حد يقولي دي هتاخد نمر جديدة إيه ؟؟
مش مهزلة دي ؟؟
هي قريش تبع محافظة ايه ؟؟
http://www.postimage.org/gx2HNzvi.jpg
عرض للطباعة
حد يقولي دي هتاخد نمر جديدة إيه ؟؟
مش مهزلة دي ؟؟
هي قريش تبع محافظة ايه ؟؟
http://www.postimage.org/gx2HNzvi.jpg
ديه تبع مرور الربع الخالي :)
هو سؤال لو في حاجه غلط حد يقول بس انا بجد مش عارف
مش قريش دي كانت بتاعت الكفار هيا نزلت علي الخريطه من امتي و لا صاحب العربيه بيهزر .......................؟
دي هتاخد ملاكي شبه الجزيرة العربية
قبيلة او لهب واعوانه
علي فكره كان في واحد بنوبيرا والكلام ده تقريبا من 4 او 5 سنين وكان حاطط نفس الكلمه ملاكي قريش مع العلم ان والده لواء شرطه كبير ومساعد وزير كمان
وانا كنت اليوم ده في اللجنه اللي هو كان معدي عليها كنت قاعد مع ظابط هناك بخلصله مصلحه
المهم كان السيد اللواء \ أسماعيل الشاعر (مدير الأمن) موجود في اللجنه دي وتم ضبط هذا الشاب وتم حجز السياره والقبض علي الشاب ولحد انهارده العربيه موجوده في حجز اسمه (معروف) **معروف ده اسم الشارع مش صفه** اللي في شارع شمبليون لو حد يعرفه
نفس الحوار ده كان من فترة فى الجرايد
كمين عند المعادى تقريبا او حلوان مش فاكر
مسكوا السواق و معهوش حتى بطاقة و لا كارنيه تأمين صحى :)
و كالعادة الجرنان كتب انه كان فى حالة مش طبيعية و بعتوه العباسبة للكشف على قواه العقلية
قريش دة كفر تبع محافظة البحيرة وانت داخل على اليمين
ايه يا جدعان دي عربيه ابو لهب السكره و كان سهران عند ابو العربي
خدوا النكته دي
كل ليله بعد اما ابو العربي يخلص شغل يلم اصحابه و يقعد يشتغلهم و مره طلعت في دماغه انه يقول انه كان سهران مع ابو لهب و ابو جهل و اتفق مع محمد الي شغال عنده انه يأكد الكلام الي بيقوله و اداله 100 جنيه
المهم الليل جه و بعدين اصحابه جم و قال تصدقوا انا كنت سهران مع ابو لهب و ابو جهل
قالولوا يا ابو العربي انت بتفشر و بتشتغلنا ازااااااي هات حد يأكد الكلام
محمد مش بيحب يكزب و علشان كده فكر في حاجه يخرج بيها من القصه دي علشان مايكسفش ابو العربي لانه مديله 100 جنيه
محمد قال و الله انا ماكنتش قاعد معاهم بس و انا نازل لقيت عربيه عليها ملاكي قريش
مسيره يقع ... وبكره افكركم .... ج يلاقي واحد ظابط مرور من وحدة مرور جرهم ..... وساعتها ح يحجزو العربية في قسم ثقيف
بس كتر خيرة يعنى , الراجل مسبهاش فاضية
ضابط الجيش لا تسري علية قوة ضبطية الشرطة
ليهم الشرطة العسكرية
مين قال كده ياباشا !!!!
