:36_1_31:
رد سريع يا جماعه
:36_1_31:
رد سريع يا جماعه
لانسر احسن
جراند بونتو جديد وللا مستعمل
واللانسر حالتها إيه والاتنين بكام وإيه احتياجاتك أو طلباتك الأساسية من العربية؟
العربيتين في فئتين مختلفتين
ووضاح أنك مش هامك إلا الشكل
لو بتقارن لانسر 1600 مع جراند بونتو
يبقى لو عايز موتور قوي ........... لانسر طبعا
لو بتقارن لانسر 1300 مع جراند بونتو 1400
يبقى أكيد أكيد جراند بونتو ................. تميز و شكل جميل و موتور موفر في البنزين
بس على حساب توافر قطع الغيار بكثرة و ليس رخص السعر
يعني الجراند بونتو هاتضطر تشتري حاجات كتير ليها من التوكيل علشان العربية مش منتشرة قوي
إنما اللانسر ممكن تشترلها قطع غيار من عند عم عبده البقال ..... ( تعبير مجازي لإنتشار قطع الغيار )
بس علشان تبقى عارف قطع الغيار الأصلي في اللانسر و الجراند بونتو ......... غالية و أي عربية كدا مش دول بس
ده لو بنتكلم عن قطع الغيار الأصلي
نقطة كمان مهمة
الجراند بونتو سعر اعادة بيعها مش كويس علشان عدم الانتشار
لو العربية هاتقعد معاك كتير و عايز حاجة مميزة يبقى هات الجراند بونتو
إنما لو أنت من النوع اللي بيبيع على طول
يبقى لانسر طبعا
Dr Ahmed
أنا بتكلم علي الجديد ، و شكراً علي الرد :)
tutankhamoun
انا عارف ان اللانسر موتور جامد جدا طبعا ال 1600 وكنت ماشي بيها 170 ولا اكيني ماشي خالص،بس لو الجراند بونتو مشكلتها الموتور بس، مش مشكله بس ما يكونش وحش اوي يعني ،يعني مايكونش اقل من اللانوس مثلاً،فانا شفت الجراند من جوه عجبتني اوي و عجبني الاوشنز اللي فيها اوي غير ان هيا عجباني اصلا من بره، بس ما سقتهاش، موضوع البيع ما يهمنيش،موضوع قطع الغيار في التوكيل كله غالي بره التوكيل ممكن تكون بتعاعت اللانسر متوفره شويه ، الفكره بقي و اللي يهمني الاستابيليتي كويس زي اللانسر كده ،بتستحمل زي اللانسر ، الراحه ، الرفاهيه ، العفشه ، الكلام ده كله
ايه نظامه بالنسبه لللانسر ، اصل انا جربت ياباني كتير و جربت كوري فرق السما للارض هل هيكون كده بالنسبه للايطالي (علماً باني ما جربتوش خالص قبل كده).
شكراً علي الرد :)
الجراند عربية ممتازة ...... و موتورها معقول و مش أقل من اللانوس
أتكل على الله أدام عاجباك و هي أحلى من اللانسر فعلا في الشكل
بس أيه الكوري اللي فرق السما و الأرض ما بينه و ما بين الياباني ؟؟
يعني قارنت أيه بأيه ... ده سؤال خارج الموضوع
يعني هاديك مثال اخويه كان معاه لانوس و محافظ عليها و ما بيهلكهاش كل شويه تلاقي حاجه تبوظ و كانت موديل 2002 و علي 2004 2005 غيرنها فيها حاجات كتير اوي يعني ، معانا لانسر بقي 99 مطلعين عنيها و بتمشي كل يوم ماسافات طويله جداً جوه قرف و زحمه و مطبات البلد ولا غيرنا فيها اي حاجه حتي الان غير البطاريه و التيل و الحاجات العاديه دي ، موضوع السواقه بقي و النعومه و الاستابيليتي و الكلام ده فرق كبير اوي برده ، فأنا عايز اعرف الايطالي ايه ظروفه في الكلام ده ؟!!!
علي فكره هي اللانسر برده عجباني ،مش وحشه طبعاً بس هي منتشره زياده عن اللزوم شويه مع العلم ان فيه فرق في السعر بين ال1600 الكامله والجراند بونتو.
