منطق غريب أوى !.
اللى بتعملوا دة قانونيا و أخلاقيا غلط.
لو بعد كل الكلام دة ولسة بتعمل كدة انت و أصحابك يبقى ياريت متنزلش تسوق فى الشارع تانى مش شهر و نص بس.
عرض للطباعة
منطق غريب أوى !.
اللى بتعملوا دة قانونيا و أخلاقيا غلط.
لو بعد كل الكلام دة ولسة بتعمل كدة انت و أصحابك يبقى ياريت متنزلش تسوق فى الشارع تانى مش شهر و نص بس.
باسم باشا
اسمحلي اولا احيي صراحتك ووضوحك وضمبرك المستيقظ الدال علي نبل اخلااق وتربيه عاليه:k49:
واضح ان سنك اقل من 20 سنه علي ما اعتقد ما كلنا كنا ذيك ده انا انهارده وانا 30 سنة سعات بشد قصاد ناس مع ان عربيتي 1000 سي سي
فياريت الفترة الجاية توصل لمرحلة انك خلاص عملت كل اللي نفسك فيه وخلاص بقه المرحلة ده انا شخصيا عشتها بعد انقلااب سيارة اجرة كنت راكبها وطبعا مش انا السائق وقعدت اسوق علي مهلي شهور وشهور بعدها
لكن ريما رحعت لعادتها القديمه ده حتي انا فكرت اغير عربيتي الي 1600 سي سي هاتشباك برضه:w6266d
المهم ارجع واقول خليك انت الكبير وعادي يعني اما تفوت ورحم الله أمرء عرف قدر نفسه وانت عارف انك تمام وحتسد طيب ايه الداعي للشد:shine[1]:
وكلمه اخيرة الشاب البري للاسف طلع مزنب:majd(4):
اكيد في شق يقع عليك وان كلي شيء يقدر ربنا
وفي النهاية حمدالله علي سلامتك:satelite:
ولعله خير انك تغير طريقه سواقتك الفترة الجايه من عمرك
ايه اللى غريب بالظبط؟؟
يا استاذ محمد اخلاقيا انا شايف انه مش غلط و دى وجهات نظر ليه؟؟
اقولك اولا انت حر ما لم تضر ثانيا انا مبجريش جوه البلد اكتر من 100 و دى سرعه ممكن تتحكم عليها فى العربيه كويس اوى فى اى موقف لا قدر الله و بعدين انا اما بجرى ببقى واخد بالى انى مضايقش حد ماشى جنبى او ورايا او قدامى و مبنقلش من حاره لحاره غير اما ابص فى المرايات يعنى من الاخر مبضايقش حد و ده اكيد مش بنسبه 100% فى حاجات بتبقى غصب عنك حتى لو ماشى على 60 (السرعه القانونيه)
ثانيا قانونا متقنعنيش ان حضرتك او اى حد هنا فى المنتدى او فى مصر كلها بيمشى على 60 لو فى فرصه يزود قصدى ان 60 دى ممله جدا و معتقدش ان فى حد بيمشى عليها و هو راضى يعنى مش فى زحمه ولا حاجه و بيمشى 60 برضه.
لا تعليق!!!!!
و يا جماعه ياريت محدش يزعل من كلامى انا بناقش وجه نظر مش اكتر.
هو طبعا حضرتك احسن واحد يسوق فى اسكندريه ومصر كللها وحافظ الكورنيش طوبه طوبه ومتر متر وواضح انك مش هتخطئ ابدا وانت سايق
بس تضمن منين ان غيرك مش هيغلط !!!!
وبعدين بمناسبة المحامى الشاطر اللى هيجيبلك تعويض لو مش انت اللى غلطان افرض ان لو لاقدر الله ضحية الحادثه دى واحد قريبك او صاحبك او حد عزيز عليك. هتعمل ايه بالتعويض ؟!!!
