عرض للطباعة
السلام عليكم يا أهل المتدى الكرام....
بالصدفة البحتة اتعرض عليا بيجو 405 مو 89
جميع الكماليات
على 42 ألف
بغض النظر عن الحالة ( يعنى لو حالتها معقولة )
ايه رأيكم فى العربية دى
كقطع غيار و أداء و خلافه
و ياترى أوديها التوكيل تتفحص و لا أشوف سمكرى و ميكانيكى و خلاص
أرجو الرد سريعا
لأنى قاعد من غير عربية و زهقت خلاص
و شكرا مقدما
عليكم السلام و رحمه الله و بركاته.
تمن العربيه بالنسبه لكماليتها معقول لكن برضه الحاله تحكم يعني لو حالتها نضيفه يبقي التمن دا كويس و معقول انما لو حالتها تعبانه يبقي ما انصحكش علشان ممكن تصرف عليها فوق ال 5000 جنيه كمان.
بالنسبه للعربيه هيا عربيه جميله جدا و مريحه و معمره و قطع غيارها متوفره و مش غاليه اوي ولا حاجه .
بالنسبه للكشف انت و راحتك يا اما تروح التوكيل و دا يبقي احسن طبعا يا اما تشوف سمكري يكشف عليها و خلي بالك علشان كان في عربيات كانت بتتباع في مزادات الشرطه من الموديل دا بالذات و كانت بتبقي متهانه اوي و التجار بياخدوها و يجيبو نصين عربيات من بورسعيد و يلحموهم.
يبقي الحل انك تتاكد من التوكيل ان العربيه مافيهاش لحامات من النص او اي سمكري محترف يشوفهالك.و لو تعرف تكشف علي ملفها في المرور يبقي كويس
شكرا جزيلا يا حازم باشا..........ربنا يكرمك
خلاص ان شاء الله هوديها التوكيل
و هشوف حكاية ملفها فى المرور
دعواتكم بقى
شوف يا استاذ كريم انا معايا نفس الموديل بس 94 هى العربية جميلة جدا من كل النواحى من حيث الثبات و القيادة لكن انا شايف ان قطع غيارها غالية حبتين بس الميزة فيها انها معمرة و متوفرة بدون مجهود و كمان بالنسبة للبنزين استهلاكها عالى شوية و كمان بانسبة للصيانة مش اى ميكانيكى يشتغل فيها ع العموم هى سيارة رائعة بس اتاكد ان حالتها كويسة و مش محتاجة مصاريف لانى كماذكرت صيانتها غالية يعنى على سبيل المثال ثمن الكوبلن الواحد بيوصل حوالى 1000 جنيه و ربنا يوفقك ان شاء الله
شكرا ليك أستاذ hic
معلش سؤال كمان بعد اذنكم
هو الموديلات 88 حتى 91( الشكل القديم )
الفول أوبشنز منها لازم يبقى أتوماتيك
يعنى فى منها فول أوبشنز مانيوال
يا hic باشا هى كانت قطع غيارها غالية زمان لما كانت ف وقتها لسه جديدة انما دلوقتى مقارنة العربيات الجديدة هى سعر قطع غيارها حلو جدا ومتوسط مقارنة بالعربيات الكورى واليابانى مش هقولك الالمانى والبيجو الحديث بالاضافة الى انها فعلا معمرة زى ماحضرتك قلت
وعلى فكرة يا استاذ كريم مش لازم تبقى اوتوماتيك عشان تبقى فول اوبشن وكمان الشكل القديم من 87 لغاية 94
شكرا يا استاذ وليد....
لو سمحت يا استاذ وليد ممكن اعرف استهلاك البنزين عندك قد ايه
أه ياريت لو سمحت يا أستاذ وليد لأن الحاية دى تهمنى انا كمان
و شكرا..
إذا كنت عايز 405 بحاله ممتازه ولا تحتاج أى شىء كلمنى على تليفونى 0125194329
لو حضرتك تقصد العربية اللى معمول عنها اعلان هنا فى نايل موتورزاقتباس:
إذا كنت عايز 405 بحاله ممتازه ولا تحتاج أى شىء كلمنى على تليفونى 0125194329
فللأسف دى مش هتبقى مناسبة ليا لنى محتاج يكون فيها تكييف
وشكرا لأهتمام حضرتك يا استاذ dido
تقريبا انا كنت بروح بيها اسكندرية بفول قبل ماطلع واول ماوصل افول تانى تاخد حوالى 13 لتر يعنى ممكن نقول مثلا بتعمل حوالى 300 كيلو فى الصفحية لو طريق سريع على سرعة عادية لكن لما بمشى على سرعة فوق ال 120 مثلا بيكون الاستهلاك اكتر .
داخل البلد بيكون تقريبا الاستهلاك 250 كيلو فى الصفيحة .
والله اعلم
على كده يبقى استهلاكها معقول جدا....
شكرا يافندم..
ربنا يوفقك يا كريم فى الاختيار
شكرا يا ريس.... :D :D :D
العفو يا باشا
بس نسيت اقولك الاستهلاك ده بالنسبة لل 1600
لكن معظم موديل 89 هتلاقية 2000 سى سى عموما لو كانت فعلا 2000 سى سى تبقى احسن