الموضوع: نفتح المعبر ولا نقفله (استطلاع للأعضاء)

هو كل واحد بلده تتضرب يرمي بلاه على مصر
اذا عراقي ولا فلسطيني ولا يمني
خلاص مصر صدرها واسع اوي كده
طب تحل مشاكل شعبها الاول والطوابير اللي ملية البلد اذا كان على عيش ولا انابيب البوتجازولا البنزين ولا الهبش اللي بيهبشوا بتوع المرور
حسبي الله ونعم الوكيل

المشاركة الأصلية كتبت بواسطة Ibtal

إنت عارف إلغاز بتاع مصر ده بيروح فين
إلى ٣ قرى في إسرائيل
يعني متحسبش إن إسرائيل حتتأثر لو قطعت إلغاز
يمكن في المستقبل يبقى ليه تأثير ذي البترول العربي كده!!!!!!!!!!!

الموضوع مش ان اسرائيل تتأثر ولا متتأثرش
الموضوع مسأله كرامه ونخوه مننا

المشاركة الأصلية كتبت بواسطة elassar2010

على فكرة الاعلام دة تابع لقطر وليس لمصر يعنى مش حكومى

أخي الكريم أنا أعرف طبعا أن قناة الجزيره تابعه لقطر بس أنا أقصد ان نفس الكلام دة بيردده الإعلام الحكومي المصري عشان يبرر تواطؤه الصهاينه وأمريكا وأهم مظاهر هذا التواطؤ

1- قبل الحرب على غزه والحكومه المصريه ترفض فتح المعبر لدخول المساعدات للفلسطينيين وعلى فكره المساعدات دي كانت مرسله من جمعيات اهليه مصريه ونقابات وكانوا بيوقفوا الشاحنات من وهي في الطريق على كوبري السلام

2- هناك تصريح للدكتور مصطفى الفقي قبل الحرب بأسبوع تقريبا يقول فيه مصر لن تسمح بإقامه دوله اسلاميه على حدودها وطبعا كان يقصد حماس

3- الحكومة المصريه عارضت الإجتماع الطارئ للجامعه العربيه وفضلت ترك الأمر للأمم المتحده حتى لا يصدر اي قرار لا تكون امريكا راضيه عليه

ومن الآخر كدة عشان الأمور تبقى واضحه النظام المصري في الظروف الراهنه بيحاول بكل جهده إرضاء أمريكا والغرب وإشعارهم بأنه هو حامي مصالحهم في الشرق الأوسط وبالتالي تحقيق مصالحهم مرتبط بوجوده في الحكم وبالتالي يتثنى للنظام توريث الحكم في سلام وبمباركه دوليه كمان أما الشعب فمقدور عليه يعني ديته كام عربيه امن مركزي وتزوير الإنتخابات وبلاش حكايه 99.9 خلناها ياعم 88 % بس

المشاركة الأصلية كتبت بواسطة badblood

ان شاء الله عنه ما اتفتح البلد ناقصة خراب
احنا ملاحقين على اللي بيموتوا عندنا عشان نلحق اللي برة
واشمعنى مصر يعني اللي تبقى في وش المدفع الواحد دمه اتحرق
ايه يعني فلسطين فلسطين فلسطين في ايه طب وبتوع الخليج ولاد الكلب ال$%#@!:" فين اللي بيقدموا

المشاركة الأصلية كتبت بواسطة TICOXX

اصل بلدنا الحيطة المايلة و كل اللي عايز يرمي بلاه يلا على مصر

هية مصر ناقصة وجع دماغ ؟ انا من رأيي نعمل حائط برلين كده و نحطه مكان رفح بينا و بينهم و نرييح دماغنا من الصداع ده

ماتت قلوب الناس ماتت فينا النخوه

الشعوب في اوروبا وفي امريكا نفسها بتقوم بمظاهرات في الشوارع من أجل وقف المجزره الصهيونيه على الشعب الفلسطيني واحنا هنا في منا اللي بيقول كلام زي كدة !!!!

