الموضوع: ياجماعة اناا اسف جدا على الموضوع الى كنت عاملة بتاع 170كم

ربنا يهدى الجميع ويهدينى ...فعلا السرعة ووووحشة جدا
ربنا يوفق

تمهل فليس لك إلا حياه واحده

بالمناسبة
طريق العلمين خطر جدا للسرعات العالية لان ملفاته مميتة خلوا بالكم يعنى ما ينفعش حد يقفل فيه العداد

وبعدين بهدوء وبعقل

هى حتفرق اد ايه فى الوقت لو مشيت بسرعة او مش بسرعة

دقائق والله لكن الفرق فى حياتك انت واللى معاك حيكون اغلى من كده بكتيييييييييييييييييييييي يييييييييييييييييييرررررر ررررررررررررر

سلامى للجميع

أتمنى فعلاً ان ربنا يهدينا كلنا و نبطل جري بس أنا بافكر فى حاجه... كل واحد فى الدنيا ديه له "كيف" أو مزاج يعنى فى حاجه معينه... الحاجه ديه هى اللى بتوصللو الأحساس بالمتعة... و طبعاً زى ما احنا عارفين الحاجه ديه بتختلف من واحد للتانى، يعنى مثلاً فى ناس بتجد متعتها فى المزيكا، فى ناس متعتها الكوره، و فى طبعاً حاجات تانيه زى المعاكسه مثلاً أو البنات أو المخدرات...الخ، المهم أن فى ناس - و اعتقد انهم كثيرين فى المنتدى هنا - متعتها فى السرعه... أنا مش بتكلم على واحد لسه حيفكر و يعقل و كده... أنا بتكلم على الأحساس باللزه أو المتعه المطلقه Feel the rush and the sensation(رغم انها فى لحظه ممكن تقلب نكد) - ازاى بقى نقدر نوفر لنفسنا المتعه ديه بس بطريقه امنه اكثر و ما يكونش فيها أزيه لحد؟ لأن من الأخر و بصراحه هو ده بيبقى المنفس اللى بينسيك همومك و يصبرك على البلاوى اللى بتشوفها كل يوم و كل ساعه!!! السؤال... نعمل ايه فى روحنا؟ بره و فى دول زى الأمارات ابتدو يزودو السباقات المحليه و الحلبات الصغيره للهواه... هل ممكن يكون ده حل لينا؟ اللى عايز يجرى أو يشد مع واحد صاحبه أو يخمس و كده يروح ياخدله ربع ساعه بـ20 جنيه مثلاً؟

هو حضرتك عندك سيارة مجهزة لمثل هذه الاشياء
ومن سيقوم بانشاء صالة تصلح لتلك الافعال


الموضوع مش بسيط

المشاركة الأصلية كتبت بواسطة Mohamed_Elsaadani

هو حضرتك عندك سيارة مجهزة لمثل هذه الاشياء
ومن سيقوم بانشاء صالة تصلح لتلك الافعال


الموضوع مش بسيط

ولله يا أ/محمد ماهو الناس كده وللا كده بتعمل الحاجات ديه فعلاً سواء كانت السيارات مجهزه أو لأ... أنا كل اللى أقصده ان الموضوع يكون متنظم و بدل ما الناس تجرى فى الشوارع و تعرض الغير للمخاطر يبقى الموضوع خاضع لإشراف... و خد الأوتوكروس كمثال... هى يعنى كل العربيات اللى بتشترك فيه مجهزه مخصوص للسباقات؟

الموضوع ده ممكن يتعمل كمشروع تجارى عن طريق القطاع الخاص مع دعم أو تشجيع من الدوله و أنا أعتقد انه لو اتعمل صح ممكن يكون مربح جداً - بصراحه لو كان معايا التمويل كان ممكن أعمله أنا :-)

عامةً أنا كل قصدى ان فى الوقت اللى نكون بنحاول نقفل فيه باب فساد على الناس نفتح فيه باب اصلاح علشان محدش ينط من الشباك - و أنا أولهم ؛-)