عربيتي البيجو كانت حتتسرق امبارح

**Mahmoud_405** · 01-01-2009 01:50 AM

الحمد الله علي كل شي .. وانا نازل النهارده رايح الكليه ببص في الكالون بتاع العربيه لاقتيه مدمر بمعني الكلمه يعني حتي مش حتعرف تتدخل المفتاح فيه... وبصيت علي عربيه جاري الكيا ريو 2 لاقتيها مفتوحه واتاخد منها الكاسيت ال سي دي بتاعها. الحمد الله انه معرفش يفتح العربيه بتاعتي ودي غلطتي ان الانذار عندي بايظ وكسلت اصلحه بس الخسائر ان القفل باز .. فها ممكن اركب واحد جديد بس يكون علي نفس مفتاح العربيه الاصلي؟؟؟.اصل بايخه قوي مفتاح للباب وواحد تاني للكونتاك
وعلي فكره عربيه والدي الشاهين اتسرق البطاريه بتاعتها يجي من شهر كده وامتي وفين ؟؟؟؟؟!!!!!!!!!. وقت صلاه الجمعة قدام الجامع والله.. حسبي الله ونعم الوكيل .. الناس بعد كده حتسرق بيوتنا واحنا فيها
ياريت كل واحد يشيك علي عربيته ويئفلها كويس وربنا يحفظنا

**blazer** · 01-01-2009 02:19 AM

الحمد لله انها جت سليمه

**احمد عز** · 01-01-2009 02:44 AM

قدر الله وما شاء فعل الحمد لله الى جت على قد كده

**Nour_Peugeot** · 01-01-2009 03:29 AM

يا بااشا قدر الله و مشاء فعل

و صعب يا باشا تجيب مفتاح يكون هو هو بتاع الكونتاكت

و احب اضيف حاجه الاوبل والبيجو اكتر عربيه صعبه جدا فتحها في القفل

عشان المفتاح يعتبر مشفر

و ظبت الانذار بقي

**the-hero** · 01-01-2009 03:57 AM

قدر الله وماشاء فعل كله خير وبركة من عند ربنا انها جت على قد كدا
انت بتجيب طرنبة استيراد وتوديها لبتاع مفاتيح محترف وهو هيخليها تفتح بنفس مفتاح الكونتاك وهيغير القلب بتاعه ويبقى كله تمام ومش مكلفة
والف سلامة على برستيجك

**nour2007** · 01-01-2009 09:12 AM

الحمد لله علي كل شيء قدر ولطف
ربنا يسترها معاك ومعانا
انا عربيتي ال 309 اللي لسه شاريها اكتشفت ان اي مفتاح بيفتحها كبير او صغير وعايز اغير اقفالها ومش عارف بتتباع فين او مين اللي بيركبها لقلة خبرتي في معرفة الصنايعيه لأنها اول عربيه اركبها
عموما لو حد يعرف حد يحللي المشكله دي ويكون في الزقازيق اكون شاكر افضالكم
happy new years

**محمد ابراهيم 1** · 01-01-2009 11:07 AM

فى إسكندريه عباس بتاع المفاتيح جنب المول اللى فى أول شارع سوريا كنت جبت طبلتين جداد يمين وشمال للأبواب ووديتهم له عملهم لى على نفس المفتاح بتاعة الكونتاكت والشنطه وبقت العربيه بمفتاح واحد

**ehabbasha30** · 01-01-2009 01:42 PM

بسم الله
اولا ...الحمد للة جت سليمة ربنا يلطف لان الاحساس بعد السرقة وحش جدا جدا جدا .... اصلى جربتى اكتر من 3 مرات للاسف
ثانيا...موضوع انك تجيب طبلة وتخلى واحد بتاع مفاتيح يعملهالك مش ناجح لانة بيفتح على اى مفتاح ومش امان
ثالثا ... فى طقم بيتباع مع بعضو بابين وكونتاك وشنطة كمان
ممكن فى التوكيل وانا شفت واحد فى عمارات اللى فى اخر جسر السويس عند شبراوى بتاع الطعمية عندة جميع الكوالين والموديلات بس مش فاكر اسمة للاسف
ربنا يستر يا جماعة لان مفيش حاجة دلوقتى مضمونة ابدا وكل شوية تلاقيهم اخترعوا حيل جديدة يسرقوا بيها
الجديد يا جماعة دلوقتى التثبيت فى الشارع
انا واحد حكالى على حاجة زهلت منها قاللى ان واحد صاحبة اعترضة تلاتة شباب واحد فيهم ماسك عصاية اخرها سلسلة وكرة حديد مرضيش يقف راحو كسرولة الزجاج الخلفى
مفيش امان فى اى حتة ولا باى طريقة.... الضامن هو الله
بس انا عاوز اسال سؤال ... لو انا مكانة والعربية كدة كدة فيها خساير كنت لفيت ورحت جاى بسرعة وخبطتة اما يموت او يتعور
ياترى كدة حرام ولا لأ... بصراحة اصلى متغاظ جدا جدا

**Adham** · 01-01-2009 01:44 PM

تشتري قلب كالون جديد و تودية لواحد محترف بتاع كوالين بيضبط البلي بتاع الطبلة على نفس شكل مفتاح الكونتاكت و تشتغل علية

**Mahmoud_405** · 01-01-2009 03:17 PM

الف شكر يارجاله علي الردود... انا صلحته النهارده عند واحد بتاع مفاتيح شاطر قوي (مغيرشي حاجه) قعد يظبط فيه وغير السوست الي جوه الكالون لحد مارجع سليم بس شكله مبعجر حبتين وقالي كده احسن متجيب واحد جديد وبصراحه قلبي كان علي فرشه الباب وهما بيفكوها اصلها كلها كلبسات وصعبه وعايزا حد بيفهم والحمد الله جت سليمه... وزبط الانذار بس الريموت لسه وحش وبيعلق فهل ينفع اشتري ريموت جديد علي نفس الانذار القديم؟؟؟؟؟؟
علي الفكره العمليه كلها اخدت 30 جنيه

الموضوع: عربيتي البيجو كانت حتتسرق امبارح

LinkBack

أدوات الموضوع

عرض

عربيتي البيجو كانت حتتسرق امبارح - انشر الموضوع فى :

-

-

-

-

-

-

-

-

المواضيع المتشابهه

جهاز تتبع للعربية ؟! بعد ما كانت حتتسرق!

السيراتوا كانت حتتسرق :(

عربيتي كانت هتتسرق

اللوجان كانت حتتسرق

الكيا كانت هتولع في شارع شبرا امبارح الحلقه 205

الكلمات الدلالية لهذا الموضوع

المفضلات

المفضلات

ضوابط المشاركة