الموضوع: نفتح المعبر ولا نقفله (استطلاع للأعضاء)

يا جماعة مين بس الي قال إن الناس دي هتيجي تبلط هنا ، ما المعبر اتفتح كذا مرة ودخلوا سيناء اشتروا احتياجاتهم ورجعوا تاني من نفسهم ، محدش ضربهم على إيدهم

ومتهيألي المفروض نتذكر أصلنا كعرب وإن من صفاتنا إغاثة الملهوف ، يعني لو واحد خايف إيه المانع إني أستضيفه عندي لحد ما الحرب تخلص ، ومعلش الي ميلاقيش الروح دي عنده يبقى فقد آخر قطرة لديه من النخوة والكرامة

ياجماعه انتم ليه بتفترضوا سوء النيه فى اهل غزه

الناس مش عايزين منك غير فتح المعبر الوحيد اللى هو متنفس ليهم من الموت

هما مش عايزين اكثر من مرور الجرحى لمعالجتهم ومرور الادويه والتبرعات

حرام نبقى احنا والزمن عليهم وبعدين احنا عندنا قوات تقدر تتحكم فى عمليه التنظيم دى

مش عايز اقول لكم ان ده فرض علينا نساعدهم هم مش طالبين اكثر من كده اما بقى اللى هيكون معهم فى حربهم فهو الله وملائكته هتحارب معاهم وهتلقى فى قلوب الذين كفروا الرعب وخلينا احنا هنا فى مصر قاعدين على السرير فى الدفا وبنقذقز لب وسودانى واحنا بنستمتع فى مشاهده الصاهينه وهما بيدبحوا فى اخواننا فى فلسطين ونبقى بقى نقول لربنا يوم الحساب احنا قلنا لهم روحوا انتم وربكم قاتلوا اننا هنا قاعدون

ولاحول ولاقوه الا بالله العلى العظيم

مش عايزين تقاتلوا معهم انتم احرار كل واحد هيتحمل وزره لكن كمان ماتمنعوش عنهم المساعده وتحاصروهم اكثر ماهم محاصرين

الاســــــــــــــلام ولعروبه
بتقوووول اننا نمـــــــد هم بكل ما يحتاجونه من مساعدات ولو استلزم الامــــــر نمدهم بجنود فى حاله خوضهم حرب مع العدو الصهيونى

ولا كان حلو لما مصــــــــر ايام حرب الخليج بعتت الجيش يدافع عن الكويت ودخلنا حرب فى مواجهه العراق

اشمعنا ساعتها كان المدد بالجيش والاسلحه ولا عشان كانت امريكا دافعه كويس
فى حين ان العراق والكويت دول عربيه
فما بال شعب مستضعف ولا يملك ما يدافع به عن ارض مغتصبه ضدد الكيان الصهيونى
هما الان فى اشد الحاجه الى ماهو اكبر من علب اللبن والبطاطين ومسكنات الالم ........ الحاجه الى سلاح يدافع به عن نفسه ووطنه وليس الى طعام ومعونات يدافع بها عن جوعه وعطشه

مساله فتح المعبـــــر فيه بعض الاخطار على امـن مصر
لكن ذلك لا يمنـــع فتح المعبــر تحت رقابه كامله ودخـول ماهو ضرورى انما قصه فتح المعبر على مصراعيه اعتقد فيه الكثير من الخطوره على امن مصر وسلامه اراضيها

المشاركة الأصلية كتبت بواسطة Abdo_Eldesokey

ومتهيألي المفروض نتذكر أصلنا كعرب وإن من صفاتنا إغاثة الملهوف ، يعني لو واحد خايف إيه المانع إني أستضيفه عندي لحد ما الحرب تخلص ، ومعلش الي ميلاقيش الروح دي عنده يبقى فقد آخر قطرة لديه من النخوة والكرامة

كلامك صح ميه في الميه

والله انا مش مصدق تعليقات الناس هنا ولا حتى الحيره في فتح المعبر او قفله 0000 للأسف معظم التعليقات هنا فقد آخر القطرة