مؤشر البنزين مش شغال مظبوط

**ahmed_bq** · 31-12-2008 09:44 AM

عندي مشكلة غريبة في عربيتي اول مره تحصلي

المؤشر بتاع البنزين اللي في التابلوه واقف في النص ومش بينزل عن كده ...انا كنت مغير زيت ومفول في نفس اليوم وظبطت العداد يحسب الكيلوات ولحد دلوقتي ماشي 480 كيلو بنفس التفويلة

كمان ملاحظ حاجه بس بصراحة مش فاكر هيا كانت كده ولا لأ .. لما بفصل الكونتاكت المؤشر بيفضل في مكانه مش بينزل ...بصراحه مش فاكر هيا كده عادي ولا كان بينزل

اصلح المؤشر ده ازاي ؟؟ وهيتكلف كام ؟؟ واللي يصلحو كهربائي ولا ميكانيكي ؟؟

**aYaBooY** · 31-12-2008 09:53 AM

المفروض انه فيه متخصص عدادات

**ahmed_bq** · 31-12-2008 09:55 AM

اشكرك على الرد السريع بس متخصص عدادات ؟
مش ممكن يكون العيب من السينسور بتاع البنزين مش من العداد ؟ ولو كده هيبقى عايزه كهربائي ولا ميكانيكي ولا متخصص العدادات هوا اللي يعملها؟

**aYaBooY** · 31-12-2008 12:05 PM

المفروض انه الحاجات ديه بتاعت الكهربائي و من الكهربائي بيظهر المتخصص بتاع العدادات و ممكن يكون كل المشكلة من شوية شوائب في العوامة

**ahmed_bq** · 31-12-2008 12:08 PM

هيا اللانسر عوامة ولا سينسور ؟
ولو كان شوائب دي حاجه سهله ولا عايزه وقت من الكهربائي ؟

**marzouk_84** · 31-12-2008 11:15 PM

انا كان عندى المشكلة ده بالظيط و روحتلكهربائى وراء سنترال النزهة 2 شاطر جدا فك طلمبة البنزين و العوامة و قعد يشوف فين العيب لقى قطعة معدر بيسمى مؤشر العوامى اتبرى و بقى ذراع العوامة بيتحرك علية بدون اى مقاومة و ده غلط المهم قعد يجرب كذا واحدة عندة من قطع المعدن المشابهة و الحمد لله المشكلة اتحلت و المؤشر شغال تمام و الحمد للهو انقذنى من شراء عوامة جديدة ثمنها 600 جنية لو محتاج عنوان الكهربائى انا تحت امرك

**marzouk_84** · 31-12-2008 11:17 PM

بالمناسبة عربيتى لانوس2003

**ahmed_bq** · 01-01-2009 08:21 AM

تسلم يا غالي على ردك المفصل ده

انا روحت لكهربائي بس كنت رايحلو بالليل فقاللي هاتها الصبح وكده وهيا العوامه زي منتا قولت بس قاللي حاجه تانيه كمان ... قاللي فول التانك كده ممكن تتظبط لأن ممكن يكون سبب وقوفها كده شوائب في البنزين

بصراحه مكدبتش خبر وفولت لقيت المؤشر طلع فوق خالص ومفيش مشاكل ...رجعتلو تاني قاللي امشي بيها كده يومين تلاته شوف المؤشر هينزل مظبوط ولا لأا ...لو نزل يبقى كانت شوائب ... لو حسيت انه مش مظبوط تعالا

ربنا يسهل ....طب الشوائب اللي في التانك دي مفيش طريقة او حاجه تنضف التانك؟

**marzouk_84** · 03-01-2009 05:33 PM

لا اعتقد ان في ناس بتغسل التانك او مفيش غير انك تفضى التانك و تطلع العوامة و تغشلها بالنزين و فرشى خلى المكانيكى يعمل العملية ده و لو مكانش خلية يطلع العوامة و يحرك الذراع بتاع العوامة و يشوف المؤشر بيتحرك ولا لا و سرعتة في التحرك و خليه يحركة ببطء و لعمل محاكه لحركة الذراع اثناء التفوييل بالبنزين و راسلنى على اخر التطورات