الزيت بيروح فين؟

**romeeoo** · 30-12-2008 01:10 AM

عندى اوبل كورسا مو 95 1200 سى سى كنت مرة غيرتلها زيت وانا دايما بحط موبيل بيقعد 3000 وبغيره ع 2500 وفى مرة بقيس الزيت بعد ما عمل 1800 كم لقيته خاسس كيلو قمت رايح للميكانيكى قالى حطلها الزيت الألف ونزله على 500 اول مرتين انا عملت الموضوع ده (احط شيل 1000 4 مرات بس على فلتر زيت واحد ماغيرتوش) المهم جيت ببص ع الزيت الهارده لقيته خاسس كيلو بحاله وعملت عليه 900 كم وكنت شايفه من اسبوع كان مظبوط انا حاتهبل واعرف هو فيه ايه

**maka** · 30-12-2008 03:22 AM

اتاكد ان مفيش تسريب

**aYaBooY** · 30-12-2008 01:04 PM

اتاكد من جوان غطا التكيهات ممكن يكون بيسرب
و اتاكد من انه مفيش دخنه من خرطوم الفايس او فتحة تزويد الزيت علشان ديه معناها انه الموتور خفيف شوية و بياكل زيت
و يا ريت لو بتتعامل مع ميكيانيكي عادي دور على حد متخصص اكتر في الاوبل

**samirayad** · 30-12-2008 06:50 PM

المشاركة الأصلية كتبت بواسطة romeeoo

عندى اوبل كورسا مو 95 1200 سى سى كنت مرة غيرتلها زيت وانا دايما بحط موبيل بيقعد 3000 وبغيره ع 2500 وفى مرة بقيس الزيت بعد ما عمل 1800 كم لقيته خاسس كيلو قمت رايح للميكانيكى قالى حطلها الزيت الألف ونزله على 500 اول مرتين انا عملت الموضوع ده (احط شيل 1000 4 مرات بس على فلتر زيت واحد ماغيرتوش) المهم جيت ببص ع الزيت الهارده لقيته خاسس كيلو بحاله وعملت عليه 900 كم وكنت شايفه من اسبوع كان مظبوط انا حاتهبل واعرف هو فيه ايه

شوف لو المنظر العام للماكينة نظيف.....يبقى الزيت بيتحرق

ويخرج مع العادم.....ودة ممكن أن يجى من أحد اتجاهين.......لو الماكينة خفيفة يبقى أنت محتاج تغير طقم شنبر.....لو الماكينة تمام يبقى أنت محتاج تغيير طقم سيل صباب

**heronasser** · 30-12-2008 10:30 PM

اكشف علي فلتر الزيت احيانا بيكون به خرم يسرب اثناء السير و متحسش بيه

**romeeoo** · 30-12-2008 10:39 PM

تسلموا يا جماعة والف شكر انا عموما غيرت زيت وفلتر وحاشوف

بس سؤال لو سمحت يا ا/سمير عياد
فهمنى شوية ايه الشنبر او سيل صباب

**HeMa_LanCeR** · 30-12-2008 11:12 PM

بالنسبه للشنبر فهو الطوق الحديد اللي بيكون حول البستم من فوق يعني يعتبر زي طوق لافف حوالين البستم وده اللي بيمنع خروج الزيت اللي غرفه الحرق
ولو الشنابر خفت فا الزيت بيطلع لغرفه الحرق وبيتحرق مع البنزين وده بيخلي العربيه تدخن
وبالنسبه ل اول سيل الصبابات فا انا عن نفسي اول مره اسمع حاجه اسمها كده انا اعرف جلب الصبابات ودي بتكون فوق الصباب من اتجاه وش التكيهات وليس من اتجاه البستم
وياريت حضرتك
تبقي تبص تحت العربيه في زيت نازل ولا لأ لأنه لو بيسرب هيبان لما تركن العربيه

**romeeoo** · 30-12-2008 11:52 PM

المشاركة الأصلية كتبت بواسطة HeMa_LanCeR

بالنسبه للشنبر فهو الطوق الحديد اللي بيكون حول البستم من فوق يعني يعتبر زي طوق لافف حوالين البستم وده اللي بيمنع خروج الزيت اللي غرفه الحرق
ولو الشنابر خفت فا الزيت بيطلع لغرفه الحرق وبيتحرق مع البنزين وده بيخلي العربيه تدخن
وبالنسبه ل اول سيل الصبابات فا انا عن نفسي اول مره اسمع حاجه اسمها كده انا اعرف جلب الصبابات ودي بتكون فوق الصباب من اتجاه وش التكيهات وليس من اتجاه البستم
وياريت حضرتك
تبقي تبص تحت العربيه في زيت نازل ولا لأ لأنه لو بيسرب هيبان لما تركن العربيه

بصيت تحت العربية كتير بلاقى رشح زيت وانا مابغسلش المكنة خالص بس مش تسريب

**محمد جلال** · 31-12-2008 12:01 AM

هو عربيتك لو بتركن فى نفس المكان دايماً بص على الارض تحت المحرك اكيد هتسيب علامة والافضل وديها المحطة خليهم يرفعوها ويغسلوها من تحت كويس وبعد كده وديها للميكانيكى وإن شاء الله لوفيه تسريب يبان

**samirayad** · 31-12-2008 08:57 PM

المشاركة الأصلية كتبت بواسطة HeMa_LanCeR

بالنسبه للشنبر فهو الطوق الحديد اللي بيكون حول البستم من فوق يعني يعتبر زي طوق لافف حوالين البستم وده اللي بيمنع خروج الزيت اللي غرفه الحرق
ولو الشنابر خفت فا الزيت بيطلع لغرفه الحرق وبيتحرق مع البنزين وده بيخلي العربيه تدخن
وبالنسبه ل اول سيل الصبابات فا انا عن نفسي اول مره اسمع حاجه اسمها كده انا اعرف جلب الصبابات ودي بتكون فوق الصباب من اتجاه وش التكيهات وليس من اتجاه البستم
وياريت حضرتك
تبقي تبص تحت العربيه في زيت نازل ولا لأ لأنه لو بيسرب هيبان لما تركن العربيه

معلش أنا لسة قارى التعليق دلوقتى....بالنسبة للشنابر الكلام زى الفل وفية الكفاية....وبالنسبة لسيل الصباب فهو فعلا اللى حضرتك مسمية جلبة....وهى بتكون عبارة عن طوق من الكاوتش مركب علية سوستة لاتمام عملية الحبك على الصباب من العصب من أعلى داخل حوض التاكيهات....وفائدتة منع زيت التزيت المتواجد فى داخل حوض التاكيهات من التسرب الى غرف الحريق من حول الصباب.....للحفاظ على الزيت