شقق للبيع بالسادس من أكتوبر - إعلان منقول للفائدة

هذا الإعلان منقول من جريدة الأهرام 31-12-2008 للفائدة لمن يهمه الأمر...
ـــــــــــــــــــــــــ ـــــــــــــــــــــــــ ـــ

وزارة الاسكان والمرافق والتنمية العمرانية
الجهاز التنفيذي للمشروعات المشتركة

يعلن عن فتح باب الحجز لوحدات سكنية بمشروع الجهاز بمدينة 6 أكتوبر منطقة جنوب الأحياء - القطعة 75 - بمساحات 94-84-76 متر مربع - تشطيبات كاملة
توقيتات بدء الحجز:

نموذج 94م: 17-01-2009
نموذج 84م: 19-01-2009
نموذج 76م: 20-01-2009

يغلق باب الحجز فور تمام حجز الوحدات المطروحة
يتم الحجز والاستعلام وشراء كراسة الشروط من مقر المشروع:
المشروع الأمريكي بجوار مساكن أطلس
غرب طريق الأتوستراد - حلوان
ت:25366033
27645546
ـــــــــــــــــــــــــ ـــــــــــــــــــــــــ ــــــــــــــ
لو عرفت تفاصيل عن الأسعار هابقى أقولكم

متابع باهتمام

وانا كمان جدا

مفيش جديد؟؟؟؟؟؟؟؟؟؟؟؟؟؟؟؟؟

اقتباس:

---

المشاركة الأصلية كتبت بواسطة eng/muhamad

مفيش جديد؟؟؟؟؟؟؟؟؟؟؟؟؟؟؟؟؟

---

حاولت اتصل بيهم النهاردة بس للأسف نليفوناتهم مرفوعة مؤقتا من الخدمة - اعتقد ان ده بسبب الضغط على التليفونات - ياريت لو فيه حد من الأخوة الأعضاء ساكن في حلوان وقريب من مقر الجهاز يقدر يجيب لنا معلومات يبقى له جزيل الشكر "المشوار بتاع حلوان ده صعب قوي لو كانوا عملوا الحجز في مقر المشروع كان أسهل!!"

ملحوظة انا ذكرت خطأً في الموضوع الأصلي "ان الحجز والاستعلام بمقر المشروع" وصحتها "بمقر الجهاز التنفيذي للمشروعات المشتركة" لذا لزم التنويه ... لمزيد من المعلومات عن الجهاز: http://www.housing-utility.gov.eg/commonprojects.asp

طب منطقة جنوب الأحياء دي تطلع فين؟

متابع باهتمام شديد - وياريت نعرف الشروط ايه .

اقتباس:

---

المشاركة الأصلية كتبت بواسطة TaoTao

طب منطقة جنوب الأحياء دي تطلع فين؟

---

دي يا سيدي المنطقة الواقعة جنوب الأحياء السكنية من الأول حتى السادس، وتحتوي على عدد من المشورعات مثل حي البستان، بيتي، مساكن الإعلاميين،السكرية، الزمالك، اسكان المستقبل، اسكان مبارك للشباب، أرض الاسكان العائلي وبيت العيلة، مشروع التعانيات "109، 103"، بالاضافة إلى جامعة العلوم الحديثة والآداب
الصورة دي بتوضح منطقة جنوب الأحياء وموقع المشروع:

http://www.postimage.org/aV1JHZs0.jpg

انا عندى شقة هناك فى مشروع 103 عمارة - دور ثانى علوى
84 متر - واجهة عمارة- بحرى - نصف تشطيب - قسط شهرى 140 جنيه
ليس عليها اى التزامات اخرى
للبيع بـ 120 الف جنيه وممكن ابدل بسيارة بالمبلغ كله او جذء منه

