برجاء افادتى عن اجراءات نقل ملكية السيارة من شخص لشخص اخر علما بان السيارة تم بيعها بعقد مسجل وكذلك سيتم نقلها من مرور الى مرور اخر بنفس المحافظة وهل سيتم الاحتفاظ باللوحات الموجودة على السيارة ام تغيرها مع العلم ايضا ان رخصتها سارية وشكرا لتعاونكم
عرض للطباعة
برجاء افادتى عن اجراءات نقل ملكية السيارة من شخص لشخص اخر علما بان السيارة تم بيعها بعقد مسجل وكذلك سيتم نقلها من مرور الى مرور اخر بنفس المحافظة وهل سيتم الاحتفاظ باللوحات الموجودة على السيارة ام تغيرها مع العلم ايضا ان رخصتها سارية وشكرا لتعاونكم
بعد عقد البيع المسجل يجب استخراج شهادة مخالفات من المرور التابعة له السيارة ( نفترض انه المعادى مثلا )
اذا كانت الرخصة مازالت سارية فلن تحتاج الى شهادة بيانات
ثم تذهب الى المرور التابع لك ( فرضا مدينة نصر )
يجب ان يكون معك :
1 - اثبات الشخصية
2 - عقد البيع المسجل فى الشهر العقارى + التوكيل ( فى حالة وجوده )
3- شهادة المخالفات
سوف يتم اجراء فحص للسيارة و سوف تقوم بتسليم النمر القديمة ( مرور المعادى ) و تستلم نمر جديدة ( مرور مدينة نصر )
شاكر لك جدا يا استاذايهاب ولكن لو هناك خبطة بسيطة فى احد الرفارف هل يتعين سمكرتها ورشها قبل الذهاب للمرور وما هى مدة سريان شهادة المخالفات ولماذا لايتم الاحتفاظ بالنمر القديمة على اعتبار انها نفس المحافظة وشكرا
بالنسبه للخبطه ممكن تعدى...... انت وحظك
بالنسبه لمده سريان شهاده المخالفات شهر واحد
هل الخبطة البسيطة واصحة ام مش واضحة
شهادة المخالفات اعتقد انها اسبوع
خذ بالك ان مدة العقد المسجل فى الشهر العقارى شهر واحد بس يعنى لو ما روحتش و خلصت الاجراءات فى المرور خلال الشهر كانك العقد لا وجود له و ترجع تدفع تانى رسوم التسجيل
بالنسبة للنمر لازم تبقى تابعة للعنوان الموجود فى بطاقتك و ما لهمش دعوة اذا كانت نفس المحافظة ام لا
إللي هاتديه لصبي السمكري مش السمكري أديه للراجل بتاع الفحص (للأسف بيتقال عليه مهندس الفحص) هي دي بلدنا ماشيه بالطريقه دي للأسفاقتباس:
المشاركة الأصلية كتبت بواسطة حسام كرم
وعلى فكره أنا مش بشجعك على فعل الخطأ لكن أنا عاوز أقولك أنك كده كده هاتدفعله هاتدفعله يا إما هايطلعلك القطط الفاطسه في العربيه
و خلى بالك انهم فى التأمين بطلوا يعملوا ملاحق علشان يريحوا نفسهم و بالتالى سوف تدفع تأمين على حسب المدة الباقية من الرخصة
بالفعل مدة شهادة المخالفات اعتقد انه اسبوع ولا يوجد مدة لتسجيل العقد فى الشهر العقارى فالتسجيل يكون نهائى للابد ولكن الرخصة هى التى تسقط خلال مدة شهر فى حالة امضاء المشترى فى العقد المسجل كمشترى وفى حالة عدم توقيعة كمشترى تستمر رخصة القيادة سارية لنهاية مدتها ويقوم بالتوقيع كمشترى امام موظف المرور اثناء نقل الملكية بالمرور وشكرا لتجاوبك وسرعة ردك واما بالنسبة للخبطة فانها ظاهرة للعين ولكنها متوسطة وغير موثرة على سير السيارة
بالنسبة لنقطة رسوم التسجيل ( رسوم العقد المسجل و هذه على حسب موديل السيارة و السعة الليترية ) انا متأكد من فترة الشهر التى يجب خلالها نقل الملكية فى المرور و اذا انتهت المدة بدون نقل الملكية فى المرور سوف تقوم بدفع الرسوم مرة اخرى
كلام حضرتك صحيح يا أستاذ إيهاب بس فى حالة إن المشترى لم يوقع على العقد فى الشهر العقارى و ذلك للإستفاده من الفتره المتبقيه فى الرخصهاقتباس:
خذ بالك ان مدة العقد المسجل فى الشهر العقارى شهر واحد بس يعنى لو ما روحتش و خلصت الاجراءات فى المرور خلال الشهر كانك العقد لا وجود له و ترجع تدفع تانى رسوم التسجيل
انا باتكلم على اساس ان البائع عامل لك توكيل و انت روحت و بيعت لنفسك و سجلت فى الشهر العقارى
و ربنا يوفقك
انا اسف انا الان حدث عندى لبس فالبيع تم بعقد مسجل من 4 شهور ولم اوقع كمشترى للاستفادة من الفترة الباقية من الرخصة فهل يسقط بذلك العقد المسجل وساحتاج الى اعادة التسجيل مرة اخرى
فى دى محتاجة سؤأل من حد متخصص او فى الشهر العقارى نفسه
اقتباس:
المشاركة الأصلية كتبت بواسطة حسام كرم
1-طالما لم توقع على العقد مافيش مشاكل لغايه نهاية سريان الرخصة.
