السلام عليكم يا كل من فى المنتددى الشيق الجميل زأفيدونى لو سمحتم معى مبلغ حوالى 80000 عايز اشترى عربيه تكون محترمه وكويسه وفى نفس الوقت مش عارف اشترى دلوقتى ولا استنى
عرض للطباعة
السلام عليكم يا كل من فى المنتددى الشيق الجميل زأفيدونى لو سمحتم معى مبلغ حوالى 80000 عايز اشترى عربيه تكون محترمه وكويسه وفى نفس الوقت مش عارف اشترى دلوقتى ولا استنى
لا طبعا استنى بس ممكن لو انت مستعجل هات بروتون جين 2 جديدة
بجد الكل محتار بس انا معنديش امل كبير ان العربيات حترخص جامد اصل على ما يرضو و يحسو على دمهم حتكون الازمه الاقتصادية عدت فى العالم .
بس انت مقلتش ايه استيل العربية اللى انت عايزة , هاتش باك, سبورت و لا عائلية كده يعنى و المساحة الداخلية اهميتها ايه عندك؟؟
البلد دى مفيش حاجه بترخص فيها غير الانسان فريح نفسك واشترى وتوكل على الله
جين تو او افيو او فيرنا او لانوس حسب اختيارك
الاسعار هتنزل بعد شهر 1
دلوقتي الحاجة غالية عشان لسة اللي في المخازن ما اتباعش و التاجر لايمكن يبيعها بخسارة
سياسة ان الحاجة تعفن في المخازن احسن من انة يبيعها بمليم واحد خسارة
فانت اصبر شوية
و لو مستعجل اوي هات بروتون برسونا عشان العربية دة بصراحة تحفة و اعتقد ان مشاكل الجين 2 اتحلت فيها
نصيحتي لحضرتك تشتري بعد شهر 2 على الأقل وعموماً دي فلوسك وأنت حر فيها ومتنساش أن حضرتك ممكن بعد ما تشتري العربيات سعرها ينزل وترجع تندم على فلوسك اللي راحت هدر وعموما الناس اللي بتقول أنهم خايفين الأزمة تعدي قبل ما الأسعار تنخفض يطمئنوا لأن على أقل تقدير وفي أحسن وأكثر الأحوال تفاؤلاً الأزمة مستمرة على مدار 2009 واللي عايز يشتري هو حر معدناش نوجع قلبنا ونقول بلاش وأستنوا وكله في مصلحتكم أولاً وآخراً .
لو مستعجل اوى خلاص يبقى اشترى و لكن الافضل تستنى شهر او شهرين عشان تثبت الرؤية لان كل المؤشرات تتجة الى اسفل بالنسبة لاسعار السيارات
كل حاجة رايحة لتحت في 2009 وده مش بمزاج التجار ده هيبقى غصب عنهم ... بس في الاخر كل واحد عارف احتياجاته وحر في فلوسه :mahf(5):
اصبر شويه
وان شاء الله الاسعار هتنزل كما نتمنى
الصبررررررررررررررررررررر رررررررر
يا جدعان اللى يتكلم يتكلم بدليل
يعنى اللى بيقول هترخص دا بيقولها على اساس ايه؟
العربيات مرمية فى المخازن و اخر اللى هيحصل تخفيضات على موديلات 2008 لانها تعتبر موديل السنة اللى فاتت يعنى اللى بيشتريها يعتبر خسر سنه
دى اللى وش هترخص جامد!
انما 2009 مش حاسس انها هتنزل!التوكيل هينزل ليه؟؟ هيخسر ايه يعنى لما يستنى لشهر 6 زى ما انتو هتستنوا لعل و عسى الاسعار تهبط!
ماهو لو استنى لشهر 6 مش هيخسر حاجة (الكلام دا على التوكيلات الكبيرة الماسكة نفسها)
اللى ممكن نأمل انو ينزل اللتجار التعبانين او اللى ش ماسكين نفسهم جامد! ممكن ينزل عشان يسدد اللى عليه من قروض و الذى منه!
ومع كدا مش متفائل بتخفيضات جامده نهائيا
ربنا يسهل!
