يا عزيزي قد تموت عن اهلك و ناسك (وهي احد مراتب الشهادة ايضا) فمن مات دون ماله ودون عرضه فهو شهيد
انما الشهادة التي نقصدها هي أعظم الشهادة و رأسها
الشهادة في سبيل الله وحده
عرض للطباعة
على فكره كل من يخشى الشهاده والموت فى سبيل الله
انما ذلك من حب الدنيا وتعلقه بها وبزينتها علاوه على خوف اى انسان من الموت فى حد ذاته فكلنا جميعا نكرهه الموت ونخافه وهذا طبيعى جدا لكن لو فكرنا وعقلنا فان كل انسان كتب الله عليه الموت قبل ان يولد فلايظن احد انه سيخلد او سيطول عمره لو لم يجاهد او يستشهد لكن الشيطان يزين له ذلك هذا علاوه على شبح وصوره الموت المرتبطه فى ذهن اى انسان ولكن لنعلم انه عندما سئل رسول الله صلى الله عليه وسلم عن خروج الروح عند الموت فوصفها بانها لحظه صعبه جدا كضربه الف سيف ايا كان عمله حتى لو مؤمن
فتخيلوا معى هل يتحمل اى انسان منا ضربه الف سيف ؟
اكيد لا
ولكن فضل الشهاده ان من يموت شهيد لايشعر بخروج الروح وتخرج روحه من جسده كسيل قطره فى منتهى السهوله ويخفف الله عنه الالم ويطيب دمه ويعافيه من عذاب القبر ويدخله اعلى درجات الجنه مع النبيين وكلنا معرضين ان نموت فى اى وقت وباى طريقه فكل يوم مثلا نرى المئات يموتون غرقا وحرقا وفى حوادث سيارات وقطارات
لذلك فان العاقل هو من يتمنى الشهاده لانها مرتبه عظيمه وايضا لان الانسان لايموت الا مره واحده فلما لاتكون هذه المره شهاده فى سبيل الله وبها يدخل الجنه
اللهم ارزقنا الشهاده فى سبيلك يارب
مش عارف اقول ايه فلسطين بلد عربى محتل وفيه قبل اى حاجة اولى القبلتين ويجب الدفاع عنه وشعبها مسلمين وموحدين بس الجهاد مش كلام زمان كانت الدنيا فيها اشقاء ووحدة وفى 73 كان اخر اتحاد والعرب كلهم فضوها بعد كده دائماً مصر هى اول حائط يتكئ عليه العرب مبقولش احنا فارودة ومحدش يقدر علينا لأ بردوه امكانيتنا ضعيفة لحرب طويلة المدى ودلوقتى الخليج ميقدرش يفتح بقه زى ما عودونا اخرهم يورشو فلوس فعل لأ لأ لأ سوريا اسرائيل طالعة داخلة عليهم حتى وصلوا فوق قصر الرياسة واضح انهما اللى هيوقفو اليهود بيكلمو هنعمل وهنسوى (إذا غضب الله على قوماً رزقهم كثرة الكلام وقلة العمل) ايران اهدافها سابقاها نفسها يرجع المجد الفارسى شوية هنطحن امريكا واسرائيل شوية احنا بنعتبر امريكا صديق محدش عارف ايه امكانتهم وايه استعدادهم عندنا وعندنا طيب متستخدمهم ولا هى حرب دعائية صواريخ بالكوم اضاهر هيطلعوا زى الضافر والقاهر اما احنا فعارفين اللى فيها وبنحسبها مش لازم نكون كلنا زى فلسطين ماهو لما نبقى كلنا كده مين هيلحقنا برده مفيش احنا دولة خيرها فيها بشعبها وارضها ومتنسوش قول النبى الكريم بأننا خير اجناد الارض بس دلوقتى انا كل ما بشوف اخبار عن الشعب الفلسطينى قلب الواحد بتيقطع ومش عارف انام وجالى اكتئاب وانا شايف الاطفال والنساء والشيوخ بيدبحوا ومفيش حاجة فى ايدى وطبعاً اسرائيل تتخذ حماس كذريعة للبطش بالشعب الفلسطينى لانهم من الشعب ومالهومش شكل محدد بس هما اهدافهم ايه نصرة الله ورفعة الوطن ولا اهداف سياسية فى عباءة دينية وضحيتها الشعب الفلسطينى الحكم وملايين المعونات كل مرة اسرائيل تقوم على المدنيين وهما فين بيقاتلوا بيحصل بالفعل ومنهم رجال ثبتوا (إن تنصروا الله فلا