الموضوع: مين اللى غلطان؟؟؟

الى الاخ اودي كيو سفن

رساله الي الشاب البريء .. ايها الشاب البريء اذا شفت حد راكب عربيه و بيديك غمازات او نور عالي اعمل الاتي : و انت سايق في طريقك عادي اديله غماز شمال بعديه غماز يمين و انت ماشي في طريقك عادي ووسعله من يمينك و سيبه يعدي .. علي الاقل انا باعمل كده .. (الغمازات يعني = ماتقرفنيش و سيبني في حالي و شوف اللي بعدي) انا من اقاليم مصر و ليس من القاهره .. سواقه الاوتوموبيل بتتحدد حسب شخصيه سائق الاوتوموبيل و ليس حسب النمر التي يحملها الاوتوموبيل .. ممكن تجد نمر من اخر اطراف الجمهوريه و سائقها محترم عن اي سائق من القاهره او اسكندريه او اياُ كان .. فمن فضلك عامل الانسان بشخصيته و ليس من محل اقامته ..
مبدئياُ السواق البريء اللي حضرتك بتتكلم عنه اصبح سبب في حادثتين و خسائر في عربيتين سواء بطريق مباشر او غير مباشر .. و ده امر لا يمكن تجاهله و بالتالي فقت برأتك .. لو انت سواق بريء صحيح مالكش دعوه باللي بيحصل في الطريق و خليك في طريقك و اوتوموبيلك انت و سيب الباقي يولع (علي غرار .. لو شفت جماعه بينطوا من فوق كوبري انت مش مجبر انك تنط معاهم) .. ولا ايه ؟

اولا موضوع الغمازات ده مع احترامى ليك غلط ليه؟
عشان انت لو قدامه مش حيديلك غمازات اساسا اللى بيبقى قدام و يدى غمازات يعنى ورينى نفسك على الاقل ده ى اسكندريه معرفش الاقاليم ايه نظامها

ثانيا موضوع النمر و العربيه و شخصيه اللى ايق ده انا معاك فيه علشان كده اما احد الاعضاء كتب الموضوع مش اكتر من ملاكى القاهره و املاكى اسكندريه وضحتله الفكره.

ثالثا مقارنه النط من فوق الكوبرى و الشد اسمحلى مفيش وجه مقارنه ليه؟
لان النط من فوق الكوبرى جنون انما و انت بتشد المفروض انك عينيك فى وسط راسك و فاهم و واعى انت بتعمل ايه و باصص قدامك على مدى بصرك مش حاخد الغرزه ديه و ربنا يسهل بعد كده

حضرتك كده جبت من الاخر .. ده الكلام الصحيح .. اخلاقياُ و منطقياُ و قانونياُ غلط ..

رديت على الموضوع ده قبل كده

كلام حضرتك مناقض لبعضه .. او بمعني اصح للتوضيح : اللي بيسوق محترم مابيشدش مع حد ! لو هاكسب عربيه زيرو من اني اشد مع واحد مش هاشد معاه ..

حضرتك فهمت الكلام غلط ده مش قصدى فى ناس محترمين جدا و بتشد و عادى خالص الاحترام هنا انك تبقى عارف انت بتشد ازاى و متضيقش حد و انت بتشد مش انك متشدش خالص الشد نفسه فيه متعه لذيذه.

خللي مثلاُ ان انت بتشد مع واحد و عربيتك انت اللي اتضمرت .. اولاُ السيار بتاع والد حضرتك اي انك لا تحتكم عليها .. بالتالي هاتجيب مشاكل لنفسك و لوالدك ,, و خليك "جبت خبر حد بيها" يبقي جبت لنفسك مصيبه .. و اصلاُ الشوارع مش مستحمله و البني ادمين بيرموا نفسهم قدام الاوتوموبيلات ..