مش عارف ارد أقولك أيه ؟؟؟
يعني حضرتك تقصد أنك ناوي تجيب العربية و تهري فيها و بتتأكد إن كانت هاتستحمل و لا لاءة ؟؟؟
على العموم أنا أبن عمي برضه معاه دايو لانوس و عامل بيها زيادة عن 45 ألف كم في سنة و نصف و العربية ما شاء الله عليها مغيرش فيها حاجة غير الزيت
بس سيبك من موضوع الدايو
نرجع للجراند بونتو
أنا جربت البونتو مش الجراند بونتو
و العربية معمرة و بتعيش
و طبعا الثبات كان ممتاز حتى 120 لأن العربية صغيرة
إنما الجراند بونتو اكبر و أثبت على الأرض و أفضل في التحكم فيها
بس مفيش حاجة في الدنيا تعيش معاك لومبهدلها
لو عايز الحاجة تعيش معاك لازم تعتني بيها
ربنا يوفقك
مش قصدي كده طبعا :shine[1]:
بس قصدي ده مثال ان الياباني بيستحمل اوي في مصر، هل الايطالي كده برده ؟!
الجراند بونتو بتهيألى هتعمر معاك اكتر
بس معرفش الصراحة موتورها اخباره ايه
حاسس انو صغير عليها
ربنا يوفقك
لأ ان شاء الله اكيد هعتني بيها شكراً علي الاهتمام :)
بس أنا عايز حد يكون مجرب الجراند بونتو و مجرب اللانسر يقوللي ايه مميزاتها و عيوبها بالنسبه للانسر،(كعربيه) بصرف النظر عن قطع الغيار و اعاده البيع.
و حد يعرف يا جماعه التكيف بتاع الجراند بونتو تاتش ولا عادي ؟!!!!
السلام عليكم
أنا مش هاتكم عن اللانسر
أنا هاكلمك على الجراند بونتو
العربية ثابتة و متزنة على الأرض
تسارع المواتير الأيطالي حلو خصوصا على السرعات المنخفضة و حتى 120 إلى 130 كم - س
تقفيل رائع و لو أن التابلوه بلاستيك .... مش خطير يعني ....... بس بلاستيك بيعيش و عن تجربة و شكله حلو
التكييف في العربياتت الأيطالي معقول ...... لا يُقارن بالياباني و الكوري
الياباني و الكوري أحسن في التسقيع
مساحة العربية معقولة قوي و الشنطة إلى حد ما معقولة
المواتير الأيطالي مواتير حلوة و مواتير فيات مواتير مُعمرة و الأثباتات كتيرة
أنا ركبت بونتو و العربية فعلا كل حاجة فيها بتعيش كتير
ما عدا بعض الناس أشتكوا من موضوع اسطوانة الدبرياج اللي مش بيعيش كتير و دي معناه بتاع 30 ألف كم ( في البونتو القديمة )
و برضه هاترجع لطريقة سواقتك و بما أني ما أشتريتش الجراند ........ فمعرفش عنها الحاجات الفنية قوي زي اسطوانة البدرياج بتعيش أد أيه ؟؟
طبعا الشكل
اللانسر تقعد على جنب و تتفرج معاك على الجراند بونتو ......... إنما الأداء طبعا مختلف علشان قوة المواتير
و بالنسبة لموضوع الشكل ....ياريت الأخوة اللي معاهم لانسر ما يزعلوش من رأيي علشان الشكل ده أذواق
التوفير في البنزين
برضه اللانسر تقعد على جنب في موضوع التوفير في البنزين
الجراند بونتو و البونتو من أكتر العربيات الموفرة في البنزين نظرا لصغر الموتور و تكنولوجية أخراج العزم و القوة على سرعات قليلة و طبعا ده له أثر سلبي على تجميع السرعات فوق 120 إلى 130 كم - س
متنساش أن المواتير دي صغيرة
البونتو 1245 سي سي و الجراند 1400 سي سي
إنما التسارع و العزم لغاية 120 إلى 130 كم - س ......... ممتاز و زي اللانوس لو قرانها بالجراند مش البونتو الصغيرة
يعني اللانوس تسارعها أحسن من البونتو الكلاسيك
و لكن زي الجراند بونتو في التسارع ....
