قلقان اشترى السمارت جربتها وشوفت الاتى
العربيه سمارت (مرسيدس) موديل 2000 عامله ميت الف كيلو استعمال سيدات وزى ما انتوا عارفين الاستعمال الحريمى بيريح الموتور والميكانيكا ويبهدل البودى الخارجى .
المهم ديه بعض الملاحظات اللى شفتها لما شفت و جربت العربيه .
1 - البربيز الامامى شكله اتفك واتركب بس بطريقه مش احترافيه
2 - الجوان اللى راكب على الزجاج الجانبى مش متظبط
3 - بعض الخدوش وحاسس ان الاكصدام مش راكب صح
4 - التابلوه ممتاز كانه جديد بس الكراسى فيها كذا لسعه سجاير
5 - المرايات والبيبان كويسه جدا
اما تجربه القياده
والعربيه استربتونيك
العربيه دارت من اول مره عادى على الرغم من انها بارده جدا وعلى الرغم من انى اول مره اركب سمارت ثم اتحركت على وضع الاتوماتيك رجعت تمام من غير تقطيع ومشيت فيه زنه كده عللهالى صاحب العربيه بأنها من سير الدينمو
لفيت لفه وكلت مطب محترم خلانى فى نص هدومى لانى كنت مركز فى منظر الكاسيت
المهم وده اهم سؤال
العربيه مخنوقه مش عايزه تجرى زى الجين تو لاء ده انا اللى بدوس كمان علشان تزود هل ديه طبيعه الالمانى لانى سقت بورا وكانت قريبه من كده بس البى ام مش كده
وكمان بحس بالنقله بتاعت الاتوماتيك مبتقطعش بس بحس بيها
ارجوا الافاده اشترى ولا لاء