هانت خلاص كل حاجة هتظهر
القاهرة - محرر مصراوي - أوصت الشعبة العامة للسيارات بالاتحاد العام للغرف التجارية وكلاء وموزعي وتجار السيارات بعدم الاحتفاظ بمخزون كبير لديهم وسرعة التصرف في المخزون الحالي الذي سيؤدي حتماً إلى خسائر كبيرة -لو استمر موجوداً لديهم - حيث من المتوقع انخفاض أسعار السيارات بسبب الأزمة المالية العالمية.
ومن المتوقع أن شركات ومصانع السيارات العالمية سوف تطرح كميات كبيرة من إنتاجها في الأسواق بأسعار أقل بكثير من الأسعار الحالية لمواجهة حالة الركود التي خلفتها الأزمة، حسبماذ كرت وكالة أنباء الشرق الأوسط .
جاء ذلك خلال اجتماع الشعبة برئاسة السيد حسن سليمان رئيس الشعبة حيث تم بحث أثر الأزمة المالية العالمية على صناعة وتجارة السيارات في مصر، وترقب دخول أول سيارة مغربية إلى مصر قريباً.
وحذرت الشعبة من تعرض سوق السيارات خلال المرحلة المقبلة مما اسمته "حرق البضاعة" للتخلص من المخزون الذي يعتبر راكداً إذا طرحت الشركات والمصانع العالمية المخزون لديها بأسعار أكثر انخفاضاً، خاصة وأن أسعار البترول انخفضت بنحو 50 % مما يؤثر على باقي الصناعات ومن بينها السيارات لأن الاقتصاد العالمي أصبح "منظومة واحدة".
وقالت أنه بالنسبة للموديلات الجديدة لعام 2009 فقد بدأ طرحها بالفعل فهذه الموديلات تم فتح الأذون الاستيرادية لها منذ ثلاثة أو أربعة أشهر .
وصرح سليمان بأن الأسعار لن تنخفض مرة واحدة بل سوف تنخفض تدريجياً وخلال الشهور القليلة القادمة سوف يشعر المستهلك بهذا الانخفاض مع تزايد معدلات الركود الاقتصادي العالمي لأن تصريف المخزون الكبير لدى مصانع السيارات يقابلة تأثير في الجمارك والمبيعات والضرائب، وذلك شأن أي منتج آخر وسوف يتأثر السوق المصري لأننا سوق مفتوحة.
إذا انخفض السعر عالمياً فإنه سوف ينخفض بالضرورة في السوق المصري لأن أي مستورد يمكنه الشراء بالأسعار المنخفضة وينزل بها السوق وينافس.
رينو لوجان.. أول سيارة مغربية تدخل مصر قريباً
وأوضح السيد حسن سليمان بأن الشعبة ناقشت خلال الاجتماع كذلك السيارة "رينو لوجان" التي يتم تصنيعها في المغرب الشقيق ، وسوف تدخل السوق المصري قريباً بموجب اتفاقية اغادير (بين مصر والمغرب وتونس والأردن) التي تسمح بدخول أي منتج بين الدول الأربعة بدون جمارك بشرط أن يكون 40 % على الأقل من مكونه وطني المنشأ.
وطالب أعضاء الشعبة بأن تعامل دول الاتحاد الأوروبي مصر نفس معاملة المغرب التي تتمتع بالحصول على أي منتج ومن بين ذلك الصناعات المغذية للسيارات بدون جمارك ولها الحق في أن تحولها إلى "مغربية المنشأ".
وهكذا يمكن للمغرب أن يتجمع لديها أكثر من 40 % من مكونات السيارة مما يسمح لها بتصديرها إلى دول "اغادير" ومن بينها مصر.
يذكر أن السيارة "لوجان" كان يطلق عليها "داتشا" وكانت تنتجها رومانيا واشترتها شركة رينو الفرنسية وغيرت اسمها إلى "رينو لوجان" ومنحت المغرب تصريحاً بتصنيعها.
وطالب أعضاء الشعبة بتشكيل لجنة من كل الشعب واللجان المعنية بصناعة وتجارة السيارات في الغرف التجارية والصناعية تكون قراراته ملزمة للمنتجين والتجار وتكون بمثابة حلقة وصل مع الجهات الرسمية ولاسيما جهاز حماية المستهلك وتتولى حل جميع مشاكل التجار والصناع مع المستهلكين دون حاجة إلى اللجوء إلى القضاء أو تعرض أي منتج أو تاجر للعقوبة أو الحبس