غالب لكم )هل من كبيرهم لاصغر واحد اكيد لأ للاسف الكار مستخبيين ،المظلوم الشعب الفلسطينى ، ويا جماعة الحرب عواقبها كارثية واسؤلوا الناس الكبيرة اللى عاصروا الحروب 56 -67-73 هيقولولكم كانت الحياة عاملة ايه احنا عندنا جيش وجيش قوى بس للدفاع عن حدود البلد انا دخلت الجيش وكنت فى المشاه ونشف ريقى لان تدريباتنا مفيهاش هوادة مصر المطلوب منها تفتح المعابر للامدادات (طبية - غذائية- بطاطين - ملابس) ومساعى لوقف التصعيد ودى اكيد بنعملها وارجو ان احنا متاخدناش الحماسة ، الحرب ثبات فهل اللى يروح هيثبت فيها و لو على مصر صدقونى علشان ربنا والجهاد فى سبيله اولا وعلشان اهلى وامى واخواتى اللى جوه وطنى هاعمل اقصى ما فى وسعى كجندى وبالنسبة لفلسطين هقول هاروح واحارب هناك واسيب اهلى لمين انا بالنسبة لى مش هحارب بس اتبرع بفلوس ازور المرضى والمصابين فى مستشفياتنا وبمعهد ناصر اساعد بالتبرع بالدم والحاجات دى عملتها ولسه هازور المصابين وفى اطباء اصدقائى قدمو نفسهم للمساعدة هو ده اللى اقدر اقدموه يمكن يكون موقف سلبى بس هو ده اضعف الايمان بالنسبة لى
اسف على الخطاء فى الاية (إن ينصركم الله فلا غالب لكم) اسف مرةاخرى وربنا يغفرلى.
الاخ الفاضل ابومريم ..... تحياتى على ردود حضرتك الجميله
وليا سؤال ليك على الخاص
جاء رجل إلى النبي صلى الله عليه وسلم فقال : الرجل يقاتل حمية ، ويقاتل شجاعة ، ويقاتل رياء ، فأي ذلك في سبيل الله ؟ قال : ( من قاتل لتكون كلمة الله هي العليا ، فهو في سبيل الله
جاء رجل رسول الله فقال : أرأيت رجلا غزا يلتمس الأجر و الذكر ؛ ماله ؟ فقال رسول الله ( لا شيء له ) فأعادها ثلاث مرار ، و يقول رسول الله ( لا شيء له ) ثم قال : إن الله عز و جل لا يقبل من العمل إلا ما كان له خالصا و ابتغي به وجهه
خدو بالكم من الحديث الأخير ده إن الرجل يغزو في سبيل الله يطلب الأجر والذكر يعني هو كان عايز الثواب بس كان عايز كمان الناس تقول شهيد فلا شيئ له
بصراحه الصوره والتعليق بتاعك ضحكونياقتباس:
بالله عليكم انظروا لابتسامة هذا الرجل الجميلة الذي نحسبه شهيد ولا نزكي على الله احدا كأنه فعلا يرى مقعده من الجنة ولذلك تبسم
يعني اللي ماتوا في 73 من اجل الوطن مش شهدا !!!!!!!اقتباس:
خد بالك
اللى يموت من أجل "الوطن" و ليس "لله" مش شهيد
النية فى العمل هى الأساس
زى اللى يموت ساجد
لو ساجد لله غير لو ساجد لغير الله
برضو انا مش فاهماقتباس:
اقتباس:
أرسل أصلا بواسطة أبومريم
جاء رجل إلى النبي صلى الله عليه وسلم فقال : الرجل يقاتل حمية ، ويقاتل شجاعة ، ويقاتل رياء ، فأي ذلك في سبيل الله ؟ قال : ( من قاتل لتكون كلمة الله هي العليا ، فهو في سبيل الله
جاء رجل رسول الله فقال : أرأيت رجلا غزا يلتمس الأجر و الذكر ؛ ماله ؟ فقال رسول الله ( لا شيء له ) فأعادها ثلاث مرار ، و يقول رسول الله ( لا شيء له ) ثم قال : إن الله عز و جل لا يقبل من العمل إلا ما كان له خالصا و ابتغي به وجهه
خدو بالكم من الحديث الأخير ده إن الرجل يغزو في سبيل الله يطلب الأجر والذكر يعني هو كان عايز الثواب بس كان عايز كمان الناس تقول شهيد فلا شيئ له
أظن دا الرد الواضح للإستفسار ده:
اقتباس:
يعني اللي ماتوا في 73 من اجل الوطن مش شهدا !!!!!!!
