الموضوع: شكل جديد لصني 2009 ؟؟؟

بالمناسبة، الصنى وقف انتاجها بالخارج من كذا سنة. التيدا (و تعنى "الشمس" باليابانى) هى الموديل الذى حل محلها.

المشاركة الأصلية كتبت بواسطة OldVic

بالمناسبة، الصنى وقف انتاجها بالخارج من كذا سنة. التيدا (و تعنى "الشمس" باليابانى) هى الموديل الذى حل محلها.

أنا مش عارف انت جبت الكلام دة منين؟؟؟؟؟؟؟؟؟

الصنى موجودة فى الخارج ولها شكلين: كورى ويابانى
والشكل الكورى أحسن بكثير،، أما التيدا فى فئة تانية من السيارات غير الصنى

المشاركة الأصلية كتبت بواسطة aboenjy

أنا مش عارف انت جبت الكلام دة منين؟؟؟؟؟؟؟؟؟

الصنى موجودة فى الخارج ولها شكلين: كورى ويابانى
والشكل الكورى أحسن بكثير،، أما التيدا فى فئة تانية من السيارات غير الصنى

لا داعى لنبرة التهكم :) الذى أقوله معلومة معروفة للجميع، أما أن المستهلك المصرى يشترى موديلات وقف انتاجها و بأسعارعالية و هو سعيد فدى مش مشكلتى و اهو الحمد لله الزميل تفضل و أكد المعلومة.

و بالمناسبة عندما قرأت ردك بحثت على النت و إليك النتيجة:

The Sunny was produced up to the B15 series, from 1998 to 2007. For the 2005 model year in Japan, the Nissan Tiida took over this market, replacing the Sunny model line

http://en.wikipedia.org/wiki/Nissan_Sunny

يعنى باختصار اللى حضرتك بتشتريه مش معمول لا لليابان و لا لأوروبا.

والله
انا اللى اعرفو
ان الصنى الشكل القديم يعنى اللى فى مصر تقفيل مصرى مليون فى المية والمعلومة دى قديمة جدا
انما الشكل الجديد
اللى اسمعو عنو انو تقفيل كورى
وبينزل الخليجى بس
وبدأ ينزل مصر بس عن طريق تجار الخليجى
وواحد صاحبى اشتراها زيرو خليجى من غير ضمان
قالى كويسة وكل حاجة وشكلها مميز ولحد دلوقتى مظهرش حاجة على العربية تقول انها كورى

يا جماعة كلكوا صح
التيدا نزلت كبديل عن الصنى او الpulsa (اسم تانى للصنى بتنزل بيه بره).
الفكرة ان مسميات نيسان للعربيات كتيييير اوىىىى و نيسان بتنزل فى كل دولة عربية تحت اسم مختلف , يعنى الصنى عندا غير عند دول تانية فى اوروبا و كله مختلف عن الخليج كدا مثلا (مجرد مثال).
انما فعلا التيدا بره هى البديل لل pulsa او الصنى (الكلام دا من اخر 2004 يعنى اول 2005).
فى نفس الوقت الصنى كملت بنفس الاسم فى بعض دول الخليج باسم الصنى بس الفكرة انهم باعوا عربية تانية خالص و سموها صنى العربية التانية دى انتاج مشترك بين نيسان اليابانية و سامسونج الكورية و اسمها فى امريكا الجنوبة و بقية دول العالم (ماعدا الشرق الاوسط) nissan almera.
و ادى اللينك
http://en.wikipedia.org/wiki/Renault_Samsung_SM3
الفكرة ان فى تجار فى مصر افتكروها الصنى الجديدة و اشتروها من الخليج و باعوها فى مصر على انها الصنى الجديدة , للعمل العربية دى متصنعة فى مصانع سامسونج اللى فى كوريا (يعنى مش يابانى 100%).
يعنى من الاخر احنا فى مصر ماشيين صح , الخليج هو اللى مشاى غلط فى المسميات , يعنى التيدا فعلا حلت محل الصنى , العربية الalmera دى اللى مسمينها صنى فى الخليج دى بديل لعربية تانية غير الصنى بتاعتنا.
اساسا الصنى اللى بتتجمع فى مصر مسمهاش صنى فى الاساس فى معظم الدول ماعدا الشرق الاوسط و يمكن كام دولة تانية
حصل خير بالنسبة للاختلاف اللى بين الناس و كلكوا صح فى الاخر.