الموضوع: ليه يا جماعة مكتوب فى الجرايد كلام و الحقيقة كلام تانى خلاص

تمام زى مالاستاذ معاذ قال بالظبط
هو بنك ناصر مبيبعش عربيات لكن متعاقد مع معارض كتير وتوكيلات علشان يقسطوزا من خلاله زيه زى اى بنك يعنى
المهم انت ممكن تروح اى فرع لبنك ناصر وتسال على السعر حيبقى كام
مع انك ممكن تحسبها بسهولة يعنى لو تمن العربية مثلا 60 الف جنيه حتدفع منهم 25 الف يبقى حتقسط 45الف ن

شوف ال 45الف دول فى 42% (اللى هم 6% فى سبع سنين) = حوالى 19 الف
19 الف + 45 ألف = 64
64/84 شهر = 760 جنيه تقريبا
طبعا بيبقى فى مصاريف ادارية وطبعا انا مش عارف تمن عربيتك بالظبط كام بس يعنى ده تقريبيا
برده لو عايز تسال بنفسك ممكن تروح بنك ناصر وده فروعه فى وسط البلد شارع قصر النيل بعد البنك المركزى او فى الكوربة جنب الشهر العقارى اللى هنا او فى شبرا قدام محطة المترو علطول وطبعا الدليل ممكن يدلك بالظبط على عنوانهم

او بسهولة فى كل الجرايد حتلاقى ناس منزلة اعلانات تقسيط على 84 شهر دى بتاعة بنك ناصر اتصل بيهم فى التليفون وسالهم لو حتدفع 25 الف يبقى القسط كام (بس خلى بالك علشان حيحاولوا يزهقوك من بنك ناصر ويخلوك تروح بنك تانى لانه بيقرفهم على ما يخدوا فلوسهم)

روح البنك ومش حتخسر حاجة وسيب صورة بطاقتك علشان يعملوا استعلام عنها (وده بدون اى التزام منك) واعرف كل التفاصيل عجبتك كان بها معجبتكش مخسرتش حاجة
هما بس حيقرفوك فى حكاية الضمانات والكلام ده

لا القرف مش فى التسليم خالص لانك بتستلم من المعرض مش من البنك يعنى بمجرد متاخد الورقة من البنك ممكن تستلم فى نفس اللحظة من المعرض وعامة اجراءات البنك بتاخد عشرة ايام كله على بعضه

لكن البنك مقرف فى طلباته يعنى عايز ضامن ويجيب ورق من شغله انه موافق على تحويل المرتب فى حالة تخلفك على السداد وصاحب العربية نفسه بيحول مرتبه او قسطه على البنك
فالكلام ده هو اللى متعب فى الموضوع لكن مجرد مورقك يكمل وجايب معاك عرض اسعار من اى معرض متعاقد مع بنك ناصر حتاخد ورقة الموافقة وانت قاعد وتستلم فى نفس اليوم