__________________
وعاوز اعرف سعادتك رايك ايه
انت طبعا فلسطيني عشان تقول جمله زي دياقتباس:
العزة والكرامة ليست لأنصاف الرجال
ياريت تعرفنا بنفسك
بص يا فندم
الموضوع بسيط قوى
ربنا مش بيحب يكون ليه شريك
يعنى لو عبدنا ربنا ومعاه كمان واحد ماينفعش
لو نذرت أدبح للبدوى عجل لو إبنى نجح يبقى البدوى يدينى الثواب لو يعرف إنما ربنا لأ !
وإحنا بنعبد ربنا والجهاد عبادة والمفروض إن الجهاد والإستشهاد يكونا فى سبيل اللى خلقنا والنية فى المعركة أو الحرب تكون كده
فاللى يموت من أجل أى شئ غير الله يبقى اللى مات لأجله يدخله الجنة !
وجنود 73 ماتوا و"الله أكبر" على لسانهم
وصلت كده وللا إيه؟
طبعا مش حضرتكاقتباس:
عارف إن الكلام مش موجه ليا بس عايز أسأل: هو الفلسطينى بس اللى يقول كده؟
ليه بتعترض على الجملة اللى حضرتك إقتبستها دى ؟
وانا مش معترض على المعني قد مانا معترض على الصياغه
انا شايفها جمله جارحه
فى الاخر اانا مش هحارب الا عشان مصر او اهلى و ناسى و مش معناه انى مش عاوز احارب عشان القدس لا احنا مش فى ايام الكفار و قريش هناخد شويه سيوف و نركب الحصنه و نروح نحارب وش لوش دلوقتى فى طيارات اف 16 و قنابل عنقوديه و معرفش قنابل بتخترق 5 متر فى الارض وبعدين تنفجر !!!!!!! انت ترضى ان اهلك يحصلهم كدا بسبب انك عاوز تجاهد عشان شويه همج اسمهم (حماس ) ادى مجلس الامن قال اوقفو الضرب ولا دا عاوز يوقف ولا دا عاوز يوقف و حماس مش راضيه انا مش فاهم و فاكرين نفسهم بينتصرو ؟؟ معتقدش لما 790 واحد يموت من اهل غزه (مدنيين ) ملهمش فى اى حاجه من اللى حماس بتعملو و ناس غلااااااااااااااااابه
وحماس بتقولك انتصرنا لما تقتلها 20 او 30 او 40 من الجنود الاسرائليين ؟؟؟؟ ولما يتصاب منهم 200 او 300
بس مش متصاب اكتر من 3300 واحد !!!! صح وله انا غلطان
و بعدين معلش انا نفسى القدس تتحرر
محدش يعرف ان علمات يوم القيامه ان الاسرائليين لما يتجمعو فى مكان واحد و يتحرقوا كلهم يبقى يوم القيامه قرب ؟؟
فا لسسه والله اعلم امته هيتحقق
و نفسى الشعوب العربيه تعمل جيش ليها لوحدها يعنى يبقى اكتر من 30 مليون عربى جيش لا يقهر اى حاجه تحصل الجيش دا يطلع يحرر فلسطين و العراق و افغانستان و اى حاجه بدل الكلام الفاضى اللى عمالين يعملوه فى اليمن يروحو السفاره المصريه و يولعو في العلم
وله سوريا الناهردى كانو عاوزين يقتحمو السفاره المصريه ؟؟ و حرقو العلم
طب انا مش فاهم مصر فى ايدها ايه اكتر من اللى بتعملو
والريس حسنى مبارك بيعملو بصراحه حمينا من حاجات كتير وربنا يباركلنا فيه