فعلا حسبا الله ونعمة الوكيل


فعلا كما تكونوا يولى عليكم

المشاركة الأصلية كتبت بواسطة e_farid

يقولون ان تسرع حماس وطيش قادتها هو السبب فيما يحدث للشعب الفلسطينى فى غزة فلو استمعوا لنصحنا لجنبو ا انفسهم وشعبهم ويلات الحرب

والله عز وجل يرد عليهم فى سورة آل عمران

(يَا أَيُّهَا الَّذِينَ آمَنُوا لَا تَكُونُوا كَالَّذِينَ كَفَرُوا وَقَالُوا لِإِخْوَانِهِمْ إِذَا ضَرَبُوا فِي الْأَرْضِ أَوْ كَانُوا غُزًّى لَوْ كَانُوا عِنْدَنَا مَا مَاتُوا وَمَا قُتِلُوا لِيَجْعَلَ اللَّهُ ذَٰلِكَ حَسْرَةً فِي قُلُوبِهِمْ ۗ وَاللَّهُ يُحْيِي وَيُمِيتُ ۗ وَاللَّهُ بِمَا تَعْمَلُونَ بَصِيرٌ) . (156 )


وفى نفس السورة


(الَّذِينَ قَالُوا لِإِخْوَانِهِمْ وَقَعَدُوا لَوْ أَطَاعُونَا مَا قُتِلُوا ۗ قُلْ فَادْرَءُوا عَنْ أَنْفُسِكُمُ الْمَوْتَ إِنْ كُنْتُمْ صَادِقِينَ). (168 )


يقولون ماذا جنينا من الحرب فالقتال لا يجدى شيئا والنزاع لا يحل الا بالتفاوض

والله عز وجل يقول فى سورة البقرة

(كُتِبَ عَلَيْكُمُ الْقِتَالُ وَهُوَ كُرْهٌ لَكُمْ ۖ وَعَسَىٰ أَنْ تَكْرَهُوا شَيْئًا وَهُوَ خَيْرٌ لَكُمْ ۖ وَعَسَىٰ أَنْ تُحِبُّوا شَيْئًا وَهُوَ شَرٌّ لَكُمْ ۗ وَاللَّهُ يَعْلَمُ وَأَنْتُمْ لَا تَعْلَمُونَ ).

وفى موضع آخر من نفس السورة

(وَقَاتِلُوا فِي سَبِيلِ اللَّهِ الَّذِينَ يُقَاتِلُونَكُمْ وَلَا تَعْتَدُوا ۚ إِنَّ اللَّهَ لَا يُحِبُّ الْمُعْتَدِينَ [ 190] وَاقْتُلُوهُمْ حَيْثُ ثَقِفْتُمُوهُمْ وَأَخْرِجُوهُمْ مِنْ حَيْثُ أَخْرَجُوكُمْ ۚ وَالْفِتْنَةُ أَشَدُّ مِنَ الْقَتْلِ ۚ وَلَا تُقَاتِلُوهُمْ عِنْدَ الْمَسْجِدِ الْحَرَامِ حَتَّىٰ يُقَاتِلُوكُمْ فِيهِ ۖ فَإِنْ قَاتَلُوكُمْ فَاقْتُلُوهُمْ ۗ كَذَٰلِكَ جَزَاءُ الْكَافِرِينَ (191) ).


يقولون ان الشعب الفلسطينى ذبح وقتل ولم يجنى شيئا سوى الدمار والخراب

والله عز وجل يقول فى سورة التوبة

(إِنَّ اللَّهَ اشْتَرَىٰ مِنَ الْمُؤْمِنِينَ أَنْفُسَهُمْ وَأَمْوَالَهُمْ بِأَنَّ لَهُمُ الْجَنَّةَ ۚ يُقَاتِلُونَ فِي سَبِيلِ اللَّهِ فَيَقْتُلُونَ وَيُقْتَلُونَ ۖ وَعْدًا عَلَيْهِ حَقًّا فِي التَّوْرَاةِ وَالْإِنْجِيلِ وَالْقُرْآنِ ۚ وَمَنْ أَوْفَىٰ بِعَهْدِهِ مِنَ اللَّهِ ۚ فَاسْتَبْشِرُوا بِبَيْعِكُمُ الَّذِي بَايَعْتُمْ بِهِ ۚ وَذَٰلِكَ هُوَ الْفَوْزُ الْعَظِيمُ (111) ).


