+10000000000000000
السلام عليكم
بدون أنحياز لأحد …...... و أنا لست مع أحد أو ضد أحد بشخصه
و لكني هُنا أساند و بقوة رأي أخي المهندس سبعاوي حيث أن ما قاله في هذه المداخلة صحيح
أولا بالنسبة للشباب اللي بيركب عربيات أهله و متعبش في الفلوس اللي أهله أشتروه بيها العربية أغلبهم ….......... متهور و مش بيحترم الطريق و لا العربية اللي أهله تعبه في ثمنها .
و القاهرة للآسف هي الأسوء على الاطلاق في هذا الموضوع نظرا للزحام الشديد و اللي بيزيد الطين بلة هو حركات بتوع الميكروباص آسف الميكروباظ …...... و التاكسي …....... و الشباب أيا يكن تعب أو ما متعبش في ثمن العربية .
فلما واحد قليل الأدب ماشي عمال يعمل غرز …......... و نبقى ماشيين على كوبري ستة أكتوبر على سبيل المثال و الدنيا أصلا واقفة …...... و تلاقي عيل شايف نفسه و ضارب شعره جيل …... و عمال يحشر العربية ما بين العربيات و هاتك يا زمامير .
طيب أنا من 4 أيام راجع من طريق السويس ووصل لغاية بعد الرحاب
و أدامي أتوبيس نقل عام القاهرة .
و بجانبي سيارة نقل في الحارة اليسرى ,.
و يشاء القدر أن فيه واد شنكوتي …......... ماشي ورايا أنا …....... و عمال يقلبلي في نور
طيب قولي …...... أروح فين ؟؟؟؟؟؟؟؟؟
لما أنا أدامي أوتوبيس و بجانبي سيارة نقل !!!!!!!!!!!!!!
دي عيال غير مسئولة …...... لأنها ببساطة …........ مش تعبانة في حاجة و بتأكل في آته محلولة .
البني آدم اللي بيتعب في الشئ علشان يشتريه بيعرف قيمته كويس .
و العكس صحيح .
و الأخوة اللي من خارج القاهرة ….... زي أخي الكريم MEMES مش بيعانوا المعاناه اللي أحنا بنعانيها في القاهرة بسبب بعض الكائنات الغريبة زي سواقين الميكروباظ و الشباب الشبيح و التاكسي …........ معاناه فظيعة و تضييع وقت بدون أي داعي غير أن كل واحد فاكر أنه أنصح أخواته و لما يمشي يعمل غرز هايوصل أسرع …....... بس العكس بيحصل
الطرق بتقف …....... و الدنيا بتبقى قمة البطئ في الحركة و كل ده ليه ؟؟
علشان كل واحد عامل مستعجل …...... و كل واحد عنده حجة
اللي خرج من بيتهم متأخر على الشغل
و اللي مش عارف مين أتصل به و قاله ألحقني مش عارف أنا فيه مزنوق فيه أيه ؟
و اللي مش عارف بيسابق واحد تاني و عاملاين هما الأثنين غرز في وسط العربيات !!
يعني اللي أيده في المياة مش زي اللي أيده في النار