عربيتى حتدمر لو انا باجى عليها زى ما بيقولو يعنى لو مثلا مهدتش فى ملف و خيشت و ساعتها منغير زعل انا حبقى استاهل اللى يحصلى. و جبت خبر حد بيها دى الاعمار بيد الله و انا زى مقولتلك ببقى باصص على مدى بصرى و لو لقيت حد بيفكر بس انه يعدى بهدى و بقول لنفسى يتحرق الشد على اللى بيشدوه:)

المشاركة الأصلية كتبت بواسطة SS

يا رجالة ياريت تهدوا و بلاش الفيلم بتاع القاهرة و الاسكندرانية و الجيزاوية و البورسعيدية و الافلام اللى مش جايبه همها ديه.
بالنسبة للأخ صاحب الموضوع فليه تعليق بسيط و ارجو انك ما تضايقش منه:
لو انت شايف واحد مجنون نام على الارض فى وسط الطريق الصحراوى...و اتحداك ان ما فيش حاجة هاتحصله...و انك ما تقدرش تعمل زيه ...هل هاتجريه فى كده عشان تثبت له انك احسن منه؟؟؟
و لو احنا سلمنا ان الشخص ده عبيط و اهبل و مش مدرك هو بيعمل ايه....فهل انت شايف انك تثبت انك الافضل لواحد بالعقلية ديه حاجة تستحق انك تحطها فى دماغك اساساً و تستدعى انك تفكر فيها..؟؟؟؟؟!!
لو اجابتك بنعم.....فيبقى رأيى تشد مع الناس كلها مش اللى بيستفزك بس
و بعدين انت بتقول انك ما بتشدش على سرعات عاليه....أنا فى رأيى ان الموضوع ده نسبى يعنى حسب الطريق...مش قيمة مطلقة لو مشيت اقل منها تبقى ماشى بالراحة...و عموماً اتمنى انك ما تجربش بنفسك ان السرعات اللى ممكن تكون بتعتبرها قليلة...ممكن يحصل عليها بلاوى لا قدر الله...لأنى جربتها سخصيا بسبب واحد كان فاكر انه ماشى براحة و ما لحقش يفرمل..لأن دايماً وارد ان فيه ظروف تخرج عن نطاق سيطرتك...سواء طريق او عربيات او مشاة او حتى عربيتك انت شخصيا.ً
و فى النهاية اتمنى ان ربنا يسترها معاك و معانا جميعاً

اولا انا شايف مفيش وجه مقارنه بين النوم على الصحراوى والشد

ثانيا انت بتقول"و لو احنا سلمنا ان الشخص ده عبيط و اهبل و مش مدرك هو بيعمل ايه....فهل انت شايف انك تثبت انك الافضل لواحد بالعقلية ديه " اللى بيشد مع حد لا بيبقا عبيط ولا اهبل و اكيد هو مدرك هو بيعمل ايه و مدرك ان الشخص ده مكن يكون اجمد منه و ممكن يكون شرانى و ممكن يكون غشيم.

ثالثا انا قولت انى مبشدش على السرعات العاليه داخل البلد لكن لو حشد على الصحراوى مثلا اكيد مش حشد على 100

و اخيرا ربنا يسلم طريق الكل يارب

المشاركة الأصلية كتبت بواسطة M!NA

ماهو دا اللي ركبنا ال4x4 يا صاحبي :)

ايوة والله

الناس بتركب عربيات 4*4 عالية و تركب دفندرات علشان غتاتة الناس دي مش لسبب تاني
و يستحملوا مصاريف البنزين العالية بقى ههههههههه

انت يا عم مش حانعمل بقى اجتماع صحراوي لراكبي ال 4*4 في المنتدى


______________________


نرجع بقى موضوع الشد و غيرة انا متفق من اللي بيقول ان الشد فية متعه

معاك تماما

بس فية حاجة انا مش اجي قدام واحد و ازنق علية و اعمللة حركة بذيئة مثلا علشان استفزة يشد معايا

ماهو النتيجة مثلا انة اتنرفز عليك و خبطللك عربيتك

الشد بأدب يا جماعه, انما امشي اسفل و اقل ادبي عالناس اللي في الشارع علشان استفزة يشد, افرض واحد مستعجل وراة حاجة مهمة مش ازنق علية و استفزة او اقل أدبي و اتصرف تصرف ممكن تكون عاقبتة وخيمة

انا من فترة عيل باسترا برضة قعد يتنططلى يمين وشمال و يكلكس و حركات هبلة مع نفسة كدة وانا مكبر دماغي منة, بس لما شتم بالكلاكس
لفيت وراة اليوتيرن و دوست باور درايف مع كبسة كيك داون, ههههه اصلا هوة خاف من صوت العربية و موتورها و انا معدي على بعد سنتيمترات جنبة, عاوز اقولك كنت في اخر الشارع وهوة ماجابش نصة و فتحت شباكي و احلى اشارة ايد علشان يعرف ان انا مكبر بمزاجي انما ممكن اخيطة و اقل ادبي علية براحتي لو انا عاوز

