تجربتى مع الميرا موديل 2000

**rrchico** · 01-01-2009 01:48 AM

تجربتى مع سوسن الميرا موديل 2000

العربية تجميع ملوش حل و قطع الغيار بحطها و بنساها بجد و هى فى نقط كالاتى :
1) التجميع ملوش حل فى حوالى 11 ثانية او 12 على اقصى تقدير و لما بقرص بتبقى 9 ثوانى مع الحرق
2) النعومة منتهى النعومة مع انها صغيرة لدرجة ان حتى صوت العربية مش مسموع و ببقى حعمل كذا حادثة بسبب كدة بجد
3) السرعة القصوى 160 و بتجيبهم 160 فعلا بس ببقى حارق شوية على الموتور
4) الثبات تمام لغاية 130 بعد كدة العربية لعبة على الطريق
5) لازم تغيير جنوط 13 بدل 12 علشان العربية بتحك تحت فى اى مطب بجد بطريقة مقرفة
6) قطع الغيار بتنساها لمدة 3 سنين بس حط الاصلى
7) العربية مش اى حد بيفهمها بس هى كبيرة من جوة مش ذى شكلها المدمج
8) اى حاجة بتتعمل فى الشكل بتديها جمال لانها انسيابية بشكل رهيب ...
9) قطع غيارها غالية بس ثمنها فيها زى ما قلت
10) اكتر عربية بيسألونى عليها و انا ماشى بجد فى اليوم مرتين او تلاتة
11) بحط 20 لتر بنزين بتمشينى 380 كيلومتر
12 ) اكتر عربية ممكن تركنها فى خرم ابرة
13) عامل الامان فى العربية عالى من صاج و فولاذ ابواب و كل حاجة
14 ) سعرها من 30 الى 39 و انا بتاعتى جايبالى 42 عشان مواصفات خاصة ... بس بجد انصح اى حد عايز يشترى يجيبها مستعملة و لو حب يجيب الزيرو مفيش الا البرودوا الكليسا من هاشم باص هى هى بس ماليزى بس تحفة و بيشكروا فيها قوى لانها نفس قطع غيار الميرا ,
شكرا يا شباب و ارجو اكون افدتكوا ..

**rrchico** · 01-01-2009 02:02 AM

**احمد عز** · 01-01-2009 02:46 AM

بسم الله ما شاء الله شكلها حلو انا انا تقريبا شفتها فى الاوتو كروس ربنا يباركلك فيها

**rrchico** · 01-01-2009 02:52 AM

اة انا فعلا كنت هناك يا احمد باشا ... و كنت بس راكن على جنب عشان الزحمة و الهيصة .... ميرسى ل زوقك و عجيبنى قوى اسم " احمد عز " ما تيجى نعمل حديد تسليح للعربيات :) بهرج يا مان

**Sharky** · 01-01-2009 11:12 AM

اتفق معاك فيما قلته لكن أختلف معاك فى الاتى

المشاركة الأصلية كتبت بواسطة rrchico

2) النعومة منتهى النعومة مع انها صغيرة لدرجة ان حتى صوت العربية مش مسموع و ببقى حعمل كذا حادثة بسبب كدة بجد

بالعكس صوت العربية مش هادى خالص بالعكس صوتها عالى شوية علشان 3 سلندر

المشاركة الأصلية كتبت بواسطة rrchico

3) السرعة القصوى 160 و بتجيبهم 160 فعلا بس ببقى حارق شوية على الموتور

أقصى حاجة شفتها كانت 140 كم 4)

المشاركة الأصلية كتبت بواسطة rrchico

الثبات تمام لغاية 130 بعد كدة العربية لعبة على الطريق

الثبات لحد 100 كم كويسو بعد كده ضياع

المشاركة الأصلية كتبت بواسطة rrchico

13) عامل الامان فى العربية عالى من صاج و فولاذ ابواب و كل حاجة

الأمان فيها مش عالى

[/QUOTE]

**rrchico** · 01-01-2009 09:09 PM

المشاركة الأصلية كتبت بواسطة Sharky

اتفق معاك فيما قلته لكن أختلف معاك فى الاتى

بالعكس صوت العربية مش هادى خالص بالعكس صوتها عالى شوية علشان 3 سلندر

أقصى حاجة شفتها كانت 140 كم 4)

الثبات لحد 100 كم كويسو بعد كده ضياع

الأمان فيها مش عالى

[/QUOTE]

sharky اولا ميرسى انك رديت .. ثانيا انا بجد و الله صوت العربية ناعم لدرجة انى كتير ببقى واقف و بدور المارش تانى لانى بفتكرها مطفية ... ممكن يكون عندك مشكلة او قواعد الموتور مش تمام لانها عملت كدة فترة عندى و غيرت القواعد بقيت تمام تانى ....
موضوع الثبات بقى انا لغاية 130 معايا مش بحس بحاجة ولا حتى رعشة لان جنوطى نضيفة و مترصصة و كلة تمام ... موضوع بقى ال 160 انا خليت م / محمد عبد الصمد فى التوكيل شافة بنفسة و هو كمان جرب و جابها بيها و قاللى ماشاء الله الماكينة عندك فايقة .. و الحاج سيد الفراش فى الحرفيين لقطوة رادار 150 ب ميرا و هو نفسة بيقللى انا مش واخد باللى لقيتهم سحبين الرخص 150 :)
ربنا يحافظ علينا كلنا و انا اصلا ب امن قوى ان ممكن عربية تبقى بتجرى و متظبطة و فى نفس الموديل بس الميكانيكا متعارضة مع بعض و بيسموها فى المانيا machine spirit او روح الماكينة و بيدرسوها هناك ... نهارك لذيذ :)

**أبو عبدالله** · 01-01-2009 01:14 PM

ربنا يباركلك فيها
انا بحب العربيه دي جدا لأنها فعلا جميلة داخل البلد وشكلها جميل وشيك

العربيه فعلا مميزات كما ذكرت
وانا رأيي انا افضل عربيه في فئتها من حيث الاعتمادية والكفاءة والقوة والشكل من رايي