هو اللى معترض عليه من الحكومه هو الغاز بس لو يوقفوه هيبقو تمام التمام
وناس تقول اطرد السفير الاسرائيلى طب لو طردو هيتكلم معاهم دبلوماسى ازاى عشان يوقت الضرب !!!! حاجات كتيير ناس مش فهماها و عاوزين يخشو حرب و خلاص زى الاخوان المسلمين هنجاهد فى سبيل الله هنطلع و لما قالولهم انتو قولتو وبتاع و هنجبلكو 100 اتوبيس ندخلكو غزه و دافعوا عنها قالولك لا دا كان قصدنا زمان ايام افغانستان ال كانو هيروحو ال :d
وعلى فكره الاخوان المسلمين زى حماس اى حاجه عشان يطلعوا فى الاضواء والسلطه و خلاص
مع انى مسلم بس مبحبهمش
وبس كفايا كدا
عينة الأفراد فى المنتدى ممكن إعتبارها عشوائية فمن المفترض إن الآراء اللى هنا هى فعلا وبنفس النسبة كل الآراء فى الساحة المصرية
بصراحة أنا مصدوم جدا ، كنت فاكر الوضع أحسن من كده لكن الردود اللى بقرأها هنا رجّعت مستوى آمالى كتير قوى لورا
للأسف مش الجيل ده هو اللى هيرفع راسه ، ولا اللى بعده ، جايز اللى بعد بعده أو الله أعلم ربنا هيستبدلنا بمين
وآسف على عدم القدرة على المشاركة فى هذه المناقشة أكثر من ذلك
السلام عليكم و رحمة الله و بركاته
أخى العزيز دكتور / أحمد
صدقنى أنا متابع الموضوع من اوله و متابع ردود حضرتك أيضاً.
طبعاً فيه ردود كتير تستفذ مشاعر أى مسلم غيور على دينه و دين الله و قلبه على إخوانه فى الله و فى الإسلام و طبعاً لوجه الله تعالى و إبتغاء مرضاه الله , وعلى النقيض فيه ناس مش حاسة أو فاهمة المعنى الحقيقى للإسلام و تعاليم الله و رسوله
يقول الله عز وجل فى كتابه الكريم :
بسم الله الرحمن الرحيم ( و أطيعو الله و أطيعو الرسول ) صدق الله العظيم
و قال صلى الله عليه و سلم
( تركت فيكم ما إن تمسكتم به لن تضلوا بعدى أبدا كتاب الله و سنتى ) صدق رسول الله صلى الله عليه و سلم
و للأسف ليس معنى الإسلام أن يكتب فى البطاقة أو شهادة الميلاد مسلم فقط و لكن الدين المعاملة
و فى الوقت الحالى لا توجد ثقافة دينية عند معظم الشباب و هو هدف الغرب و اليهود و هو أن يكون المصحف فى بيتك أو عربيتك منظر بس و البعد عن كل تعاليم الإسلام و عن سنه المصطفى صلى الله عليه و سلم
و الله أنا كنت سعيد جداً بردود حضرتك و بحسد حضرتك على هدوء الأعصاب فى ردودك لأن مع إحترامى للردود الخاصة ببعض الأعضاء و لكن غالبيتها مندفعة و ماشية مع التيار الخاطىء و بس دون وعى حقيقى لمفهم النية فى التعامل و أهداف الإسلام و المسلمين و الغالبية العظمى تغفل عن أن الذنب لا يبلى و الديان لا يموت يا بن آدم إفعل ما شئت كما تدين تدان.
