انا رأيى ان دى طريقه سواقه مش مظبوطه
عرض للطباعة
انا رأيى ان دى طريقه سواقه مش مظبوطه
eragel bey2ol getz automatic, wento bet2ololo dos debriaj ??? tab yaret 7ad y2olena hayla2eh fen da ????
يا جدعان انا هريحكوا خاااااااااالص اللى حاسس انه مشعارف يتعامل مع العربيه وبتسقف منه ومشعارف يغير اسلوب القياده يبيعها ويجيب غيار اوتوماتيك بس خلاص
بصراحة صاحب الموضوع ده دمه زى العسل وانا باحييه على الموضوع وباحييه اكتر على انه ماردش على اللى بيحاول يتريق انه معاه لادا وانا شايفة ان اللادا تقول لاى عربية هيونداى قومى وانا اقعد مطرحك وانا معاه فى كلامه بصراحة انا مابحبش الهيونداى ولا باحترمها ومش بس مواتيرها اى كلام ده كمان عفشتها بتعوم فى مدة بسيطة جدا وده كلام كل اللى اعرفهم ومعاهم هيونداى عفشتها سيئة جدااااا
سواء ماتريكس ولا اكسنت ولا غيره
انا شايفة ان اللى معاه فلوس يجيب احسن منها انا اركب ليه عربية بقت تاكسى ده لو ادوهالى ببلاش مش هاركبها
الف شكر يا جماعه لكل الي رد علي الموضوع و اتناقش معايا سواء كان معايا في وجهة النظر او لأ
و الدليل علي انه مش عيب سواقه الاخ dooody_2007 بيقول ان عربيته الجيتز اوتوماتيك و برده بتكركر
علي العموم هي اخر مواتير كانت مميزه فيه حكاية الكركره ديه و موجوده جامد الجيل الي قبل الحالي الالنترا 2006-الجيتز (نفس الموتور ال 1600 ) لاكن بصراحه الجيل الجديد (النترا-نيو اكسنت i30) اتعلجت فيه المشاكل ديه و قلت كتيييير (بس ما اختفتش) و ده برده يدل انه مش عيب قياده بدليل انها قلت و رغم انها المفروض تزيد لأن المواتير احدث و بالتالي comperssion ratio اعلي و بالتالي عايزه بنزين اوكتانه اعلي و رغم كده حط بنزين 92 للانترا الجديده (من اول 2007) و نفسه للجيل الي قبله و انته تعرفه انا بتكلم عن اله (للبيقوله انه عيب بنزين)
و انا و الله و لا بكره هيونداي ولا حاجه دا انا بالعكس معجب بيها و بتقدمها السريع بس انا بقول الحق و الشايفه امامي بدليل اني بفكر جديا في ال I30 و الله
و الف شكر لجميع الاعضاء الي شاركه
و الي مشركوش :D
شكرا يا باشا علي تجربتك
بس مع كااامل احترامي ليك انا مش مقتنع بالكلام ده !!!
ازااااااااااااااااااااي موتور مصنوع سنة 1996 مايكركرش الا لو بنزين اوكتان مش اقل من 95 !!!!!!!!!!!!!!
ليه هيونداي كانت سبقاا العالم كله اوي سعتها كده ؟؟ :D:D
و علي كده الالنترا ما بتمشيش غير ب اوكتان 200 :D
انا مش بشكك في كلام سياتك طبعا بس انا حقيقي مستغرب
هاقولك علي حاجة انا بقيت ارمي ودني مع كل العربيات بكل انواعها
و اكتشفت ان كلها بتكرر ،،
اقف بص في اشارة و اسمع العربيات و هيا طالعة
ماشي بس بنسب يعني ممكن تسمعها مره في اشاره ممكن عيب سواقه ممكن بنزين غلط
لاكن الهيونداي علي طوول
و هديك مثال و مش قصدي و الله اقارن بين هيونداي و تويوتا عشان ما نفتحش موضوع تاني :) بس عشان يبقي الكلام عن تجربه و حاجه في نفس فئة الالنترا مثلا
بص سوق تيوتا كورولا الي هي الشكل من 2003 ل 2007 و مش هقولك اطلع بيها علي الاول لأ اطلع بيها علي التاني و شوف هتكركر اد ايه (هي ثانيه الكتييييييير اوييي) انا عارف انها حركه غلط بس عشان اوريك و جرب في اي عربيه تعجبك الكلام ده (بس شرط طبعا الحاله) و جرب في الهيونداي و قولي بلاش التاني في الهيونداي عشان هتعملك فضيحه اطلع بيها علي الاول و قارن :D