ممكن يا جماعة حد يكون عندة اى موديل من اوبل الجديدة يقوللى ازاى فتيس الايزى ترونيك بيستغل بالتفصيل الممل لانى بصراحة معجب ب gtc وهل هيا احسن ولا mini copper اتوماتيك العادية مش التربو.....ولكم جزيل الشكر
عرض للطباعة
ممكن يا جماعة حد يكون عندة اى موديل من اوبل الجديدة يقوللى ازاى فتيس الايزى ترونيك بيستغل بالتفصيل الممل لانى بصراحة معجب ب gtc وهل هيا احسن ولا mini copper اتوماتيك العادية مش التربو.....ولكم جزيل الشكر
انت دلوقتي في موضوع كبير قوي..
لو هتقارن اكيد هاقولك الميني كوبر اشد ..
اشد في ايه؟ ف الشكل و البرستيج.. و الكواليتي
بس ميزة الاسترا حاجة.. قطع غيار اكيد ارخص.. توكيل كويس الي حد كبير..
(انا مش عارف مين التوكيل بتاع ميني في مصر)
لكن هل العربية الميني اللي هتجيبها بسعر الاسترا هيكون فيها نفس الكماليات..؟؟ لو كده يبقي اكيد الميني..
لكن لو كماليات اقل. يبقي الاسترا
كل الكلام ده و مجيبتش سيرة الفتيس الايزي ترونيك..
لو حبيت نوضح انا تحت امرك..
انا مش من ملاك الايزى ترونيك و لكن عندى معلومات عنه و جربته و هقولك الى اعرفه.
الايزى ترونيك ده فتيس مانيوال و مش اوتوماتيك و دى اهم حاجه لازم تعرفها لان على اساسها هتسوق العربيه بمعنى ان الفتيس ده ميكانيكيا بيتكون من تروس زى المانيوال بالظبط و فيه دبرياج بس الفرق بينه و بين المانيوال العادى ان العادى انت الى بتدوس دبرياج عشان تنقل هو لأ العربيه فيها كمبيوتر بيتحكم فى الدبرياج يعنى هو الى بيدوس دبرياج .
فى المانيوال لما بتيجى تنقل بتشيل رجلك من على البنزين صح ؟ لو مشيلتش رجلك هتلاقى العربيه نتشت منك او نطت صح؟ هو ده الى بيحصل فى الايزى ترونيك لو مخفيتش رجلك و هى بتنقل .
يعنى المطلوب منك ان العربيه لما تيجى تنقل انك تخف رجلك من على البنزين هتلاقى العربيه نقلت اكنها مانيوال بالظبط و الى انت عملته فايدته ان العربيه لما داست دبرياج انت خفيت من على البنزين عشان متنتش منك .
انا لما جربت العربيه جربت على الوضعين يعنى خليتها تنقل بدون مشيل رجلى من على البنزين لقيتها نتشت منى اكنها مانيوال و انا نقلت بدون مشيل بنزين . جربت انى خف رجلى من على البنزين لقيتها كويسه و مفيش مشاكل بس فى حاجه هى برضه بتحس بالنقله انما مش نتشه يعنى العربيه سحبها بيقف للحظات على متنقل و دى مش بتكون محسوسه اوى يعنى من الاخر متتعاملش معاه على انه اوتوماتيك .
السؤال بقى هتعرف ازاى ان العربيه هتنقل عشان تشيل رجلك ؟؟؟؟؟؟ دى بقى بالتعود يعنى كام مره كده و هتحفظ العربيه بتاعك و كمان انت مثلا لو دايس بنزين و عايز تنقل خف رجلك سنه هتلاقيها نقل (و دى فى الاوتوماتيك العادى كمان).و العكس لو عايزها تاخد غيار عكسى هتدوس جامد هتلاقيها نقلت غيار عكسى .
فى رأيى ان الفتيس ده ممتع جدا فى سواقته .
فايدته انه موفر فى البنزين +صيانه اسهل من الاوتوماتيك +سحب افضل (اانا كنت بشد مع فيكترا الجديده بعربيتى الاسترا الى المفروض انها اصغر من الفيكترا و تجرى عنها بصرااحه بهدلنى و معرفتش اجيبه الا على ال 140 لانه مزودش عن كده).
لو عايز تجرب ممكن تروح منصور و تجربها بشكل ودى زى منا عملت و جربتها جوا التوكيل (فرع اسكندريه الصحراوى).
بالنسبه بقى لمقارنتها بالمينى فاعتقد ان المينى تكسب بس انا معرفش كماليات المينى ايه انما اعرف انها اغلى منها بكتيييييييييييير لان الاسترا ب 169 و المينى على ما اذكر 350 او حاجه زى كده.
لو عايز كماليات الاسترا بالتفصيل قولى و انا اقولهالك .
ارجو انى اكون افدتك و استنى برده رد ملاك الايزى ترونيك و باقى الاعضاء .
فى ملاحظه اخيره و هى ان احنا مش بنحب الحاجه الجديده و بنخاف منها عشان كده بنطلع اشاعات على الايزى ترونيك الدليل ان الفتيس سليم انه نازل فى الاسترا برا من 2004 باين و لسه موجود برا لحد دلوقتى +ان الاسترا دى سنه 2006 باعت فى روسيا 7000 عربيه فى 2007 باعت 21000 عربيه يعنى الفتيس حلو و مفيهوش مشاكل .
انا افضل الميني كوبر
تسلم ايدك يا باشا..
احب ازود فوق كلامك الجميل ده..
ان الفتيس ده موجود ف الكورسا سي..
اللي هي نزلت هنا مصر سيدان..
بس الهاتش باك الالماني بتاعتها.. من سنة 2003 تقريبا..
الميني كوبر في منها اول فئة ب 260 الف حاليا..
مع انها السنة اللي فاتت كانت بتبدأ من 160 بس..
بس الظاهر انا لفئة دي معادتش بتنزل..
عموما.ز لو فرق السعر ده لا يعني شيء بالنسبة ليك..
يبقي تشوف كمان البي امات بقي.. و تعلي بالفئة..
و ممكن تشوف الفولكس ايوس كمان.. بس لو وصلت لل250-270 الف..
لكن في ال160-170 عندك الاسترا و الجولف..
و ربنا يوفق ان شاء الله..
شكرا لكل من ساهم بالرد وتنتو بصراحة خوفتوننى من الايزى ترونيك لانى بافضل الاوتوماتيك العادى
لا خوف ولا حاجه الخوف ده لما يكون فى اعطال لا قدر الله طبعا فى الاخر القرار يرجعلك لكن انا بالنسبالى الايزى ترونيك مش هيأثر معايا فى قرار شراء عربيه اوبل و ان شاء الله عربيتى الجايه استرا هاتش باك او سيدان .
و لا شكر على واجب و احنا هنا اخوات و مهمتنا نساعد بعض و ربنا يكرمك و ابقى اعملبنا تقييم بقى عن عربيتك سواء المينى او الاتسترا او اىحاجه هتجيبها ان شاء الله.