و صدقنى حضرتك فى ناس كتير و الحمد لله فاهما كلام حضرتك و مغزاه و أنا مش لاقى كلام يعبر عن سعادتى بكلام حضرتك و الله و غيرتك على الإسلام و المسلمين , و مش عارف إيه الدور اللى نعملو عشان نفوق الشباب و يرجعو لتعاليم ربنا و رسوله الكريم و صدقنى ممكن نكون النواه اللى بيها ينمو الشعور الإسلامى الجميل بالأخوه و المحبة و المودة و الغيرة على الدين و الله و الرسول و الأهم هو إخلاص النية لوجه الله
أرجوك إستمر و دا لوجه الله و هو هدفك و هدف كل المسلمين
بارك الله فيك و فى كل مسلم غيور على دين الله الإسلام
و ما تنسانيش يا دكتورنا
أنا معاك
ومعانا ناس كتير
انا مش معاكووووووووو :shyy:
يا دكتور احمد عاوز اسالك سؤال اكيد حضرتك حضرت حرب 73 و اكيد برضو حضرتك معانا دلوقتى ربنا يكرمك كدا و يزيدك فى العمر ممكن حضرتك تقولى الفرق بين قبل سنه 73 و دلوقتى مصر عامله ايه
تانى حاجه معلش يا دكتور احمد انا برخم عليك شويه
انا جدى بسم الله ما شاء الله مولود سنه 1910 لسه لحد دلوقتى عايش يعنى هيتم فى الشهر اللى جى دا 99 سنه حضر ثوره 19 اه كان صغير بس بيقولى مشيت معاهم حارب فى اليمن كان ماسك مهمه فى حرب 73 كان من الاخوان بتوع زمان جه اليومين دول بيقولى يبنى ماتحربوش ولا تفكرو انكو تحربوا احنا دلوقتى مش زى الايام بتاعت اليمن و الكويت و 73 ولا الاستنزاف و الكلام دا كلو فا ايه رايك
حددلي بالظبط عاوز تعرف ايه عني وانا هرد عليك بمنتهى الامانه حتى لو بعتلي 100 سؤالاقتباس:
هرد عليك بس لما ابقى اتعرف عليك الاول
اسمك بس مش اكتر بس متقوليش عزبي عشان انا بعرف اقرا انا قصدي محمد عزبي ولا ادهم عزبي ولا ايه
أحمد العزبي
بص يا أحمد باشا أنا مش عارف أيه اللي يضحك في صورة واحد مات وهو بيجاهد في سبيل الله و بعد ما مات وشه ابتسم و مستغرب و شامم ريحة سخرية بس ربنا يسامحك
بخصوص حرب رمضان او اكتوبر73 في كتير من الناس متعرفش ان القوات المسلحة قبل الحرب بفترة كان الجنود على الجبهة جالهم حالة من الاحباط نتيجة لحالة الجمود اللي كانوا فيها ولا هما بيحاربوا ولا هما قاعدين في بيوتهم فالقوات المسلحة قررت شحنهم معنويا استعدادا للحرب و جابت مجموعة كبيرة من الشيوخ و العلماء ودخل العلماء والمشايخ دول مع الجنود في الثكنات و المخابئ و قعدوا يذكروهم بفضل الجهاد (في سبيل الله) وفضل الشهيد عند الله و أجر الشهيد وإن الحرب دي جهاد في سبيل الله لطرد المعتدي عشان كدا كان شعار الحرب في 73 هو كلمة الله أكبر و نحسب اللي ماتوا في حرب 73 ماتوا شهداء في سبيل الله
لكن إن الإنسان يموت في سبيل التراب دا مش في سبيل الله ودا مش كلامي دا كلام النبي صلى الله عليه و سلم و بالتالي اللي بيموت عشان يرفع اسم مصر عاليا مش عشان كلمة الله تكون هي العليا فهو مش شهيد (ممكن الانسان يجمع النيتين مع بعض بس الاساس ان تكون كلمة الله هي العليا)
يا جماعة العملية لو كانو العرب يملكو القدرة على المواجهة كانوا عملوها لازم نشوف كل دولة على حدة اولا : مصر بتملك جيش نظامى قوى قادر على حماية حدودها وعلى امن وسلامة الدولة لكن لازم نبص لظروف البلد الاقتصادية لو حربنا اقتصادنا هيدمر وبكرر اسئلو الناس اللى عايشت حرب 67 ، 73 هيقولوكم كانوا عايشين ازاى فى صلف من العيش وستستنفذ موارد الدولة والعيشة اللى اى حد فينا عايشها متوافر فيها كل حاجة نقول كمستوى فوق متوسط مش سهل الواحد يستغنى عنه بمزاجه لو جت حرب مش هنفرح .