عموما انا قفلت المناقشه دى من طرفى ومش هرد تانى
انت قلت وجهة نظرك وانا كمان واربنا يستر طريقنا جميعا
بسام مش باسم :)
انا عندى 21 سنه و بقالى 9 سنين بسوق و فعلا عملت كل اللى فى نفسى و زى ما حضرتك قلت انا سعات بشد انا مبقولش انى كل يوم بطلع اشد على البحر حتى مع صحابى ده بيبقى كل فين و فين مش كل يوم.
المشكله مش انا اللى ببدأ انا عمرى و الله ماجيت جنب حد حتى لو عجبانى سواقته و اقلتله شد معايا و بفوت كتير على فكره اما الداعى للشد فهو الاستفزاز من الغير مش اكتر.
:k30:
الله يسلمك
و الله يا استاذ محمد ان سواقتى مش وحشه بشهاده كل اللى ركبوا معايا و شافونى سايق و السلام ختام
انا مقلتش كده و عمرى ما اقول كده علشان جل من لا يسهو و مفيش انسان معصوم و السواقه ملهاش كبير زى ما قلت فى الاول على فكره انا فعلا حافظ الكورنيش متر متر!!
مضمنش و مش ممكن اضمن بس بحاول على قد مقدر اتجنب الاخطاء ز اى واحد بيسوق و اعتقد ان حضرتك اكيد بتعمل حساب اخطاء الغير و انت سايق زى اى واحد اتعلم سواقه صح.
و الله كل اللى اعرفهم ناس محترمين و بيمشوا لحد النفق حتى لو بنهم و بينه كيلو متر و بالتالى هم صح.
حتى لو قفلته من طرفك و حتى لو مش حترد تانى من حقك عليا انى ارد علي كلامك احترام ليك مش اكتر.
اللهم امين و الاختلاف فى الرأى لا يفسد للود قضيه و السلام ختام.
يا أخ بسام... ايه معنى كلامك ده؟؟؟؟ ... الموضوع مستفز جدا في اسلوب عرضه... و خصوصا حكاية أنك ماقابلتش النوع المحترم من سواقين عربيات "ملاكي القاهرة" و ده ان دل على شيء فهو يدل على حداثتك في السواقة ليس الا...
لأني كواحد بقاله 10 سنين بسوق مثلا... عدى عليا كل انواع السواقين من كل المحافظات و مقدرش أعمم اني مشفتش من محافظة معينة حد محترم...!!
عموما يا باشا لو شفت شيروكي دهبي ملاكي القاهرة ماشية عالكورنيش ماتستفزش سواقها... عشان لما حد بيستفزه بيبقا "مش محترم" :tank:
يا استاذ مينا اسف بس حضرتك فهمتنى غلط
اولا انا مش قصدى استفز حد لا سمح الله انا طرحت موضوع للمناقشه مش اكتر.
ثانيا انا مقلتش ان اللى بيسوقوا ملاكى القاهره مش محترمين فيه كتير منهم محترمين انا قصدى مشددتش مع حد من القاهره و كان محترم وده برضه مش تعميم دى تجربه شخصيه.
ثالثا انا بقالى 9 سنين بسوق و قابلت المحترم و اللى مش محترم انا هنا بتكلم على الشد مش السواقه.
رابعا لو شفت عربيه شيروكى دهبى ماشيه على الكورنيش مش حشوف سواقها غالبا عشان استفزه علشان العربيه اعلى من عربيتى و الاسلوب فى النقطه دى معجبنيش يعنى ايه بيبقى مش محترم؟؟.
خامسا انا مبستفزش حد اصلا.
و يا جماعه اسف لكل القاهرويه اللى فهمونى غلط.
ياجماعه اللى بيجرى بعربيته ده لازم يراعى ان فى ناس تانيه ماشيه سواء عربيات او بنى ادمين على الاقدام يعنى لو كان حد بيعدى الشارع وانت مثلا بتاخد غرزه وخبطه هتروح فين من تأنيب الضمير وبعدين لما انت تسبقه او هو يسبقك استفدت ايه؟!!! هتاخد جائزه
الشد والسرعه والكلام ده لازم يكون فى مكان مخصص لكده مش فى الشارع لان الناس ملهاش ذنب لما العربيه تعوم من واحد وتخبطه
ربنا يهدينا جميعا