انت تمشي بالعربية اكتر من 50 او 60 الف كم
اما بالنسبة لصوت يالي عامل زي صوت الميه يالي من التابللو فقالولي انو لازم اجيب العربية من الصبح بدري لانها بتاخود وقت اصلاحها
قلتلهم طيب فيها ايه يعني عربيتي ؟؟
قالولي مش عارفين بالظبت بس لازم نفك التابللو كلو ونشوف مواسير التكييف
اما بالنسبة للتقرير يالي قولتلي حضرتك عليه فمرضيوش يدولي اي حاجة وقالولي ان جميع الشركات ماتديش ايه تقارير مطبوعة او مختومة صادرة عن الشركة لانو الاصلاح وتكاليف الاصلاح تمت على حساب الضمان
مع اني قلتلهم ان التوكيل بمصر بيديه كشف او تقرير بالحاجات يالي يغيرها حتى لو كانت مش مدفوعة يعني على حساب الضمان
قالولي مش معقول الكلام ده ونحنا طلعنا على مصر وعملنا دورات عندهم وجت الشركة الام من ماليزيا وعملت تدريب لينا وللمصرين واكدت الشركة الماليزية على الوكلاء بانهم لايعطو اية تقراير بهذه الحالة.
انا اسف طولت عليك الكلام
سلام يامعلم

**privilege** · 31-05-2010 03:55 PM

إخوانى بالمنتدى
السلام عليكم ،،
بالصدفة وأنا بدور فى المنتدى على موضوع لقطعة غيار جلدتين موجودتين لمسك الإسكترا لقيت الموضوع ده
على فكرة ها الموضوع مهم جدا
لأنه حصل معاى بالفعل صوت الطقطقة ده عبارة عن نقص الزيت بالماكينة أدى إلى حدوث هذا الصوت
وعلى فكرة موضوع نقص الزيت بماكينة الجين 2 موضوع منتشر والتوكيل ميعرفش أى حاجة عنه ، لأنه معظم الناس إل حصل معاهم الأمر ده كانوا خرجوا من الضمان

ومشكلة أكل الزيت ده ملوش حل فعلا لغاية دلوقتى
ناس قالت بسبب ( pcv ) ...... التوكيل ميعرفش ايه الـ pcv
وناس قالت بسبب الزيوت التخليقية وخلافه .
وناس قالت ممكن يكون فيه تسريب وهذا لم يحدث مع الذين يشتكون من نقص الزيت
وناس قالت بسبب زيادة السخونة بداخل الموتور فيحدث للزيت فقدان لزوجته فيؤدى إلى تبخيره
وناس قالت بسبب تناقص الزيت الغير ملحوظ من قبل صاحب السيارة يؤدى إلى وجود خلوص بالماكينة فيؤدى إلى تآكله

ولم يجزم أحد حتى الآن عن سبب تآكل الزيت والذى يؤدى لا قدر الله إلى قفش الماكينة والإضطرار إلى تغييرها

**powerofhelll** · 31-05-2010 05:22 PM

اتمسك بحقك غير الموتور بالكامل

**dreslam** · 31-05-2010 07:22 PM

وهوه موضوع نقص الزيت بالموتور ده موضوع عام يعني ولا ايه.انا ماجربتوش قبل كده بس موضوع رومان بيل ده جربته وفعلا كان صوت وره او صفاره متقطعه.وفيه صوت بسمعه وانا على 90 او 100 زي مايكون صوت سير بيلف مش عارف ده من ايه