القوات الاسرائيلية جيش نظامى قوى يملك من العتاد والتسلح ما يعادل اسلحة الجيوش العربية مجتمعة ففى القوات الجوية حدث ولا حرج بيصنعوا f16 والصواريخ المحملة عليها مثل الامرام والسايدوندر وطائرات بدون طيار وفى الطريق f35 هيستلمو جزء وهيصنعوا الباقى بالتعاون مع الولايات المتحدة وانظمة الدفاع الجوى ومعظم انواع الصواريخ سواء ارض-ارض متوسطة وبعيدة المدى و ارض - جو فنقدر نقول قوات جوية تملك الكم والتقنية والتدريب اللازم العرب معظمهم يملك سلاح بدون خبرة فى الاستخدام فمثلا دول الخليج بتشترى اسلحة ومعظمها طائرات مصر مش قادرة تشترى ربعها وطبعاً كل ده تحت اشراف امريكى فالسعودية فى طريقها ان ترسانتها الجوية ستصبح ثانى قوة جوية ضاربة بعد اسرائيل والطيارين السعوديين بيحتلوا المرتبة الثانية بعد الطيارين المصريين على مستوى الدول العربية
وللاسف القواعد الامريكية لا تعد ولا تحصى فى السعودية وفى قطر قيادة القوات المركزية الامريكية فى البحرين قيادة القوات البحرية الخاص بالقطع المتمركزة بالخليج والكويت زى السعودية الامارات بتشترى وبتنوع فى السلاح الجوى (f16 - ميراج - رافال) طيارات بتترص على الارض ولسه بيطلبوا معلمين طيارين من مصر مش حاجة تضحك طبعاً الباقين على قدهم اما الشمال الافريقى ليبيا بتشترى ومش فاهمة هى بتعمل ايه والبركة فى الزعيم شوية ميج على شوية f16 ومش فاهم حاجة خالص الجزائر مشاكلها الداخلية مخلياها باصة وراها وعموماً تونس والمغرب على قدهم برده اما الاردن فحليف قديم للاسرائيل مفيش كلام سوريا بتتشدق بان عندها منظومات دفاع جوى حديثة وطائرات روسى ميج 29 سوخوى 30 وطبعاً كلام كلام الاختراقات الاسرائيليةعلى ودنه اما ايران تملك جيش نظامى قوى وتتفاخر دائماً بقواتها البحرية اكثر سلاح سهل ابادته سلاح جوى روسى تعبان من طائرات الميج القديمة والحديثة بدون قطع غيار وفى مقارنة للقوات الجوية الايرانية والسعودية فى احدى كتب المشير عبدالحليم ابوغزالة وذلك فى اوائل التسعينات تفوق السلاح الجوى السعودى على الايرانى وبالفعل السعودية عدت f16 - f15 - ميراج - تايفون فايران بتتشدق باسحة ليس لها وجود غواصات - طائرات - صواريخ مدى مختلف كله صناعة ايرانى وطبعاً فى الاصل من الصين وكوريا وتم تعديل المسمى لمنتج ايرانى قال ايه طائرة مقاتلة ذات بصمة رادارية منخفضة فين المصانع اللى تصنع ده والعلماء والخبراء ايرانيين لا يوجد المان - روس - امريكان لا اعتقد سلاح الايرانيين متقادم اما النووى لسه متصنعش وخلينا مع ايران ونجاد والشيعة والمجد الفارسى المزمع احياءه
