عربيتي الفيرنا ال Gtr

**ahmednabeel** · 30-12-2008 02:52 AM

أصدقائي الاعزاء والقائمين على المنتدى الرائع ده انا عرفت نفسي في المنتدى الاجتماعي انا عضو جديد ده تاني يوم ليا معاكم أسمي أحمد نبيل مساعد مدير المكاتب الامامية في الفورسيزون عندي 29 سنه ومن سكان المهندسيين ودي صور عربيتي الفيرنا 2008 قولوا لي ايه رأيكم العربية معمول فيها شغل كتير العربية عاملة 5000 كيلومتر بس اولا فيها body kit وسينسور ركنه وعداد ار بي ام ودركسيون اسبور وفيها كاست بايونيير 3050 وريموت دركسيون مالتي فانكشن ومسكت الفتيس مومو والعربية معول ليها زرار عان تدور منه م بتدور بالمفتاح زي الميجان والبي ام والمرسيدس والشنطة بتتفتح بالريموت ومن جوه مع العلم انها اول فئة في الفيرنا اللي الشنطة بتتفتح بالمفتاح بالاضافة للجنوط طبعا والفرش الجلد بالأضافة لجهاز Portable PSP Sony بس ؟

على فكرة أنا هستلم الاستيكرز الخاص بأعضاء المنتدى من الاخ الفاضل محمد ممدوح بكره !!

بس قولوا مشاء الله والله أكبر

ودي صورة ليها من جوه العربية يارب تعجبكم

**BLACKVERNA** · 30-12-2008 10:03 AM

الصور مش ظاهرة عندى

على العموم اهلا بيك اخ جديد معانا

**sa3dawy** · 30-12-2008 10:19 AM

عربيتك تحفة جدااا
ربنا يخليهالك ياباشااا

**totaman** · 30-12-2008 10:33 AM

ما شاء الله والله اكبر جميلة يا باشا
واهلا بيك معانا فى المنتدى
العربية جميلة بس لو اتهبطت شوية هتبقى احلى
وكمان لو الجنوط كانت اكبر
انا مش بقولك كدة يعنى ان هية كدة وحشة
لا هية حلوة بس هتبقى احلى لو عملت كدة
يا رب تكون فهمتنى

**OZYDREAMS** · 30-12-2008 12:02 PM

عربية جميلة بس لو عدلت على الجنوط بجنوط نيكل نضيف واكبر هيبقى شكلها فاجر اكتر
ربنا يباركلك فيها ويديك خيرها ويبعدك عن شرها

**mrghost** · 30-12-2008 12:30 PM

ما شاء الله عليها تحفه
بس لو كانت الجنوط اكبر شويه كانت هتبقى احسن
على العموم ربنا يباركلك فيها

**ahmednabeel** · 30-12-2008 03:28 PM

BLACKVERNA
sa3dawy
totaman
OZYDREAMS
mrghost

أولا احب اشكركم جميعا على ردكم وكلامك الجميل اللي بجد يفرح القلب
اما بخصوص الجنوط انا كنت بفكر في كده بس العفشه هتتبهدل عشان كده محبتش اغير الجنوط عن مقسها الحقيقي 13

وشكرا ليكيوا تاني ويارب اكون عضو فعال معاكم