تكييف الجراند بونتو ............زراير مش باللمس
بالتوفيق إن شاء الله
ربنا يخليك، بس انا رحت المعرض شرين كار و لقيته بكر عادي في المنيوال و الاتوماتيك
طيب فيه سؤال تاني معلش سمعت ان الفيات بتسخن جامد اوي ، هل الجراند بونتو 2009 بتسخن برده كده :s:s
البونتو انضف وافخم وارقى واجمل
بس طبعا الموتور الانسر تكسب
وعلى فكرة
الايطالى محترم جدااااااااااااااااااااااا ااااااااااا
معلش ... أنا قلت فوق زراير
و كان قصدي بكر ... بس أنت كنت بتسأل على اللمس
التكييف بكر عادي
دي بقى أشاعة مغرضة على ماركة فيات .... ليه ؟؟
علشان بيتكلموا على 128 و 127 و 125 و العربيات اللي أشتغلت في السوق لمدد تزيد عن 30 و 40 سنة
بالاضافة ان تصميم مواتير العربيات القديمة دي تصميم قديم يعود لفترة الستينيات و السبعينيات
و كمان العربية السينا موديل 2000 تقريبا أو 2001 كان فيها عيب سخونة و تقريبا ده كان راجع لحساس الحرارة في الرادياتير
المهم
عربيات فيات مش بتسخن .... عربيات فيات عربيات محترمة و عن تجربة و كفاية عربياتها القديمة اللي مصنوعة من 40 سنة و لسة شغالة في السوق و لسة بتتباع لحد دلوقتي في سوق المستعل
لو الجراند بونتو عاجباك ........... و حاببها
أتكل على الله و هاتها و العربية حلوة و جميلة
أحنا قولنا بس على حاجتين أقل في المقارنة مع اللانسر
التكييف أضعف
سعر اعادة اللبيع أقل بكتير
قوة الموتور كمان و دي معروفة
وكل علي الله يا باشا في الفيات اولا الاوربي كله ثابت جدا و التقفيل جيد جدا مخدوم يعني ثانيا معمره جدا
شوف يا باشا ال 124 و الل 127 و الحجات دي شغاله من امتي و المرسيدس ال 200 و 230 و البيجة 504
كل الحجات دي لسه شغاله
اشتري اوربي اي كان نوعها ترتاح
معا كل الاحترام لكل الماركات غير ذالك
الباقي مركات محترمه بس انا بتكلم عن تجربتي مع الاوربي فقط
أكيد طبعا يا باشا في فرق بين الياباني والكوري أنت مستغرب ليه japaneese cars is the most reliable cars
طبعا الايطالي نضيف جدا متقلقش و لو على السحب برضو متقلقش fiat cars used to produce high torques on low rpms فالعربية هتبقى سحابة وأحسن طبعا من ellanos بس أنا ليا سؤال برا الموضوع هي اللانوس كسحب واستهلاك بنزين أحسن ولا الانسر ٩٩ باعتبار أن اللانوس 1500cc إنجكشن واللانسر 1300cc كربراتير
اشكركم كلكم يا جماعه علي الرد :)
mando_07 هقولك يا باشا عن تجربه ، اللانوس سحبها احسن طبعا ال 1500 من اللانسر ال 1300، دي الحاجه الوحيده تقريبا اللي احسن في اللانوس من اللانسر . :))
ك استهلاك بنزين اللانوس بتاخد بنزين اكتر.
بس علي فكره اللانوس جرايه يعني ممكن تكون بتجري عن الجراند بونتو عادي يعني و اللي اكتر و اكتر بقي الفيرنا.
و بعدين حضرتك بتتكلم في مستعمل ف ممكن تختلف من حاله لي حاله بس اللي انا جربتهم كان حالتهم ال 2 نضيفه اوي
لو لانسر 1300 خاصة اوتوماتيك . يبقى خليك في جراند بونتو
بس لو 1600 اظنها تكسب كموتور و تكييف (فقط)
يعني الفرق ملحوظ يعني في السحب بين الاتنين أصل أنا متعود على 2000cc فلو جبت كريستالة هتبقى بطة يعني ولا ماشية أنا مش عايزها تبقى طيارة بس يوم ماجي أحب اشد اشد يعني وفي نفس الوقت مش عايز أجبيب نوبيرا ولا حاجة عشان بخاف من الكوري المستعمل بالذات وبالنسبة للتكييف أنا ركبت السينا كان تكيفها كويس افتكر الجراند حتبقى زيو أو أحسن يعني وأنت ممكن برضو تجربها في omatra في مدينة نصر
لأ هو الفرق متلاحظ طبعاً ، بس انا شايف ان اللانسر احسن بكتير في كل حاجه تانيه ، و الوتور بتاعها برده في نفس الوقت مش وحش يعني ، بيجري حلو بس مش زي ال 1500 و ال 1600 طبعا ، بس طبعا انتا بتتكلم في 2000 سي سي :d:d .
مش عارف الصراحة أعمل إيه أصلي خايف أجيب حاجة كوري مستعمل لتقرفني فبفكر أخليني في الانسر أضمن ولا أنت رأيك إيه معلش أنا بوزتلك موضوعك :d
مبوظتوش ولا حاجه يا باشا ، اتكل علي الله و جيب لانسر بدون تردد بس تكون حالتها نضيفه و اكشف عليها كويس و اتأكد ان مش واكلها بارومه عشان لسه صاحبي اتحط في الحوار ده .
alf shokr leek ya basha bs belnsba l7wark i think grand punto htb2a a7sn fe kol 7aga ala el3azm ht2l shwya
it's not a big deal 7war el 3azm dah ,You're welcome,sir :)