ام احنا سلاحنا الجوى بنخده بالقطارة يدوب يدافع عن البلد وكل ماتجيلنا حاجة اسرائيل توقفها رحنا للروس بردوه ورانا بس ربنا يسهل ونجيب الميج دا احنا لسه مشغلين الميج 21 هو فى بعد كده اما القوات البرية والمدرعة عددها محترم جداً واسلحة الدفاع الجوى قال ضابط اسرائيلى مص محاطة بغابة من الاشجار اقصد صواريخ الدفاع الجوى وكله طبعاً دفاعى بيدونا سلاح دفاعى بس علشان خيفين من مصر يبقى لو بالعقل يوم ما العرب هيحاربو هيقولو يلا يا مصر ده اللى اكل عايزه مش الحرب تمعن وتدبير احنا معندناش اللى يسمحلنا بحرب طويلة المدى مع اسرائيل مش امريكا اسرائيل معاها الحليف الدائم وخط الدعم الذى لا ينتهى اما احنا بنعتمد على جهودنا المعسكر الشرقى الروسى اندفن وخلص واللى يعتمد عليهم يروح فى داهية فى 73 بفضل المولى عز وجل وبفضل ايماننا انتصرنا اولا لنصرة الله عز وجل ومن اجل الشهادة ثانيا من اجل الارض اللى عايش عليها كل من احب واعتقد رجال 73 معظمهم ان لم يكن كلهم كانو بيفكروا بنفس الشكل ، الحرب كل عايزين نجاهد بس هل جاهزين هو ده السؤال ؟؟؟؟؟؟؟؟؟؟؟
يا جماعة العملية لو كانو العرب يملكو القدرة على المواجهة كانوا عملوها لازم نشوف كل دولة على حدة اولا : مصر بتملك جيش نظامى قوى قادر على حماية حدودها وعلى امن وسلامة الدولة لكن لازم نبص لظروف البلد الاقتصادية لو حربنا اقتصادنا هيدمر وبكرر اسئلو الناس اللى عايشت حرب 67 ، 73 هيقولوكم كانوا عايشين ازاى فى صلف من العيش وستستنفذ موارد الدولة والعيشة اللى اى حد فينا عايشها متوافر فيها كل حاجة نقول كمستوى فوق متوسط مش سهل الواحد يستغنى عنها بمزاجه لو جت حرب مش هنفرح بعد كده بالنتائج لان مفيش وحدة ومش هنحقق حاجة.
القوات الاسرائيلية جيش نظامى قوى يملك من العتاد والتسلح ما يعادل اسلحة الجيوش العربية مجتمعة ففى القوات الجوية حدث ولا حرج بيصنعوا f16 والصواريخ المحملة عليها مثل الامرام والسايدوندر وطائرات بدون طيار وفى الطريق f35 هيستلمو جزء وهيصنعوا الباقى بالتعاون مع الولايات المتحدة وانظمة الدفاع الجوى ومعظم انواع الصواريخ سواء ارض-ارض متوسطة وبعيدة المدى و ارض - جو اما القوات البرية فانصاف رجال وده اذا كانو اساساً رجال يتهيئلى كلنا شوفنا الشدة الثقيلة بتاعتهم صباح الدلع يا معلم يجولنا فى اى مشروع حرب يعرفوالمرجلة على حق بيحاربو من ورا حصن دائما والجيل الجديد مش زى اللى احنا حاربناهم فى 73 عقيدتهم القتالية عايز اعيش قواتهم المدرعة عدد كبير مش فعال بفضل الميركافا الفاشلة عملياتياً فنقدر نقول قوات جوية تملك الكم والتقنية والتدريب اللازم والباقى على قده العرب معظمهم يملك سلاح بدون خبرة فى الاستخدام فمثلا دول الخليج بتشترى اسلحة ومعظمها طائرات مصر مش قادرة تشترى ربعها وطبعاً كل ده تحت اشراف امريكى فالسعودية فى طريقها ان ترسانتها الجوية ستصبح ثانى قوة جوية ضاربة بعد اسرائيل والطيارين السعوديين بيحتلوا المرتبة الثانية بعد الطيارين المصريين على مستوى الدول العربية
