ال 128 مش بتجيب اكتر من 130

**dr_abooody** · 30-12-2008 08:58 PM

معايا 128 موديل 85
العربية عاملة 95 الف كيلو
بس الموتور عايز طقم شنبر
بس المشكلة ان العربية اخرها 130 و تحس ان الموتور هينفجر بس المشكلة انها اربع نقلات بس مش 5

يعني العربية لو فيها نقلة خامسة كانت هتعدي

السؤال هل لو عملت طقم الشنبر الموتور هيجيب فوق ال 130

**eldeplomasy** · 30-12-2008 09:13 PM

متهيألي مش هتجيب اكتر بس هتجيب ال130 بسرعة اكتر من الاول والله أعلم

**dr.nemo** · 30-12-2008 09:17 PM

انا معايا 131 وآخر سرعة جبتها بيها كانت 120
وكان الموتور صوته بيعلى جدا جدا
والميكانيكي قالي عاوز طقم شنبر
وقالي اني لازم استنى شوية على م العربية تجمع سرعتها
لان ده بياخد وقت كبير نسبيا
بس الحمد لله انا واخد عهد على نفسي اني مزودش عن ال 120
بعد فتوى اللي يزود عن ال120 يبقى منتحر
وقانا الله واياكم كل سوء

**dr.nemo** · 30-12-2008 09:20 PM

اظن ان طقم الشنبر حيفرق بس في الصوت
لكن مبيفرقش في السرعة
ربما يبقى التجميع في وقت اقصر شوية
الله اعلم

**blazer** · 30-12-2008 09:39 PM

معتقدش تعدى الرقم دا
ثم ان حرام على عربيه زى دى انها تعدى ال 100 لان ثباتها زى الزفت على الطريق
ربنا يسترها معانا كلنا

**Abo.Omar** · 30-12-2008 10:15 PM

س سؤال
هو ايه طقم الشنابر دا؟؟؟؟؟

**إبراهيم.صادق** · 31-12-2008 01:36 AM

المشاركة الأصلية كتبت بواسطة nemo1987

بعد فتوى اللي يزود عن ال120 يبقى منتحر

ومين بقى يا سيدي الفاضل اللي أفتى الفتوى العظيمة دي؟؟؟
طيب واللي يمشي بسرعة 90كم مثلا على طريق الحد الأقصى للسرعة فيه 60 ده يبقى أيه؟ شهيد؟؟؟

يارب ارحمنا من اسهال الفتاوى اللي مالهاش معنى

**dr_timo** · 31-12-2008 01:53 AM

مكفاية يادكتور مية وتلاتين دة كدة كفاية اوي وزيادة عن اللزوم كمان دة اقصي سرعة عالصحراوي حتي المفروض متعديش مية الا بقي لو بتحب تتعرف علي ظباط الكماين والرادارات انا عن نفسي مبحبش اعدي التمانين او التسعين يمكن لاني جديد في السواقة بس برده دة حرص اكتر منه خوف خاصة انها مش هتفرق اوي ربع ساعة فرق وقت لو بطئت ومشيت قانوني مالواحد بيضيع ميت ربع ساعة كل يوم

**LONLY** · 31-12-2008 02:15 AM

المشاركة الأصلية كتبت بواسطة dr_abooody

معايا 128 موديل 85
العربية عاملة 95 الف كيلو
بس الموتور عايز طقم شنبر
بس المشكلة ان العربية اخرها 130 و تحس ان الموتور هينفجر بس المشكلة انها اربع نقلات بس مش 5

يعني العربية لو فيها نقلة خامسة كانت هتعدي

السؤال هل لو عملت طقم الشنبر الموتور هيجيب فوق ال 130

يا دكتور أنا كان معايا أختها من سنتين بس افرق أنها كانت سيارة والدتى يعنى متحافظ عليها قوى وعمرى ما قدرت أجيب أكتر من ال100 لأن أصلا العربية بعد كده بتبقى مش ثابته خالص وبعدين أنت ما تضمنش إيه إللى ممكن يحصل على السرعة العالية (كوبلن يتقطم فجأه ) وحصلت مع واحد أعرفه والعربية أتقلبت بيه ولغاية النهاردة مش عارف يمشى على رجليه فا نصيحه بلاش تعدى ال100 وبعدين أصلا مش مع دى خالص شوف دى بقالها كام سنه بالظبط كده كأنك جايب واحد عنده 60 سنه عايزه يتصرف كأنه طفل عنده 5سنين طبعا مش كل مره تسلم الجره ممكن مره يقع يموت صح

**aYaBooY** · 31-12-2008 09:48 AM

موديل 85 و عاملة 95 طبعا ده رقم مش ممكن تجزم بيه ابدا علشان اكيد العداد ده قلب من 5 ل 8 مرات ابل كدة على اقل تقدير
لو العربية بتاعتك محتاجة طقم شنبر و بتجيب 130 يبقى انتا زبون ممتاز لاي ميكانيكي علشان لو العربية ال 128 موتور 1100 بتكنولوجيا قديمة موت لو محتاج طقم شنبر مش هاتعرف تلاقي كبس يوصلك للسرعة ديه من اساسة بس فيه حاجة انا متوقع انها تكون بتحصل عندك علشان كانت بتحصل معايا زمان انه يكون العداد بتاعها مفوت

الموضوع: ال 128 مش بتجيب اكتر من 130

LinkBack

أدوات الموضوع

عرض

ال 128 مش بتجيب اكتر من 130 - انشر الموضوع فى :

-

-

-

-

-

المواضيع المتشابهه

العربيه مش بتجيب اكتر من 130 ع الصجراوي من غير تكييف ده طبيعي ؟

اتصالات انترنت الدنيا لسه فيها حرقة دم اكتر و اكتر

ايه اكتر لون بتحبه و ايه اكتر لون بتكرهه و ليه؟؟؟؟؟؟؟؟؟؟؟

العربيه بتجيب زيت

الكلمات الدلالية لهذا الموضوع

المفضلات

المفضلات

ضوابط المشاركة