ممكن تعرفلنا اسعار الشقق ايه ونظام الاقساط

و الشروط المطلوبه

ممكن تعرفلنا اسعار الشقق ايه ونظام الاقساط

و الشروط المطلوبه

حد كلمهم فى الجهاز يا جماعه وعرف الاخبار ؟؟ او لو فى اى شروط مثلا للتقديم ؟؟

• ممكن تفاصيل اكتر من فضلكم

فين صاحب الموضوع

يا جماعة أنا روحتلهم النهاردة في الجهاز من مدينة نصر لحلوان
(مشوار مؤذي جدا) المهم كانت النتيجة الأتي :
1-كراسة الشروط لسة ماوصلتش فكانت النتيجة أن محدش عنده معلومات دقيقة و مؤكدة.
2-طب هتوصل أمتى الكراسة؟ الأسبوع الجاي بس أتصل أسأل قبلها على أرقام التليفونات اللي في الاعلان.(25543084-25564971-25564032)
3-طب يا اخواننا الأرقام دي مبتردش حرام عليكم وفي ناس بتجيلكم من سفر, ازاي دي بترد أوي - حتى جرب تتصل دلوقتي- اتصل أنت بس قبل ماتيجي و ان شاء الله هنرد عليك.
4-المعلومات االلي قدرت أعرفها هي:
- مافيش شروط للتقديم
- سعر المتر لن يقل بحال من الأحوال عن 2400 جنيه, أيوه 2400 جنيه ويمكن أكتر.
- الاستلام كمان سنتين و مواصفات التشطيب للوحدة لوكس
- سعر كراسة الشروط من 75 ل 100 جنيه.
وربنا يوفق الجميع, بس نصيحة أخوية-من واحد لف أكتوبر بحثا عن شقة لحد مابانله أصحاب-الأسعار دي مبالغ فيها جدا و متفرحش بلتشطيب لأنه عادة بيبقى أي كلام وبيتغير كله, اللي عايز شقة ينزل الأحياء ويشوف ويقارن هيلاقي الأسعار أقل من كده و استلام فوري كمان, وعموما أنصح الجميع بالتريث في الشراء, ماحدش عارف الدنيل رايحة على فين و كله قاعد مستني. وماله نستنى أحنا كمان.
السلام عليكم.

اقتباس:

---

المشاركة الأصلية كتبت بواسطة a_tantawy7

- سعر المتر لن يقل بحال من الأحوال عن 2400 جنيه, أيوه 2400 جنيه ويمكن أكتر.
- الاستلام كمان سنتين و مواصفات التشطيب للوحدة لوكس.

---

شكراً على المعلومات
الأسعار مبالغ فيها
وأظن إن لما كراسة الشروط هتنزل هتكون الأسعار أقل

هم شكلهم عايزين يسترزقوا من كراسة الشروط
دي لوحدها تعمل ثروة

اقتباس:

---

المشاركة الأصلية كتبت بواسطة a_tantawy7

يا جماعة أنا روحتلهم النهاردة في الجهاز من مدينة نصر لحلوان
(مشوار مؤذي جدا)

---

شكرا يا افندم على مجهودك وعلى المعلومات وربنا يوفقنا جميعا ان شاء الله

اقتباس:

---

- سعر المتر لن يقل بحال من الأحوال عن 2400 جنيه, أيوه 2400 جنيه ويمكن أكتر.

---

طيب حضرتك ماعرفتش المقدم كام والاسعار دي على فترة سداد قد ايه؟ اصلها طبعا بتفرق يعني لو المتر بــ2400 والتقسيط على 10 سنين مثلا يبقى كويس قوي لكن لو على 3 سنين ولا 5سنين يبقى كتير طبعاً

أستاذ EMSadeck :
أولا: أشكرك على رسالتك واهتمامك
ثانيا: اللي فهمتو أن المقدم هيبقى مش أقل من 60 ألف لأكبر مساحة"نموذج الداليا" و الأقساط على 4 سنين, و ان كنت أفضل أننا نستنى كراسة الشروط. لأن هي اللي هيبقى فيها المعلومات المؤكدة.
وربنا يوفق الجميع.

اقتباس:

---

المشاركة الأصلية كتبت بواسطة a_tantawy7

أستاذ EMSadeck :
أولا: أشكرك على رسالتك واهتمامك
ثانيا: اللي فهمتو أن المقدم هيبقى مش أقل من 60 ألف لأكبر مساحة"نموذج الداليا" و الأقساط على 4 سنين, و ان كنت أفضل أننا نستنى كراسة الشروط. لأن هي اللي هيبقى فيها المعلومات المؤكدة.
وربنا يوفق الجميع.

