سيـــارة مــلاكى قريـــش !!!

**shalaby2001** · 20-08-2008 02:58 AM

المشاركة الأصلية كتبت بواسطة hesham_tawfiq

مين قال كده ياباشا !!!!
الكلام دا لو راكب عربيه جيش او لابس زى الجيش
انما اللى فالصوره دى عبيه ملاكى عاديه جدا واكسنت كمان ( مظنش انو طيار حربى !! لمجرد انو حاطط استيكر )شكله واد لاسع ولا بن حد مهم
عموما كتر خيره انو حد حاجه مكان النمر واكيد امين الشرطه ولا العسكرى الجاهل هيفتكروها نمره بجد
فيه عربيات كتير اصلا مبتحطش حاجه مكان النمر واضح ان قانون المرور الجديد فشل قبل ان يبدأ

ان شالله يكون راكب عاجل وبفانله داخلى
طالما من ضباط او جنود القوات المسلحة لا تعامل للشرطه المدنيه معه
اخرها تتطلبلو الشرطه العسكريه وهى واقفه معاه

**Adham** · 20-08-2008 10:50 AM

المشاركة الأصلية كتبت بواسطة hesham_tawfiq

مين قال كده ياباشا !!!!
الكلام دا لو راكب عربيه جيش او لابس زى الجيش
انما اللى فالصوره دى عبيه ملاكى عاديه جدا واكسنت كمان ( مظنش انو طيار حربى !! لمجرد انو حاطط استيكر )شكله واد لاسع ولا بن حد مهم
عموما كتر خيره انو حد حاجه مكان النمر واكيد امين الشرطه ولا العسكرى الجاهل هيفتكروها نمره بجد
فيه عربيات كتير اصلا مبتحطش حاجه مكان النمر واضح ان قانون المرور الجديد فشل قبل ان يبدأ

لا ياباشا

بيطلع الكارنية انة ضابط و بالتالي مش من حق الشرطة انها تجبرة يركن او يطلع الرخص (ماهمش سلطة علية يعني)

الحاجة الوحيدة اللي يعملوها انهم يكتبولة مخالفة (دة لو حاطط نمرة العربية اصلاً) لكن لو شايل النمر و رفض يطلعلك الرخصة مش من حق الشرطة تعملة اي حاجة, يعني حاسيبهم و يمشي و مالهمش عندة حاجة, يجروا بقى يجيبولة الشرطة العسكرية قبل الاشارة ما تفتح

واحد اعرفة لما كان مجند في الجيش كان بيقولي احسن حاجة في فترة تجنيدة انة مابيقفش في لجان و بيعمل اللي هوة عايزة و مالهمش عندة حاجة
طول مافي جيبة كارنية

**hesham_tawfiq** · 20-08-2008 11:18 AM

واضح اذا ان انا اللى فاه الدنيا غلط :-)
وانا اللى كنت فاكر اننا فى بلد لسه فيها بعض من الاحترام والقانون يسرى على الكل
عموما كويس انكو قولتولى عشان لو شفت حد منهم اركن باحترامى لحد مايعدى :-)

**Islam_galal** · 20-08-2008 11:31 AM

مش قوي كده يا جماعه
في المخالفات اللي زي دي بيتحقق من رقم العربية في الرخصة و بيعمل المخالفة أو بيحجز العربية بس مش صاحبها و بيستدعوا الشرطة العسكرية لو الباشا مش عاجبه
المهم انه عادة تقارير الشرطة العسكرية بتبهدل ملف ضابط الجيش فمبيحاولش يعمل مشاكل قدر الإمكان
و ده طبعا عكس الشرطة اللي الرقابه عليها ضعيفه و عن عمد

**ENG\AHMED** · 20-08-2008 02:49 PM

المشاركة الأصلية كتبت بواسطة Islam_galal

مش قوي كده يا جماعه
في المخالفات اللي زي دي بيتحقق من رقم العربية في الرخصة و بيعمل المخالفة أو بيحجز العربية بس مش صاحبها و بيستدعوا الشرطة العسكرية لو الباشا مش عاجبه
المهم انه عادة تقارير الشرطة العسكرية بتبهدل ملف ضابط الجيش فمبيحاولش يعمل مشاكل قدر الإمكان
و ده طبعا عكس الشرطة اللي الرقابه عليها ضعيفه و عن عمد

ولا حتى يحجز العربية اخرة ممكن يشوف الرخصة , فى اصلا تعليمات لضباط الشرطة للتعامل مع ضباط الجيش كان ورقة مليانة ممنوع ممنوع ....
وتقارير الشرطة العسكرية مش للدرجة اللى انت متخيلها وبالذات لو الاحتكاك مع الشرطة المدنية بيكوسوا الموضوع وبيعدى , ممكن اللى بتقول علية لو عسكرى ولا ضابط صغير وعامل مصيبة كبيرة
ضباط الشرطة بينهم وبين بعض بيبهدلو بعض انما مع ضابط الجيش لو احتك معاة بيبقى بحذر وبيحاول المشكلة متكبرش لأنها لو وصلت للشرطة العسكرية الموضوع هيكبر وضابط الشرطة هيتئذى

**Adham** · 20-08-2008 03:19 PM

الشرطة العسكرية بتكوس لضابط الجيش و عمرها ماتطلعه غلطان قدام ضابط شرطة (بوليس) , الشرطة العسكرية جيش في الأساس( منهم و عليهم يعني)

**Islam_galal** · 20-08-2008 03:32 PM

تقرير الشرطة العسكرية بيبقي سري
في كل الأحوال علي العلن الشرطة العسكرية بتحمي رجل الجيش
إنما داخل الجيش البهدلة بتبقي جامدة و سرية

**bee** · 23-08-2008 01:20 PM

الموضوع ببساطة ان الي في الجيش فعلا مفيش سلطة عليه من الشرطة
مع ان الطبيعي ان من حق اي رجل مرور .. حلوة رجل دي ؟؟ :) انه يشوف رخصه حتى لو هو مين ..
لكن طبعا الي بيحصل غير كده خالص .. محدش بيقدر يتكلم معاهم
وطبعا كل الكلام الي فات ده بتكلم عن ظابط الجيش
مش طيااااااار حربي وما أدراك بدول كام واحد في السنة ومصروف عليهم كام
تقريبا لو حد كلمه هيروح ورا الشمس

باختصار
بلد كوسة

**bee** · 10-10-2008 02:50 PM

ودي واحده كمان
ويا ريت الي عنده صور من النوع ده يحطها هنا عشان نعمل البوم ظريف :cute:

**MoDyBeNz2008** · 16-10-2008 04:52 PM

ودي واحده كمان
ويا ريت الي عنده صور من النوع ده يحطها هنا عشان نعمل البوم ظريف :cute:

number fen el sora

الموضوع: سيـــارة مــلاكى قريـــش !!!

LinkBack

أدوات الموضوع

عرض

-

-

-

المواضيع المتشابهه

Spyker ... سيـــارة هولندية قد نراها قريبا فى مصــر !

إستفســـار عن إســـتلام سيـــارة

الكلمات الدلالية لهذا الموضوع

المفضلات

المفضلات

ضوابط المشاركة