يقولون ان حماس خاضت المعركة بشعارات جوفاء وتحاول جر القضية الى المربع الدينى وهذا خطر على القضية

والله عز وجل يقول فى سورة الأنفال

(إِذْ يَقُولُ الْمُنَافِقُونَ وَالَّذِينَ فِي قُلُوبِهِمْ مَرَضٌ غَرَّ هَٰؤُلَاءِ دِينُهُمْ ۗ وَمَنْ يَتَوَكَّلْ عَلَى اللَّهِ فَإِنَّ اللَّهَ عَزِيزٌ حَكِيمٌ 49)).


يقولون ان اسرائيل لها الحق فى التحكم فيما يدخل لإخواننا واخواننا ليس لهم الحق فى تهريب الأسلحة ليدافعوا عن انفسهم

والله عز وجل يقول فى سورة النساء

(يَا أَيُّهَا الَّذِينَ آمَنُوا لَا تَتَّخِذُوا الْكَافِرِينَ أَوْلِيَاءَ مِنْ دُونِ الْمُؤْمِنِينَ ۚ أَتُرِيدُونَ أَنْ تَجْعَلُوا لِلَّهِ عَلَيْكُمْ سُلْطَانًا مُبِينًا (144)).


يقولون تخرج من هنا وهناك صيحات مختلفة تنادى بالجهاد ونحن نعلنها صراحة لن نحارب وندفع عجلة التنمية للوراء

والله عز وجل يقول فى سورة التوبة

(يَا أَيُّهَا الَّذِينَ آمَنُوا مَا لَكُمْ إِذَا قِيلَ لَكُمُ انْفِرُوا فِي سَبِيلِ اللَّهِ اثَّاقَلْتُمْ إِلَى الْأَرْضِ ۚ أَرَضِيتُمْ بِالْحَيَاةِ الدُّنْيَا مِنَ الْآخِرَةِ ۚ فَمَا مَتَاعُ الْحَيَاةِ الدُّنْيَا فِي الْآخِرَةِ إِلَّا قَلِيلٌ (38) إِلَّا تَنْفِرُوا يُعَذِّبْكُمْ عَذَابًا أَلِيمًا وَيَسْتَبْدِلْ قَوْمًا غَيْرَكُمْ وَلَا تَضُرُّوهُ شَيْئًا ۗ وَاللَّهُ عَلَىٰ كُلِّ شَيْءٍ قَدِيرٌ (39))

ويقول الله عز وجل أيضا فى نفس السورة

(قُلْ إِنْ كَانَ آبَاؤُكُمْ وَأَبْنَاؤُكُمْ وَإِخْوَانُكُمْ وَأَزْوَاجُكُمْ وَعَشِيرَتُكُمْ وَأَمْوَالٌ اقْتَرَفْتُمُوهَا وَتِجَارَةٌ تَخْشَوْنَ كَسَادَهَا وَمَسَاكِنُ تَرْضَوْنَهَا أَحَبَّ إِلَيْكُمْ مِنَ اللَّهِ وَرَسُولِهِ وَجِهَادٍ فِي سَبِيلِهِ فَتَرَبَّصُوا حَتَّىٰ يَأْتِيَ اللَّهُ بِأَمْرِهِ ۗ وَاللَّهُ لَا يَهْدِي الْقَوْمَ الْفَاسِقِينَ (24))


يقولون انكم تطوعون النصوص القرآنية لأهداف خبيثة وانتم ترددون آيات ولا تعلمون شيئا عن الواقع الذى نعيش فيه

والله عز وجل يرد عليهم فى سورة الأعراف
(سَأَصْرِفُ عَنْ آيَاتِيَ الَّذِينَ يَتَكَبَّرُونَ فِي الْأَرْضِ بِغَيْرِ الْحَقِّ وَإِنْ يَرَوْا كُلَّ آيَةٍ لَا يُؤْمِنُوا بِهَا وَإِنْ يَرَوْا سَبِيلَ الرُّشْدِ لَا يَتَّخِذُوهُ سَبِيلًا وَإِنْ يَرَوْا سَبِيلَ الْغَيِّ يَتَّخِذُوهُ سَبِيلًا ۚ ذَٰلِكَ بِأَنَّهُمْ كَذَّبُوا بِآيَاتِنَا وَكَانُوا عَنْهَا غَافِلِينَ (146)).