وللاسف القواعد الامريكية لا تعد ولا تحصى فى السعودية وفى قطر قيادة القوات المركزية الامريكية فى البحرين قيادة القوات البحرية الخاص بالقطع المتمركزة بالخليج والكويت زى السعودية الامارات بتشترى وبتنوع فى السلاح الجوى (f16 - ميراج - رافال) طيارات بتترص على الارض ولسه بيطلبوا معلمين طيارين من مصر مش حاجة تضحك طبعاً الباقين على قدهم اما الشمال الافريقى ليبيا بتشترى ومش فاهمة هى بتعمل ايه والبركة فى الزعيم شوية ميج على شوية f16 ومش فاهم حاجة خالص الجزائر مشاكلها الداخلية مخلياها باصة وراها وعموماً تونس والمغرب على قدهم برده اما الاردن فحليف قديم للاسرائيل مفيش كلام سوريا بتتشدق بان عندها منظومات دفاع جوى حديثة وطائرات روسى ميج 29 سوخوى 30 وطبعاً كلام كلام الاختراقات الاسرائيلية على ودنه وتملك سوريا قوات برية لها الحق ان تفخر بها رجالة 73 حاربو 3 ايام وشرفونا واليهود كانو هايخشو دمشق لولا العراقيين الله يرحم ايامهم بجد اما ايران تملك جيش نظامى قوى وتتفاخر دائماً بقواتها البحرية اكثر سلاح سهل ابادته سلاح جوى روسى تعبان من طائرات الميج القديمة والحديثة بدون قطع غيار وفى مقارنة للقوات الجوية الايرانية والسعودية فى احدى كتب المشير عبدالحليم ابوغزالة وذلك فى اوائل التسعينات تفوق السلاح الجوى السعودى على الايرانى وبالفعل السعودية حالياً تملك f16 - f15 - ميراج - تايفون اما ايران بتتشدق باسحة ليس لها وجود غواصات - طائرات - صواريخ مدى مختلف كله صناعة ايرانى وطبعاً فى الاصل من الصين وكوريا وتم تعديل المسمى لمنتج ايرانى قال ايه طائرة مقاتلة ذات بصمة رادارية منخفضة فين المصانع اللى تصنع ده والعلماء والخبراء ايرانيين لا يوجد المان - روس - امريكان لا اعتقد سلاح الايرانيين متقادم اما النووى لسه متصنعش وخلينا مع ايران ونجاد والشيعة والمجد الفارسى المزمع احياءه
ام احنا سلاحنا الجوى بنخده بالقطارة يدوب يدافع عن البلد وكل ماتجيلنا حاجة اسرائيل توقفها رحنا للروس بردوه اليهود ورانا بس ربنا يسهل ونجيب الميج دا احنا لسه مشغلين الميج 21 هو فى بعد كده اما القوات البرية والمدرعة عددها محترم جداً واسلحة الدفاع الجوى قال ضابط اسرائيلى مصر محاطة بغابة من الاشجار اقصد صواريخ الدفاع الجوى وكله طبعاً دفاعى بيدونا سلاح دفاعى بس علشان خيفين من مصر يبقى لو بالعقل يوم ما العرب هيحاربو هيقولو يلا يا مصر ده اللى الكل عايزه مش الحرب تمعن وتدبير احنا معندناش اللى يسمح لنا بحرب طويلة المدى مع اسرائيل مش امريكا اسرائيل معاها الحليف الدائم وخط الدعم الذى لا ينتهى اما احنا بنعتمد على جهودنا والمعسكر الشرقى الروسى اندفن وخلص واللى يعتمد عليهم يروح فى داهية فى 73 بفضل المولى عز وجل وبفضل ايماننا انتصرنا اولا لنصرة الله عز وجل ومن اجل الشهادة ثانيا من اجل الارض اللى عايش عليها كل من احب واعتقد رجال 73 معظمهم ان لم يكن كلهم كانو بيفكروا بنفس الشكل وانا مش شايف تعارض ، بالنسبة للجهاد كلنا عايزين نجاهد بس هل جاهزين هو ده السؤال ؟؟؟؟؟؟؟؟؟؟؟