بالنسبه للاخ ام مختار

انا مش حعلق على الكلام اللى حضرتك قولتوا بس انا حرد على اسئلتك و حديك نصيحه فى الاخر

ازاى تعَرَّف اللى بيشد وراك ان فى ملف جاى

شغل الويتنج و طفيه لو مفهمش حلال فيه الملف

هاخد غرزة على الضيق

مينفعش تقوله و الا مش حيبقى شد الغرض من الغرزه انك تسبقوا فأنت مش لازم تقوله الا لو كنت انت و هو جنب بعض و حتخدوا الغرزه مع بعض فى الحاله ديه الموضوع بيبقى نسبى يعنى الاسرع بياخدها

هاخد غرزة مقفوله

دى حاجه مينفعش تقولهاله علشان الغرزه اصلا مقفوله يعنى انت اساسا مش حتخدها و لو دخلت غشامه و اخدتها و عدت يبقى ستر ربنا مش اكتر

فى موقف قدامى لازم هفرمل جامد

تديله ويتنج و تدوس مره فرامل و تسيب و بعد كده حقك تدوس فرامل و تحاول تبعد عن الحاره اللى هو فيها عشان لو غشيم و مفهمش ميلبسش فيك

عدى منى عشان ادخل وراك الحاره اللى قدامى مقفوله ولازم ندخل واحد واحد من الحاره التانيه

هدى فى الحاره اللى واقفه و عديه و ممكن تشاورله بأيدك لو انت زى حلاتى بتسوق بأيد واحده

هاخد غرزة وانت مش هتلحق تاخدها ورايا

المفروض ان هو ادام ورايا يبقا شايف ان هو مش حيعرف ياخدها ورايا و انا عن نفسى حديله غمازات

الحاجات اللى فاتت دى ممكن تخلى اللى بيشد وراك يلبس على طول يبقى كده الغلط على مين؟

اللى لبس طبعا مش مسؤليتى انه مش شايف الطريق و مش ععارفه كويس

تعرف انت تقولى على اشاره واحده المفروض تعملها فى اى حاله من الحالات اللى عدت؟

بيتهيألى انى قولتهم كلهم مش واحده بس و لو عايز تتعلم اى حاجه تانيه تعالى و انا اعلمك :)

انصحك تتعلم الاول الاساليب الاحترافيه فى عالم قيادة السيارات مش مجرد تسوق وخلاص
انت كده بتتسبب ان الناس اللى معاك بتتهبدل عشان مفكرين انك فاهم يعنى ايه شد

مجرد نصيحه اخويه

انصحك انك تسأل قبل ما تتكلم اذا كان اللى انت بتكلمه ده عارف الحاجه اللى انت حتسأله عليها ولا لا علشان فى الاخر ممكن يطلع عارف و فاهم احسن منك و ساعتها انت اللى كنت عايز تنصحه حيبقى شكلك وحش اوى

انت اخرك تمسك الديركسيون وتدوس بنزين وتجرى
ومفكر ان هى دى السواقه وهى دى الحرفنه وانك بطل

بيتهيألى انك مشوفتنيش علشان تعرف اخرى ايه !!

ابقى تعالى...انت مش بتيجى ليه....ده كله بيجى

لا تعليق اسلوب ميتردش عليه انا رديت على مشاركتك بس علشان بعد كده تتعلم اما تحاول تتطلع حد مبيفهمش تتأكد الاول هو بيفهم ولا لا.

المشاركة الأصلية كتبت بواسطة Adham

بس فية حاجة انا مش اجي قدام واحد و ازنق علية و اعمللة حركة بذيئة مثلا علشان استفزة يشد معايا

ماهو النتيجة مثلا انة اتنرفز عليك و خبطللك عربيتك

الشد بأدب يا جماعه, انما امشي اسفل و اقل ادبي عالناس اللي في الشارع علشان استفزة يشد, افرض واحد مستعجل وراة حاجة مهمة مش ازنق علية و استفزة او اقل أدبي و اتصرف تصرف ممكن تكون عاقبتة وخيمة

متفق معاك 100%