Byd F5 و E6 : سيارات جديدة لعام 2009 - 2010

**CryptonX** · 30-12-2008 02:57 PM

BYD او " Build Your Dreams "

تعتزم طرح موديلين جداد في عام 2009 و 2010 بالاضافة الي الموديل الكهربائي ال F3DM و ال F6DM .

الموديل الاول و هو BYD F5 :

و هو الموديل البديل لF3 مع الاحتفاظ بالF3 في الاسواق ( علشان حتكون ارخص )

و طبعا من البديهي طلاما تويوتا عملت كورولا جديدة ... لازم BYD وراها علطول بF جديدة .

المهم انها حتكون ارخص النصف تقريبا و حينزل المحرك الشهير بتاع ميستوبيشي و محرك اخر جديد 1800 سي سي و حتتبها نسخة " هجينة " مثل ال F3 .

--

السيارة الثانية و هي ال E6 :

و هي اول محاولة من BYD في سوق الMPV و طبعا غرام الشركة بالسيارات اليابانية لم ينتهي و تاتي الE6 و المرة دي الضحية هي هوندا اوديسا

--

الجدير بالذكر ان الشركة ( الناجحة نسبيا في الصين ) تنفي اي ادعائات انها استوحت تصميمتها من تويوتا و هوندا ( راجع ال F3 و ال F0 و ال F6 و ال F8 )

و تصمم علي ان التصميمات من واقع مركز ابحاثها الخاص !!

ايضا جدير بالذكر ان غالبا نقل شكل سيارة مثل الكورولا بنصف سعرها له مزيج سحري في السوق الصيني حيث ان ال F3 - سادس سيارة في المبيعات لعام 2008 في الصين .

وتتوقع الشركة اضافة الي هذه المبيعات بالموديل الهجين .

بالتوفيق للشركة مع اني مازلت مش فاهم ليه السرقة ؟ ؟

**mody_halawa** · 31-12-2008 01:31 AM

لا تمام ظهرت بس دى كلها صور تجريبية لسة

**hitsh88** · 01-01-2009 12:45 PM

و ايه يعنى انها شبهم
على الاقل رجالة بيشتغلوا و يصنعوا و يطورو من نفسهم مش قاعدين يجمعوا فى 128 موديل 2008 !!!!
قبل ما تنتقد ناس تانية شوف بلدنا الاول !!!

**CryptonX** · 01-01-2009 01:11 PM

المشاركة الأصلية كتبت بواسطة hitsh88

و ايه يعنى انها شبهم
على الاقل رجالة بيشتغلوا و يصنعوا و يطورو من نفسهم مش قاعدين يجمعوا فى 128 موديل 2008 !!!!

قبل ما تنتقد ناس تانية شوف بلدنا الاول !!!

ايه يعني لما يقلد = ايه يعني لما يسرق = ايه يعني لما يقتل = ايه يعني لما ننهب ... كلها نفس السلسلة

**SAMER_ENGINES** · 19-01-2009 06:13 PM

كويس انهم بيشتغلوا و بيسرقوا هنا بنسرق و مش بنشتغل.....
مع أني نهضتنا الصناعية بدأت مع الصين و اليابان و دول جنوب شرق آسيا بس شوف هما وصلوا لفين و أحنا وصلنا لفين!!!!!!!!

المشاركة الأصلية كتبت بواسطة hanyelwaly2010

انا شوفت العربيه دي عند توكيل الامل روكسي امباريح
و الراجل ألي دي للعرض فقط

علا فكره انا عايز ابيع الافيو و اجيب byd
ايه رايكو و لا بلاش

و بالنسبة لموضوع بيع الأفيو و شراء الـ BYD أنا شخصيا لا أفضل هذا مع إحترامي للـ BYD و ملاكها بس أنت راكب أفيو يعني شيفروليه موتور دايو يعني عربية نتاج لإندماج شركتين من اكبر الشركات في العالم (دايو + شيفروليه) تبيعها يا راجل و تركب BYD!!
و طبعا الرأي الاول و الأخير ليك بس انا حبيت أقول رأيي.

**moh_code** · 19-01-2009 09:19 PM

يا إخوانى الصينيين دول ناس شغالة وبتفكر كويس وبطور نفسها وبتنافس أعظم الشركات العالمية وكلة على قد فلوسة .
مش كدة ولا إيه
ياريت قبل ما نكلم عليهم نبقى 1/100 منهم ونحاول نبتكر ونشتغل زيهم دا كل واحد منهم بيشتغل فى اليوم ما لا يقل من 10 : 14 ساعة مش زينا 20 دقيقة فقط واللى شغال يادوب ساعتين يخلص شغلة بسرعة علشان يزوغ - وفى الآخر نقول لك الله يامصر

**hanyelwaly2010** · 21-01-2009 02:58 PM

شكرا يا سمير علي ردك
طيب ما الصين مش بتقلد بس دي عملت 3 موديلات اسبيرانزا كسروا الدنيه في مصر و كانوا صناعه و شكل صيني لاقي اعجاب الناس اما ال بي واي دي هيا ألي بتحاكي نماذج يابانيه