اقتباس المشاركة الأصلية كتبت بواسطة Sameh مشاهدة المشاركة
تسونامى مش إعصار ولا ظاهرة جوية وإلا كان يمكن التنبوء بيه ، إنما هو أقرب للزلزال ، وهى ظاهرة معروفة وإسمها العلمى (تسونامىtsunami) يعنى ده مش إسم المكان مثلاً أو الحادث ده تحديداً ، يعنى أى تكرار لنفس العملية دى حصلت أو هتحصل تبقا إسمها تسونامى ، يعنى زى ما بتقول زلزال أو عاصفة أو رعد أو بركان فيه ظاهرة إسمها تسونامى

إزاى بيحصل بقا تسونامى ، بيحصل نتيجة تلات حاجات ، يا إما إزاحة أرضية (زلزال) عنيفة وسريعة تحت سطح البحر لأعلى ، يا إما إنفجار بركانى هائل تحت سطح البحر وده شائع الحدوث ولكن نادراً ما يكون بالقوة الكافية لحدوث تسونامى ، يا إما إصطدام نيزك ذو حجم مناسب بمسطح مائى وده نادر جدا ولم يحدث نقريباً منذ سكن الإنسان الأرض

التلات أسباب دول يؤدوا إلى إرتفاع مفاجىء فى مستوى سطح البحر ، وبالتالى حدوث موجة مد هائلة وسريعة وعنيفة ناحية الشاطئ ، موجة المد دى تدمر أى شئ فى طريقها بمنتهى السهولة وتتقدم بعمق كبير ، ثم يعقبها مباشرة موجة إنحسار أشد نتيجة رجوع جسم المياه الهائل ده بكتلته الكبيرة إلى البحر ثانية نتيجة الميل المرتفع للأرض عن البحر وبالتالى موجة تدمير أخرى تمسح كل ما دمرته موجة المد وتأخذه معها إلى القاع وتترك الشاطىء وقد إختفت مبانيه وسكانه ولم يتبقى غير بعض الأنقاض و الجثث والرواسب

من علامات تسونامى بعد حدوثه وجود رواسب أعماق البحر على الشاطىء بكثافة ووجود كائنات بحرية وأسماك عديدة حملتها موجة المد العنيفة

أنا ماشوفتش الرابط بالمناسبة وماعرفش سمك إيه اللى فيه ، ومش قصدى إن السمك اللى فيه حقيقى ، بس بحاول أشرح تسونامى عشان هو مش إعصار

شكراااااااا ياباشا على التوضيح الرائع