مين اللى غلطان؟؟؟

**madoo** · 31-12-2008 03:09 PM

ايه التافهه دى

وبعدين يا مان صدقنى علشان مش ازعلك انا لما انزل اسكندريه هحط شريطه سوده على النمر
او اجيب شريط اسود واحطه بميل كدة على العربيه (زى اللى بيتحط على صور الناس اللى اتوفت فى النعى بتاع الجرايد )مقدما وهقول لكل اصحابى بتوع ملاكى القاهره يعملوا كدة علشان فى بعبع اسمها اوبترا بتاكل اى عربيه ملاكى القاهرة بتزل اسكندريه
ثانيا : وايه دة كمان

ده فى منطق اى واحد معاه عربيه و بيجرى بيهاو متقوليش حضرتك ان العربيه وسيله انتقال و المفروض متجريش بيها و الا ايه اللى يخلينى اجيب اوبترا كنت جبت 127 ارخص

محسسنى انه راكب بوجاتى او بورش او لامبورجينى او حتى جيتا او سيفيك او كورولا على اسوء الاحوال
ياااااااااااااااااااااااا ااااااااااااااااااااااااا اااااااعم فوق

دى اوبتررررررررررررررررررررا

**tutankhamoun** · 31-12-2008 05:23 PM

المشاركة الأصلية كتبت بواسطة r0xer

لم نفسك شوية يالي بتتكلم عن مصر انت..في ايه؟ واحد داخل يستعرض عضلاته وواضح انه شاب و واخداه الحمية....ايه علاقة مصر بقا ؟ مش يمكن يطلع قريبك في الاخر او حتى اخوك !! هو من كوكب تاني مثلاً؟

لو مصر مش عاجباك الباب يفوت جمل...لكن كل شوية هتخش وتقعد تشتم وتعك في مصر فدي اسمها قلة ذوق يامحترم يابتاع اوروبا.

الواحد هيلاقيها من اللي برة ولا من اهل بلده نفسهم.....حسبي الله ونعم الوكيل

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟؟؟

**Ghamrawy** · 31-12-2008 05:44 PM

و الله المفروض يخلو الرخصة من 25 مش من 21 حتى علشان نخلص من النفسنة و النقص و السطحية اللى بنشوفوا على الطريق كل يوم
الموضوع ده كفايه عليه لحد كده خسارة فيه الوقت

**AshTurbo** · 31-12-2008 06:30 PM

طلبله الاسعاف و راح معاه المستشفى واستناه لحد ما طلع من الجبس و اتأسفله و اطمن عليه و روح

كام واحد بيعمل حادثة مع حد و بيوقف ويتطمن عليه ؟؟ كل واحد بيهمه نفسة وعربيته ويخاف يدخل في سين وجيم والراجل مع أنه غلطان من الأول الا أنه كتر خيره وقف وأطمن على الراجل اللي عمل حادثة وراح معاه المستشفي وراجع ضميرة وأكتشف أنه غلطان نقوم أحنا بدل ماننصحة بالحسنى نقوم نسلخه عشان بيشد لا دة مبدأ لا يودي ولا يجيب الصح أننا ننصحه ونفهمه قبل النصيحة كان بها ماقبلش النصيحة هو حر يتحمل مسئولية اللي يجرى له بس نكون أحنا عملنا اللي علينا .

**bassam266** · 31-12-2008 06:45 PM

انا اسف ليكوا كلكو يا جماعه

موضوع مغلق لانه اتحول لاى حاجه تانيه غير انه يكون موضوع فى منتدى محترم كل اثنين بيدخلوا يردوا على بعض و اساليب الكلام مش مقبوله اساسا من معظم الاعضاء شكرا لكل من رد بأحترام و انا اسف مره تانيه انى فتحته بس و الله مكنتش متصور انه ممكن يوصل للدرجه ديه

و ارجوا من الاداره اغلاق الموضوع.

و السلام عليكم

**tmz9111** · 31-12-2008 06:54 PM

ربنا يحفظك من كل شر

**ouba2** · 31-12-2008 07:12 PM

استهدو بالله يا جماعة
هو الموضوع قلب خنائة لية؟؟

**mo7a_mo7a** · 31-12-2008 07:39 PM

كان في مرة شاب برئ اسمه عمرو عمره ما غوي العربيات ولا حبها يمكن لانه شاب من اسرة فقيرة جدا لكنه حب بنت اغني منه بكتيييييييييييييييير واجتهد وذاكر وطلع من الاوائل في الكلية واتقد لاهلها واترفض
مياسش وصبر لحد ما اتعين معيد في كليته واتقدملها تاني وبرضه اترفض
اشتغل كل حاجة علشان يجيب شقة ويكون قد المسؤلية
وفي الوقت ده حبيبته اتكتب كتابها علي واحد عني وبعد سنة كان عمرو ياس ومخنوق وفجاة ... حبيبته ترجع مصر (محصلش نصيب) عمرو عمل المستحيل واستلف واخد قروض لحد ما جاب شقة واتقد (لتالت مرة ) والمرادي اهلها اضطروا يوافقو الولد متدين ومخلص وبيحب البنت وهي كمان واتحدد ميعاد كتب الكتاب قبل عيد الفطر ب 3 ايام (ليلة لقدر في مسجد) عمرو كان طاير من الفرحة وهو رايح شغله (الاضافي بالليل بعد الفطار في رمضان) كان في 2 تانيين طايرين بس مش من الفرح (من علي الارض) لادا وهيونداي بيشدو سوا ومشغولين مشفوش عمرو وهو بيعدي من علي علامات المشاه علي البحر في سيدي جابر (قبل المرحلة النهائية للتوسعة) وهب.... طااااااااااااااااخ انتهي الحلم
ومات عمر ومتكتبش كتابه واهله معيدوش وحبيبته هي كمان تعتبر ماتت من الحزن عليه وابوه فقد ابنه الوحيد

ايه رايك مين الغلطان؟؟؟؟

**mo7a_mo7a** · 31-12-2008 07:47 PM

والسؤال الاهم ايه اللي يساوي انك في يوم من الايام تكون السبب في قتل انسان برئ وهدم حياة اسرة كاملة
وممكن الشخص ده يكون عنده اولاد ويتيتموا بسبب غلطة واحد بيهزر او بيلعب او بيستعرض او مستفز