الكلام دا لو راكب عربيه جيش او لابس زى الجيش
انما اللى فالصوره دى عبيه ملاكى عاديه جدا واكسنت كمان ( مظنش انو طيار حربى !! لمجرد انو حاطط استيكر )شكله واد لاسع ولا بن حد مهم
عموما كتر خيره انو حد حاجه مكان النمر واكيد امين الشرطه ولا العسكرى الجاهل هيفتكروها نمره بجد
فيه عربيات كتير اصلا مبتحطش حاجه مكان النمر واضح ان قانون المرور الجديد فشل قبل ان يبدأ
معتقدش انو ابن حد مهم لانو راكب اكسنت قديمة
دا شكلة واحد ظابط ولا واحد (... ولا حاجة):sifone: ... بس حب يستظرف على اهلنا قام عامل كدا الحركة الظريفة اوى دى
الشرطة المدنية ملهاش اى سلطة على ظابط الجيش حتى لو راكب اية او بيعمل اية ولا يقدر يقربلة , اقصى طموحاتة معاة انة يوقفة ويكلم الشرطة العسكرية
ولو ظابط الجيش عمل جريمة قتل او اى حاجة برضة ميحققش معاة اللا ظابط شرطة بنفس رتبتة مع وجود ظابط شرطة عسكرية فى كل التحقيقات
لا ياباشا
بيطلع الكارنية انة ضابط و بالتالي مش من حق الشرطة انها تجبرة يركن او يطلع الرخص (ماهمش سلطة علية يعني)
الحاجة الوحيدة اللي يعملوها انهم يكتبولة مخالفة (دة لو حاطط نمرة العربية اصلاً) لكن لو شايل النمر و رفض يطلعلك الرخصة مش من حق الشرطة تعملة اي حاجة, يعني حاسيبهم و يمشي و مالهمش عندة حاجة, يجروا بقى يجيبولة الشرطة العسكرية قبل الاشارة ما تفتح
واحد اعرفة لما كان مجند في الجيش كان بيقولي احسن حاجة في فترة تجنيدة انة مابيقفش في لجان و بيعمل اللي هوة عايزة و مالهمش عندة حاجة
طول مافي جيبة كارنية
واضح اذا ان انا اللى فاه الدنيا غلط :-)
وانا اللى كنت فاكر اننا فى بلد لسه فيها بعض من الاحترام والقانون يسرى على الكل
عموما كويس انكو قولتولى عشان لو شفت حد منهم اركن باحترامى لحد مايعدى :-)
مش قوي كده يا جماعه
في المخالفات اللي زي دي بيتحقق من رقم العربية في الرخصة و بيعمل المخالفة أو بيحجز العربية بس مش صاحبها و بيستدعوا الشرطة العسكرية لو الباشا مش عاجبه
المهم انه عادة تقارير الشرطة العسكرية بتبهدل ملف ضابط الجيش فمبيحاولش يعمل مشاكل قدر الإمكان
و ده طبعا عكس الشرطة اللي الرقابه عليها ضعيفه و عن عمد
ولا حتى يحجز العربية اخرة ممكن يشوف الرخصة , فى اصلا تعليمات لضباط الشرطة للتعامل مع ضباط الجيش كان ورقة مليانة ممنوع ممنوع ....
وتقارير الشرطة العسكرية مش للدرجة اللى انت متخيلها وبالذات لو الاحتكاك مع الشرطة المدنية بيكوسوا الموضوع وبيعدى , ممكن اللى بتقول علية لو عسكرى ولا ضابط صغير وعامل مصيبة كبيرة
ضباط الشرطة بينهم وبين بعض بيبهدلو بعض انما مع ضابط الجيش لو احتك معاة بيبقى بحذر وبيحاول المشكلة متكبرش لأنها لو وصلت للشرطة العسكرية الموضوع هيكبر وضابط الشرطة هيتئذى
الشرطة العسكرية بتكوس لضابط الجيش و عمرها ماتطلعه غلطان قدام ضابط شرطة (بوليس) , الشرطة العسكرية جيش في الأساس( منهم و عليهم يعني)
تقرير الشرطة العسكرية بيبقي سري
في كل الأحوال علي العلن الشرطة العسكرية بتحمي رجل الجيش
إنما داخل الجيش البهدلة بتبقي جامدة و سرية
الموضوع ببساطة ان الي في الجيش فعلا مفيش سلطة عليه من الشرطة
مع ان الطبيعي ان من حق اي رجل مرور .. حلوة رجل دي ؟؟ :) انه يشوف رخصه حتى لو هو مين ..
لكن طبعا الي بيحصل غير كده خالص .. محدش بيقدر يتكلم معاهم
وطبعا كل الكلام الي فات ده بتكلم عن ظابط الجيش
مش طيااااااار حربي وما أدراك بدول كام واحد في السنة ومصروف عليهم كام
تقريبا لو حد كلمه هيروح ورا الشمس
باختصار
بلد كوسة
ودي واحده كمان
ويا ريت الي عنده صور من النوع ده يحطها هنا عشان نعمل البوم ظريف :cute:
http://www.arb-up.com/files/arb-up-2008-6/jlg39381.jpg
number fen el soraاقتباس:
ودي واحده كمان
ويا ريت الي عنده صور من النوع ده يحطها هنا عشان نعمل البوم ظريف :cute:
شعب همجي وفاكرين كدا شطاره يعني
و أدي واحد كمان منهم
http://www.postimage.org/aV1t0XTA.jpg
عادى ...... انت فى مصر
يبقى انت اكيد في مصر
عماااااااار يامصر
لو طيار حربي محدش هيعمله حاجه
الا بقى لو لوا كبير جدا واقف وبرضو مش هيعمل حاجه هيطلب الشرطه العسكريه وهما يتصرفوا
من الاخر الي يعرف يعمل حاجه يعملها
ممكن ملازم ابوه لواء يخرف تحت حمايه اللواء ممكن ملازم ملوش ضهر فجاه يلاقي نفسه في الشارع
اكيد مرور صقر قريش بالمعادى
هما الكفار رجعوا تانى ولا ايه