2-مدة شهادة المخالفات شهر مش اسبوع وده انا متأكد منه لأنى الكام مرة اللى اشتريت فيهم عربية مستعملة كنت بانقل الملكية قبل نهاية الشهر بكام يوم.
3- لو كانت العربية اصلا مش بأسم اللى اشتريتها منه (يعنى كان معاه توكيل) لازم تاخد التوكيلات دى معاك عند نقل الملكية . ولو هما كذا توكيل لازم السلسلة توصل لنهايتها. يعنى بدأ بالاسم اللى فى الرخصة لغاية اللى باعلك بالعقد المسجل.
4- النمر القديمة بتتسلم طالما حاتغير المرور. لأن كل قسم مرور ليه حيز معين من الارقام اللى تبعه.
ان متشكر لك جدا يا اخ حازم على زوقك وسرعة ردك وتوضيح الامر لى فاجابتك وافية بالفعل على جميع اسئلتى ويبقى سوال واحد ما هو حجم تجاوز مهندس الفحص بالنسبة للخبطات الموجودة بالسيارة وفى حالة رفضها بالفحص فما هى الاجراءات التى يتم اتخاذها وما هى المهلة الممنوحة لسمكرة ودهان الجزء المخبوط
دى بقى مسألة حظ على تفتيح مخ على تمشية حال.
يعنى مافيش قاعدة. ممكن تكون العربية مافيهاش حاجة ويكون المهندس مزاجه مش رايق، يطلع فيها القطط الفاطسة
وممكن يكون مزاجه رايق يعديها من غير اى حاجة.
ارزاق بقى. لكن اللى انصحك بيه لو مش عايز تسمكرها جرب الاول من غير، ولو ماعرفتش تعديها من المهندس يبقى كأنك ماروحتش اصلا. يعنى المهلة اللى معاك نفس المهلة اللى فى الاول (شهر للمخالفات، نهاية الترخيص)
شاكر لك جدا يا اخ حازم وسافعل ما نصحتنى بة
ممكن على حظك ميبصش عليها او حاجة زى كدة بس هيا الخبطة لو فى الرفرف الامامى يبقا ممكن يتكلم عليها انما لو ورا معتقدش انه هياخد باله منها وعموما لازم تشيل الستيكرات الى على العربية ولو فى شماسة امامية تشيلها برضة وطبعا يكون معاك الورق دة :-
1) توكيل البيع الذى اشتريت بيه او العقد المسجل الذى اشتريت بيه.
2) صورة رخصة السيارة + صورة البطاقة الشخصية للمالك ( لازم تبقا كل واحدة متصوزرة على ورقة كبيرة يعنى مش تصورها وتقطع الورقة ومتسالنيش ليه عشان انا لسة بايع عربيتى النهاردة ودة الى حصل)
3) شهادة براءة الذمة ودى بتطلع من نيابة المرور الى العربية تابعة ليها ومدة سريانها شهر واحد.
4) لو الرخصة سارية مفيش مشكلة ولكن لو منتهية هتحتاج تجيب شهادة بيانات.
5) طبعا النمر القديمة هتتسلم وهتاخد نمر جديدة .
الف مبروك عليك العربية وربنا يكفيك شرها :)
متشكر جدا لنصائحك يا اخ عبد الله
لنت شايف ان الخبطه شكلها شاز يعني ممكن ميرضاش يوافق
بس علي العموم كل شى في المرور بتفتيح المخ
hgut, dh hon ,hpkh jpj hlv; tn hn hsjtshv :)اقتباس:
المشاركة الأصلية كتبت بواسطة حسام كرم
بص يا استاذ حسام الفحص دا فحص اي كلام يعني مش فحص تجديد رخصه اللي بيتعمل كل تلات سنين .يعني لو حاجه بسيطه ممكن تعدي انما لو حاجه كبيره و ملفته لازم تعملها الاول بس هو الفحص دا بيتساهلو فيه شويه و علي فكره مده شهاده المخالفات هر فعلا و المفروض البائع هو اللي يجبهالك علشان ما تروحش تجيبها انت تلاقي عليها مخالفات اد كدهاقتباس:
ان متشكر لك جدا يا اخ حازم على زوقك وسرعة ردك وتوضيح الامر لى فاجابتك وافية بالفعل على جميع اسئلتى ويبقى سوال واحد ما هو حجم تجاوز مهندس الفحص بالنسبة للخبطات الموجودة بالسيارة وفى حالة رفضها بالفحص فما هى الاجراءات التى يتم اتخاذها وما هى المهلة الممنوحة لسمكرة ودهان الجزء المخبوط
و نصيحه لما تيجي تتري عربيه تسجل تاني يوم انا عموما لما بشتري او ابيع عربيه بسجل تاني يوم علشان اريح نفسي من وجع الدماغ دا
ايه هى الشهادة دى :?:اقتباس:
) شهادة براءة الذمة ودى بتطلع من نيابة المرور الى العربية تابعة ليها ومدة سريانها شهر واحد.
دى شهادة بتثبت ان العربية مفيش عليها مخالفات حتى تاريخ صدور الشهادة ، يعنى إثبات انك دافع كل المخالفات اللى على العربية ان وجدت.
يعني شهاده المخالفات دي بتروح نيابه المرور اللي انت تابع ليها و بتصور الرخصه وش و ضهر علي ورقه فلوسكاب و تقصهاش علشان بيحتاجوها هناك و يا تاخدها في يومها لا تاني يوم.و البايع هو اللي ملزوم بيها مش المشترياقتباس:
ايه هى الشهادة دى
انا كدة عرفت
شهادة براءة الذمة = شهاده المخالفات
عليك نووووووووراقتباس:
انا كدة عرفت
شهادة براءة الذمة = شهاده المخالفات