السيارة شاهين 1300 سى سى ، كاربراتير .
تتاخر فى الدوارة صباحا واحيانا لا تدور إلا (بالزق).بعد ذلك باقى اليوم كل شىءعادى تماما
كشفت على البطارية والدينامو .......كويسين.
غيرت البوجيهات ....والزيت (لئلا تكون لزوجته هى السبب).
هل العيب كهرباء ام ميكانيكا؟............وهل الكربراتير له علاقة بالمشكلة،
أفتح السويتش بدون تدوير زمن بسيط واقفل, كرر العمليه مرتين تلاته, بعد كده دور الماكينه.
كل سنة و انتا طيب الشتاء بدا و ممكن يكون العيب ان البطارية ضعيفة و كل يوم الصبح بتكون مريحة شوية مع البرد و وقفة الليل و بعد ما تدور بتشحن مع الديناموا و تشتغل عادي علشان تتاكد روح لحد يقيس البطارية بس لازم تكون زاقفة بقالها ساعة على الاقل او نور النور العالي لمدة 3 دقائق و قيس
الحوار ده بلاقية فى العربيات القديمة بس
عندى ال131 فيات نفس المشكلة
ربنا يسترها بقى
المشكلة دى كانت عندى - عربية ماروتى 94 - وغيرت البطارية ومتحلتش ثم غيرت طقم الكهربا وبرضه متحلتش بس الموتور كان خفيف وبيطلع دخنة بيضا الصبح وبيعرق زيت فعرضت المشكلة هنا فى المنتدى والباشمهنس سبعاوى قالى ان موضوع الموتور هو السبب فصلحه .. صلحت الموتور (عملت طقم شنبر وجوان وصباب) وفعلا المشكلة اتحلت الحمد لله بعدها ...
ياريت كل واحد بيتكلم عن مشكلة ما ....يقول جميع بيانات السيارة....الكيلومترات وآخر صيانة وكل مايستطيع أن يجمع من بيانات....علشان التشخيص يكون أقرب الى الصحة
اقولك تجربتى يمكن تنفعك حصلت معايا المشكلة دى روحت للميكانيكى قالى عليك وعلى الكهربائى رحتله حل المارش والدينامو وغسلهم وغير الشربون والكتاوت بتاعت الدينامو وغير الاتوماتيك ورغم ان الحاجة اللى فى العربية متعدله دينامو شاهين بس المارش بتاع اللادا المانى قدام بس شغالين كويس وقعدت عنده يوم ومشيت (تعب تانى ....) يومين وعملتها تانى سحبتها ودخلت عمرة كاملة للمحرك وخلصت والمحرك اتعمل بنظافة والحمد الله الميكانيكي محترم (تعب تانى ....) الميكانيكى قالى شوف الاسبراتير غيرته والحمدلله (تعب تانى ....) رحت لكهربائى محترم اول حاجة عملها جاب بطارية عربية تانية وركبها عندى اشتغلت زى الفل بطاريتى طلعت متخزنة مع انها مبقالهاش 8 شهور الله يسامح الراجل صاحب المحل الغير امين اشتريت واحدة كلوريد سائلة 70 امبير واطى من عندواحدمشهور فى المجال ده اشتغلت طلقة والحمدالله (يبقى انت بصيت على البطارية والدينامو بس اتاكد تانى واهم حاجة تكون متأكد من الكهربائى انه شاطر يبقى شوف المارش والاسبراتير وغير طقم كهرباء كوندنسر وابلاتين وبوجيهات) وارجو لعربيتك الشفاء ربنا يهديها ويهدى عربياتنا كلها عربيتى لادا 2105 مو 92 وشكراً .