منقول

الآستاذ الفاضل e_farid بارك الله فيك وأسمحلي أنقله لكل من اعرفهم حتى نعرف الناس الحق من الباطل

إلا بالمناسبة....
من إمتى الحكاية بقت فى إيد مصر ؟؟
و المسألة بقت نخوة و إخواتنا اللى بيموتوا و إزاى نصدر للأعداء غاز و ضحكنا على الفلسطينيين و غررنا بيهم و قولنا لهم إسرائيل مش هتضرب و بعدين حصل اللى حصل ( كما لو أن اللى طلع على الهواء و قال صراحة احنا هنضرب دى كانت وزيرة خارجية تانجانيقا السابقة )

و بقينا متهمين بالعمالة ( حكومة و شعبا ) و سيناء و مصر كلها حق للفلسطينيين

محدش فكر مثلا فى دور الفلسطنيين ( سواء حكام أو محكومين )
إذا كان الأخوات فى البيت الواحد بيتخانقوا مع بعض بالسلاح ...نعمل إيه احنا لما هما عيال و مش عارفين يبقوا رجالة

إيه اللى قدمته الدول العربية غير شوية مساعدات و كل عربية رافعة علم الدولة المانحة على الواجهة!!!
و ولاد******** اللى نازلين شتيمة فى مصر دول و يقولوا إن بقاء السفير الإسرائيلى ده عمالة.....
فاتحين مكاتب تمثيل لإسرائيل فى بلدانكم ليه ؟؟
و قواعد أمريكية بتضرب فى العرب و المسلمين على أراضيكم....
و آخرتها دعوة لإيران لحضور مؤتمر عربى....
من إمتى إيران فى جامعة الدول العربية؟؟؟

ليه محدش وجه اللوم للفلسطنيين و لا العرب
ليه مصر دائما هى الملامة ؟؟؟
حاربنا و خسرنا...مصر ملامة
حاربنا و كسبنا...يا إما يبقى نصر عربى يا إما بالباطل يقلبوا النصر لخسارة و قلة كرامة

لأ سوريا هى أم الكرامة و ربنا يزيدهم و يرفع راسهم كده ليوم القيامة علشان عمايلهم اللى من نيتهم

ماحدش مبسوط من البهدلة اللى بتحصل للناس
و أنا أكتر ما يفقعنى لما المراسل يقول " أصيب عدة إسرائيليين بحالات من ( الهلع ) "

لكن زمان كان فيه رجالة بتحكم ( الله يرحمهم الملك فيصل و شاه إيران )

لكن موافقة القادة الفلسطنيين على النزوح لسيناء بل و السعى لذلك بالكلام و الحيلة و التصرفات الحمقاء التى دفع الأبرياء حياتهم ثمنا لها دى تبقى "عكس الرجولة " و أفتكر مافيش عمالة أسوأ من كده

ولما نقعد نهاتى و نحايل مع دول و دول و سفير المتنيلين التانيين ماحدش يختشى على دمه و يقول الحق

و اللى بيقولو إن الحروب اللى خضناها دى علشان احنا بتوع مصلحتنا و بس....
طيب و حرب اليمن و حرب الجزائر و حركات التحرير التى دعمناها فى أفريقيا و من ضمنهم زائير ؟؟؟
و بعدين فيها إيه لو كانت مصلحتنا مشتركة مع مسلمين ولا عرب و لا أفارقة ؟؟؟؟
أقله جيران يا أخى...ده الغرب بيدعم إسرائيل و مافيش بينهم جيرة

الله يرحمك يا بابا...كان دايما يقول "العرب دول ما ينفعش معاهم غير إسرائيل...هى اللى بتعرف تربيهم "