مطلوب نصيحه فى اختيار شرائي للدايو

**mnageeb** · 31-12-2008 02:25 AM

السادة الافاضل

الرجاء النصيحة فى شراء الدايو

بصراحة بفكر اجيب الشيفورلية لانوس بس انا مش موجود فى مصر يعنى حرام ادفع 70 الف فى حاجة هاتشتغل شهر فى السنة

و لكدة بفكر فى المستعمل عايز اعرف اية اكتر موديل فى الانوس مفيد و عملى يعنى بتاع شغل و مالوش عيوب كتير يعنى علشان الاجاوة ماتضعش عند الميكانيكية

و كمان منين اقدر الاقى عربيات لانوس حلوة يعنى اخلص فيها و انا واقف

**MMamdouh** · 31-12-2008 10:41 AM

اى عربية مستعملة حتوديك للميكانيكى اى كان نوعها

MMamdouh

**shanodaa** · 31-12-2008 01:38 PM

طول ما انت مسافر بلاش تشتري وقضيها تاجير سياره ولما تستقر يا عالم ها تكون الاسعار فيين ممكن اللي تشتري بيه مستعمل الان تشتري بيه زيرو وماركه محترمه

**mnageeb** · 31-12-2008 04:22 PM

اولا شكرا على الموضوع

بس فكرة التاجير دى بالنسبة ليه مرفوضة و اكيد انتم عارفين اية السبب بسسب الطرق الغير نزيهة التى يتعامل بها اصحاب مكاتب التاجير مع المؤجريين بالاضافة للتكلفة ياعنى انا سامع ان اليوم ب 150 يعنى الشهر 4500

يعنى لو اشتريت عربية عمرها ماهتقل 4500 فى السنة و خصوصا لو استخدمت شهر فقط

على العموم انا فى انتظار ارائكم و اى خدمة من دبي انا حاضر

**wesam_salom** · 31-12-2008 09:06 PM

المشاركة الأصلية كتبت بواسطة mnageeb

اولا شكرا على الموضوع

بس فكرة التاجير دى بالنسبة ليه مرفوضة و اكيد انتم عارفين اية السبب بسسب الطرق الغير نزيهة التى يتعامل بها اصحاب مكاتب التاجير مع المؤجريين بالاضافة للتكلفة ياعنى انا سامع ان اليوم ب 150 يعنى الشهر 4500

يعنى لو اشتريت عربية عمرها ماهتقل 4500 فى السنة و خصوصا لو استخدمت شهر فقط

على العموم انا فى انتظار ارائكم و اى خدمة من دبي انا حاضر

فيه مكاتب كتير محترمه(مش قوى يعنى) بس احسن من غيرها
تانى حاجه انت لما هتأجرها شهر هيبقى فيه خصم يعنى ممكن تاخدها ب 3000 جنيه على اقصى تقدير من المكاتب او شركات التأجير

كمان لو اشتريت عربيه هتخسر اكتر من 4500 فى السنه غير بطاريه جديده ومصاريف الجراج غير نزول تمن العربيه اللى محدش يقدر يحددها

ممكن غير كده تيجى بعربيه بنظام التريبتيك وطبعا هتكون احسن من اللى هنا يعنى بتمن اللانوس هنا اشترى كامرى من هناك وتعالى بيها

واخيرا سلم لنا على كل اللى فى دبى وتيجى بالسلامه

**samirayad** · 31-12-2008 10:13 PM

المشاركة الأصلية كتبت بواسطة mobitek

فيه مكاتب كتير محترمه(مش قوى يعنى) بس احسن من غيرها
تانى حاجه انت لما هتأجرها شهر هيبقى فيه خصم يعنى ممكن تاخدها ب 3000 جنيه على اقصى تقدير من المكاتب او شركات التأجير

كمان لو اشتريت عربيه هتخسر اكتر من 4500 فى السنه غير بطاريه جديده ومصاريف الجراج غير نزول تمن العربيه اللى محدش يقدر يحددها

ممكن غير كده تيجى بعربيه بنظام التريبتيك وطبعا هتكون احسن من اللى هنا يعنى بتمن اللانوس هنا اشترى كامرى من هناك وتعالى بيها

واخيرا سلم لنا على كل اللى فى دبى وتيجى بالسلامه

هو دة الكلام المفيد.....تعالى بعربية معاك أثناء الأجازة وبعد الاستقرار فى مصر ابقى اشترى سيارة من مصر

**Samir Elshahawy** · 01-01-2009 04:38 AM

أولا.. عام سعيد عليك و علي كل الاخوة الكرام

زي ما الاخوة الافاضل تكرموا و قالوا من الافضل تجيب عربيتك من دبي و تقضي بيها الاجازة في مصر و ترجع بيها تاني

لكن شراء سيارة سواء مستعملة أو جديدة و تركنها باقي السنة فكدة مصاريف علي الفاضي و مش هاتضمن أيه اللي ممكن يحصلها في غيابك

و ترجع لنا بألف سلامة أن شاء الله

**medo_msmsa** · 01-01-2009 09:58 AM

على فكرة انا معاك يا استاذ mnageeb في فكرة انك تشتري عربية مستعملة
انا نفس ظروفك بالظبط بس انا في السعودية لما نزلت الصيف اللي فات كنت نازل 50 يوم وكان عندي عربية وبعتها قبل السفر ولما نزلت قضتها تاجير وعلى فكرة بالتجربة العملية فكرة فاشلة جدا لأن أولا انت بس مش بتدفع تمن التأجير بس انت عندك كلوات زيادة وأكيد انت هتأجر وتسافر تصيف او كده فحتى لو هتأجر مده هيقف اليوم ب110 او 120 مع الكلوات بتوصل 150 ولو لا قدر الله حصلت ليك حادثة هتشيل الليلة كلها يعني بيبقى العربية متأمن عليها وبياخدوا فلوس الحادثة من التأمين وبرضة بتدفع انت كل اللي بايظ في العربية مش بس اللي ترتب على الحادثة
فكرة انك تشتري عربية كويسة على اساس انك حتى لو جبت لانوس ب50-53 ألف لو تمنها هيقل مش هيبقى 5 ألف في السنة يعني وبالتالي هي فكرة عملية
لو ربنا وفقك وجبت عربية كويسة وحالتها تمام ومش عاملة كيلوات كتير هتروح برضة للميكانيكي اول لما تجبها بس عادي 3-4 ساعات تغير سيور وفلاتر ويبصلك عليها لو عايزة حاجة تاني وخلاص مدة الشهر مش هتحتاج تروحلة ان شاء الله
بدل فلوس العربية معاك ومش هتثتسمرها في حاجة خلاص دوس بدل ما تركنها في البنك وقيمتها بتقل
على فكرة انا بفكر نفس تفكيرك بس عايز نوبيرا وان شاء الله الامور تتسهل واجبها
أسف على الاطالة انا حاسس اني رغيت كتير

**lol656** · 11-01-2009 01:49 AM

يا راجل اتوكل علي الله واشتري مستعمل وحتبقي ذي الجديد معاك لان استعمالها حيبقي خفيف جدا والله مش حتغرم غير البطاريه بس

-

الموضوع: مطلوب نصيحه فى اختيار شرائي للدايو

LinkBack

أدوات الموضوع

عرض

-

-

-

-

المواضيع المتشابهه

المراجعة النهائية قبل شرائي الهاي لاين!

مطلوب مساعدة فى اختيار الالوان

قصة شرائي لميجان 2005

مطلوب نصيحه

مطلوب نصيحه

الكلمات الدلالية لهذا الموضوع

المفضلات

المفضلات

ضوابط المشاركة