---

شكراً لردك أخي الكريم

يا جماعه حد جاب كراسه الشروط

ممكن يفيدنا و يقولنا ايه الشروط ونظام الاقساط و الاسعار

يا جماعة هوه حد عرف اى اخبار جديدة عن الموضوع بتاع المشروع دة , يا ريت لو حد عارف يقولنا

آخر الأخبار ان الجهاز قرر تأجيل فتح باب الحجز إلى موعد آخر سيعلن عنه لاحقاً
الكلام ده منشور في إعلان بجريدة الأهرام الأحد 11/1/2009 بالصفحة الثالثة
==========
بجد الناس دي بتستهبل يعني ينزلوا اعلان ويحددوا ميعاد للحجز وفجأة كده يأجلوه وكمان لأجل غير مسمى، طب كان لازمته ايه من الأول؟؟
==========
على أي حال ياريت ياجماعة لو حد عرف اخبار جديدة يبقى يقول لنا

اقتباس:

---

المشاركة الأصلية كتبت بواسطة EMSadeck

آخر الأخبار ان الجهاز قرر تأجيل فتح باب الحجز إلى موعد آخر سيعلن عنه لاحقاً
الكلام ده منشور في إعلان بجريدة الأهرام الأحد 11/1/2009 بالصفحة الثالثة
==========
بجد الناس دي بتستهبل يعني ينزلوا اعلان ويحددوا ميعاد للحجز وفجأة كده يأجلوه وكمان لأجل غير مسمى، طب كان لازمته ايه من الأول؟؟
==========
على أي حال ياريت ياجماعة لو حد عرف اخبار جديدة يبقى يقول لنا

---

كويس أنك لحقتني أنا كنت ناوي أروح بكره. شكرا جزيلا سيدي.

اقتباس:

---

المشاركة الأصلية كتبت بواسطة a_tantawy7

كويس أنك لحقتني أنا كنت ناوي أروح بكره. شكرا جزيلا سيدي.

---

:Ta_clap[1]:
هاهاها الحمد لله اني لحقتك المرة دي :satelite:
لا شكر على واجب يافندم وإن شاء الله هاحاول اتابع برضه لو فيه اي جديد

جزاك الله خيرا

ولو في جديد بلغنا

يا جماعه انا قريت الاعلان فى جريده الاهرام الجمعه 23-1-2009 كاتبين ان المقدم عشرين الف جنيه يا ريت لو حد سال على الشروط يقولنا

وجزاكم الله خبرا

اقتباس:

---

المشاركة الأصلية كتبت بواسطة ahmedadel209

يا جماعه انا قريت الاعلان فى جريده الاهرام الجمعه 23-1-2009 كاتبين ان المقدم عشرين الف جنيه يا ريت لو حد سال على الشروط يقولنا

وجزاكم الله خبرا

---

معلش يا باشا, بس أنت قريته في أنهي صفحة في الأهرام, ومتأكد أنه تبع وزارة الاسكان؟
لأني قلبت الأهرام بتاع الجمعة 23 ومش لاقي حاجة.
أرجو الرد للأهمية الشديدة.

اقتباس:

---

معلش يا باشا, بس أنت قريته في أنهي صفحة في الأهرام, ومتأكد أنه تبع وزارة الاسكان؟
لأني قلبت الأهرام بتاع الجمعة 23 ومش لاقي حاجة.

---

+1
===
آخر خبر ان وزير الاسكان قرر سحب المشروع من الجهاز "كما سحب جميع مشروعات هيئة تعاونيات البناء من قبل" ونقله إلى هيئة المجتمعات العمرانية الجديدة
المصدر:
http://www.almasry-alyoum.com/articl...ticleID=196282

===
ودي كانت نهاية الموضوع...
===
شكرا لكل من شارك بالموضوع وأسف انه الموضوع انتهى على مافيش

اقتباس:

---

المشاركة الأصلية كتبت بواسطة EMSadeck

+1
===
آخر خبر ان وزير الاسكان قرر سحب المشروع من الجهاز "كما سحب جميع مشروعات هيئة تعاونيات البناء من قبل" ونقله إلى هيئة المجتمعات العمرانية الجديدة
المصدر:
http://www.almasry-alyoum.com/articl...ticleID=196282

===
ودي كانت نهاية الموضوع...
===
شكرا لكل من شارك بالموضوع وأسف انه الموضوع انتهى على مافيش

---

حسبي الله ونعم الوكيل. ربنا معانا.